T20 World Cup 2026: ஒரே போட்டியில் அடுத்தடுத்து சூப்பர் ஓவர்.. ஆப்கானிஸ்தானை போராடி வீழ்த்திய தென்னாப்பிரிக்கா!
South Africa vs Afghanistan: 2026 டி20 உலகக் கோப்பையில் தென்னாப்பிரிக்கா - ஆப்கானிஸ்தான் இடையிலான போட்டியில் முதலில் பேட்டிங் செய்த தென்னாப்பிரிக்கா அணி 6 விக்கெட்டுகள் இழப்பிற்கு 187 ரன்கள் எடுத்தது. அதேநேரத்தில் ஆப்கானிஸ்தான் அணி 187 ரன்கள் எடுத்து போட்டியை டிரா செய்தது. இருப்பினும், தென்னாப்பிரிக்கா அணி 2வதாக நடந்த சூப்பர் ஓவரில் வெற்றி பெற்று அசத்தியது.
2026 டி20 உலகக் கோப்பையில் (2026 T20 World Cup) தென்னாப்பிரிக்கா – ஆப்கானிஸ்தான் (South Africa vs Afghanistan) இடையிலான போட்டியில் முதலில் பேட்டிங் செய்த தென்னாப்பிரிக்கா அணி 6 விக்கெட்டுகள் இழப்பிற்கு 187 ரன்கள் எடுத்தது. அதேநேரத்தில் ஆப்கானிஸ்தான் அணி 187 ரன்கள் எடுத்து போட்டியை டிரா செய்தது. இருப்பினும், தென்னாப்பிரிக்கா அணி 2வதாக நடந்த சூப்பர் ஓவரில் வெற்றி பெற்று அசத்தியது. 188 ரன்களைத் துரத்திய ஆப்கானிஸ்தான் அற்புதமாக பேட்டிங் செய்தது. போட்டி முழுவதும், ஒவ்வொரு பந்தும் பதட்டத்தை கொடுத்தது. 2026 டி20 உலகக் கோப்பையில் இதுவரை நடந்த போட்டிகளிலேயே இது மிகவும் சுவாரஸ்யமான போட்டியாகவும் அமைந்தது. தென்னாப்பிரிக்கா அணிக்கு எதிரான போட்டியில் வெற்றிபெற, கடைசி ஓவரில் ஆப்கானிஸ்தான் 13 ரன்கள் தேவைப்பட்டநிலையில், கையில் ஒரு விக்கெட்டை மட்டுமே வைத்திருந்தது.
ALSO READ: இந்தியாவை முந்திய பாகிஸ்தான் அணி.. தலைகீழாக மாறிய டி20 WC அட்டவணை!
பின்னர், கடைசி ஓவரின் முதல் பந்திலேயே அதிரடியாக நூர் அகமது கேட்ச் அவுட் ஆனார். இருப்பினும், அது ஒரு நோ-பால் என்று அறிவிக்கப்பட்டது. பின்னர் ஒரு வைடு வந்தது, முதல் லீகல் பந்து டாட் ஆனது. இரண்டாவது லீகல் பந்தில் நூர் அகமது சிக்ஸர் அடித்தார். மூன்றாவது பந்து டாட் ஆனது, நான்காவது பந்தில் நூர் அகமது இரண்டு ரன்கள் எடுத்தார். ஆனால் நான்காவது பந்திலும் நோ-பால் இருந்தது, இது போட்டி ஆப்கானிஸ்தானின் கைகளில் இருப்பது போல் தோன்றியது. ஆப்கானிஸ்தானின் வெற்றிக்கு மூன்று பந்துகளில் இரண்டு ரன்கள் தேவைப்பட்டது. பேட்ஸ்மேன்கள் ஒரு ஃப்ரீ ஹிட் பந்தை டாட் ஆக மாறியது. ஆனால் இரண்டாவது ரன் எடுக்க முயற்சிக்கும் போது ஃபசல்ஹாக் ஃபரூக் ரன் அவுட் ஆனார். இதனால், போட்டி சூப்பர் ஓவராக மாறியது.
டையில் முடிந்த சூப்பர் ஓவர்:
An instant #T20WorldCup classic sees South Africa beat Afghanistan in a double Super Over thriller 🤯
📝: https://t.co/imSDJnHAdr pic.twitter.com/qj0IhYkAOm
— ICC (@ICC) February 11, 2026
முதல் சூப்பர் ஓவர்
ஆப்கானிஸ்தான் பேட்டிங்:
சூப்பர் ஓவர் – 4, 6, 1, 1, 4, 1 – ஆப்கானிஸ்தான் 17 ரன்கள் எடுத்தது.
தென்னாப்பிரிக்காவின் பேட்டிங்:
சூப்பர் ஓவர் – 1, 6, விக்கெட், 4, 0, 6 – தென்னாப்பிரிக்கா வெற்றி பெற கடைசி பந்தில் 7 ரன்கள் தேவைப்பட்டது. டிரிஸ்டன் ஸ்டப்ஸ் கடைசி பந்தில் ஒரு சிக்ஸர் அடித்து போட்டியை இரண்டாவது ஓவருக்கு கொண்டு சென்றார்.
இரண்டாவது சூப்பர் ஓவர்:
தென்னாப்பிரிக்காவின் பேட்டிங்:
சூப்பர் ஓவர் – 6, 1, 2, 6, 6, 2 – முதலில் பேட்டிங் செய்த தென்னாப்பிரிக்கா 23 ரன்கள் எடுத்தது.
ALSO READ: சரியில்லாமல் போன உடல்நிலை.. மருத்துவமனையில் அபிஷேக் சர்மா.. பதட்டத்தில் ரசிகர்கள்!
ஆப்கானிஸ்தான் பேட்டிங்:
சூப்பர் ஓவர் – 1,W, 6 6, 6,W – ஆப்கானிஸ்தான் 18 ரன்கள் எடுத்தது.
3வது, 4வது மற்றும் 5வது பந்தில் ரஹ்மானுல்லா குர்பாஸ் தொடர்ந்து 3 சிக்ஸர்களை பறக்கவிட்டிருந்தார். கடைசி பந்தில் 6 ரன்கள் தேவை என்ற நிலையில், குர்பாஸ் கேட்ச் அவுட்டானார்.
