நெற்றியில் இருந்த திருநீறை துடைத்தது ஏன்?: விசிக தலைவர் திருமாவளவன் விளக்கம்…

விடுதலை சிறுத்தைகள் கட்சி தலைவர் திருமாவளவன்

தமிழ்நாடு ஜூன் 20: விடுதலை சிறுத்தைகள் கட்சி (Viduthalai Siruthaigal katchi) தலைவர் திருமாவளவன் (Chairman Thirumavalavan), திருப்பரங்குன்றம் முருகன் கோயிலுக்கு (Thiruparankundram Murugan Temple) சென்று திருநீறு பூசப்பட்டபின் செல்ஃபிக்கு போஸ் கொடுக்க முனைந்த போது, நெற்றியில் இருந்த விபூதியை துடைத்தது சர்ச்சையை ஏற்படுத்தியது. இதற்கு மத்திய அமைச்சர் எல்.முருகன் (Union Minister L. Murugan) கடும் விமர்சனம் தெரிவித்தார். திருமாவளவன், “நாள் முழுவதும் திருநீறு வைத்திருக்க முடியுமா?” என விளக்கம் அளித்தார். முருக பக்தர்கள் மாநாடு அரசியல் நோக்கில் நடக்கிறது என விசிக கண்டனம் தெரிவித்தது. இதற்கு எதிராக மதுரையில் மனித சங்கிலி போராட்டம் நடைபெற்றது. “தமிழிலும் குடமுழுக்கு நிலை வரும்” என திருமாவளவன் கூறினார்.

ஹிந்துத்துவ வாதத்திற்கே எதிர்ப்புள்ளவர் என்றே திருமா விளக்கம்

முதன்மை எதிர்க்கட்சித் தலைவர்களில் ஒருவராக இருக்கும் விசிக தலைவர் திருமாவளவன், பாஜக, ஆர்எஸ்எஸ் மற்றும் சங் பரிவார் அமைப்புகளின் மதவாத அணுகுமுறைகளை கடுமையாக எதிர்த்து வருகிறார். 2019-ஆம் ஆண்டு தமிழ்நாட்டில் ‘சனாதன எதிர்ப்பு மாநாடு’ ஒன்றை நடத்தியதிலிருந்து, அவருக்கு இந்து அமைப்புகள் எதிர்ப்பு தெரிவித்து வருவது வழக்கமாகி விட்டது. ஆனால், தான் இந்துக்களுக்கு எதிரானவர் அல்ல, ஹிந்துத்துவ வாதத்திற்கே எதிர்ப்புள்ளவர் என்றே விளக்கம் அளித்து வருகிறார்.

திருப்பரங்குன்றம் முருகன் கோயிலுக்குச் சென்ற திருமா

அதற்கிணங்க, தனது சொந்த ஊரான அங்கனூரில் கோயில்கள் கட்டித் தந்த பின்புலத்தையும், கோயில்களுக்கு செல்லும் புகைப்படங்களையும் அவர் சுட்டிக்காட்டியுள்ளார். இதனிடையே, திருமாவளவன் 2025 ஜூன் 19 ஆம் தேதி நேற்று மதுரையில் உள்ள திருப்பரங்குன்றம் முருகன் கோயிலுக்குச் சென்றார். அங்கு அர்ச்சகர்கள் அவருக்கு மாலை அணிவித்து, திருநீறு பூசினர். பின்னர் தீபாராதனையில் கலந்து கொண்டு, பூரண கும்ப மரியாதையும் பெற்றார்.

நெற்றியில் இருந்த திருநீரை அவர் துடைத்ததால் சர்ச்சை

இந்நிலையில், கோவிலில் புகைப்படம் எடுக்கும்போது அவரது நெற்றியில் இருந்த திருநீரை அவர் துடைத்துவிட்டு செல்ஃபிக்கு போஸ் கொடுத்த காட்சி சமூக வலைதளங்களில் பரவி சர்ச்சையை கிளப்பியது. இதற்காக மத்திய அமைச்சர் எல். முருகன் கடும் கண்டனம் தெரிவித்தார். “விபூதியை அழித்ததை வீடியோவில் தெளிவாக காணலாம்; இது அவரது உண்மை நிலைப்பாட்டை காட்டுகிறது” என கூறினார்.

இதை எதிர்த்து, மதுரையில் செய்தியாளர்களிடம் பேசிய திருமாவளவன், “நான் அரை மணி நேரம் வரை திருநீறு வைத்திருந்தேன். நீண்ட நேரம் வைத்ததை யாரும் காணவில்லையா? நாள் முழுவதும் அதை வைத்திருக்க முடியுமா?” என எதிர்வினை அளித்தார்.

மத்திய இணை அமைச்சர் எல். முருகன் கடும் கண்டனம்

முருக பக்தர்கள் மாநாட்டுக்கு கண்டனம்

இதற்கிடையே, மதுரையில் வரும் 2025 ஜூன் 22ஆம் தேதி இந்து முன்னணி சார்பில் முருக பக்தர்கள் மாநாடு நடைபெற உள்ளது. இதில் பாஜக மற்றும் பிற இந்து அமைப்புகளின் ஆயிரக்கணக்கானோர் பங்கேற்க உள்ளதாக கூறப்படுகிறது. இது அரசியல் நோக்கத்தில் நடத்தப்படும் மாநாடாகவே திமுக கூட்டணிக் கட்சிகள் கண்டனம் தெரிவித்துள்ளன.

நிகழ்வு குறித்து திருமா விளக்கம்

இதை எதிர்த்து, மதுரையில் செய்தியாளர்களிடம் பேசிய திருமாவளவன், “நான் அரை மணி நேரம் வரை திருநீறு வைத்திருந்தேன். நீண்ட நேரம் வைத்ததை யாரும் காணவில்லையா? நாள் முழுவதும் அதை வைத்திருக்க முடியுமா?” என எதிர்வினை அளித்தார்.

மேலும் மாநாட்டுக்கு எதிராக மத நல்லிணக்க மக்கள் கூட்டமைப்பினர் 2025 ஜூன் 19 மனித சங்கிலி போராட்டம் நடத்தினர். இதில் திருமாவளவனும் இயக்குநர் அமீரும் கலந்து கொண்டனர். “முருகனின் பெயரை பாசிச அரசியல் கைக்கொள்கிறது. தமிழிலும் ‘குடமுழுக்கு’ என்ற நிலை ஒரு நாள் வரும்” எனவும் திருமாவளவன் தெரிவித்தார்.