கள்ளக்காதல் ஜோடியை சேர்த்து வைத்த சப் இன்ஸ்பெக்டர்.. பரிதவித்து நிற்கும் 4 குழந்தைகள்!
Married Woman Abandons 2 Kids for Lover | திண்டுக்கலில் ஏற்கனவே திருமணமாகி இரண்டு குழந்தைகள் உள்ள ஒரு பெண், தனது ஊர் திருவிழாவுக்கு வந்த ஏற்கனவே திருமணமாகி இரண்டு குழந்தைகள் உள்ள நபருடன் திருமணத்தை மீறிய உறவில் இருந்து வீட்டை விட்டுச் சென்றுள்ளார்.
மாதிரி புகைப்படம்
திண்டுக்கல், நவம்பர் 26 : திண்டுக்கல் (Dindigul) மாவட்டம், வேடச்சந்தூர் பகுதியை சேர்ந்தவர் வைஷ்னவி. 22 வயதான இவர், தனது தாய் மாமனை திருமணம் செய்துக்கொண்டுள்ளார். இவர்களுக்கு 2 குழந்தைகளும் உள்ளனர். கணவன் – மனைவி பிள்ளைகளுடன் மகிழ்ச்சியாக வாழ்ந்து வந்துள்ளனர். இந்த நிலையில் தான் கடந்த சில மாதங்களுக்கு முன்பு நடைபெற்ற அவரது ஊர் திருவிழாவில் பங்கேற்க திண்டுக்கல்லை சேர்ந்த சூர்யா என்ற நபர் வைஷ்ணவியின் ஊருக்கு சென்றுள்ளார். அவருக்கும் திருமணமாகி இரண்டு குழந்தைகள் உள்ளனர்.
இருவருக்கும் இடையே ஏற்கப்பட்ட கள்ளக்காதல்
திருவிழாவுக்கு வந்த சூர்யாவுடன், வைஷ்னவிக்கு தொடர்பு ஏற்பட்டுள்ளது. ஆரம்பத்தில் இருவரும் நட்பாக பேசி, பழகி வந்த நிலையில் பிறகு இருவருக்கும் இடையே திருமணத்தை மீறிய உறவு ஏற்பட்டுள்ளது. சூர்யாவுடன் வைஷ்னவி அடிக்கடி செல்போனில் பேசி வந்ததை அவரது குடும்பத்தினர் மிக கடுமையாக எச்சரித்துள்ளனர். ஆனால், வைஷ்னவி அதெயெல்லாம் கண்டுக்கொள்ளாமல் செல்போனில் தனது கள்ளக்காதலை தொடர்ந்து வளர்த்து வந்துள்ளார்.
இதையும் படிங்க : 29 மாவட்ட செயலாளர்களுக்கு வார்னிங் கொடுத்த எடப்பாடி பழனிசாமி.. களப்பணியில் கவனம் செலுத்த வேண்டும் என உத்தரவு
வீட்டை விட்டு வெளியேறி தனியாக குடும்பம் நடத்திய கள்ளக்காதல் ஜோடி
ஒருகட்டத்தில் அவர்கள் இருவரும் தங்களது வீடுகளை விட்டு வெளியேறி திருப்பூரில் தனியாக குடும்பம் நடத்தி வந்துள்ளனர். இருவருக்கும் இரண்டு பிள்ளைகள் உள்ள நிலையில், அவர்களது குடும்பத்தினர் காவல் நிலையத்தில் புகார் அளித்துள்ளனர். புகாரின் அடிப்படையில் கள்ளக்காதல் ஜோடியை போலீசார் வலைவீசி தேடிவந்தனர். இந்த நிலையில், திருப்பூரில் இருந்த காதல் ஜோடியை போலீசார் காவல் நிலையத்திற்கு அழைத்து வந்துள்ளனர்.
இதையும் படிங்க : யாருடன் கூட்டணி? டிச. 30 ஆம் தேதி முடிவு எடுக்கப்படும் – பாமக நிறுவனர் ராமதாஸ் திட்டவட்டம்
தனது மனைவி காவல் நிலையத்திற்கு வந்திருப்பது குறித்து தகவல் அறிந்து அவரது கணவர் மற்றும் குடும்பத்தினர் அங்கு சென்றுள்ளனர். அப்போது அவர் குழந்தைகளுக்காக சேர்ந்து வாழலாம் என அழைத்துள்ளார். ஆனால் அதற்கு மறுப்பு தெரிவித்த வைஷ்ணவி சூர்யாவுடன் வாழவே விருப்பம் உள்ளதாக தெரிவித்துள்ளார். இதனை அடுத்து வைஷ்ணவி மற்றும் அவரது கள்ளக்காதலன் சூர்யா ஆகியோரை காவல் நிலையத்தில் இருந்த பெண் சப் இன்ஸ்பெக்டர் அனுப்பி வைத்துள்ளார்.
இதன் காரணமாக தற்போது வைஷணிவியின் இரண்டு குழந்தைகள் மற்றும் சூர்யாவின் இரண்டு குழந்தைகள் பரிதவித்து நிற்கும் சூழல் உருவாகியுள்ளது.
