Health Tips: உங்களுக்கு காய்ச்சலுடன் இந்த பிரச்சனைகளா..? மருத்துவரிடம் செல்ல வேண்டிய நேரம் இது!
Precaution Tips In Fever: ஒவ்வொரு வீட்டிலும் ஒருவருக்காவது சளி அல்லது காய்ச்சல் (Fever) போன்ற பிரச்சனைகள் ஏற்படும். பலர் ஒன்று அல்லது 2 நாட்கள் காய்ச்சல் வந்ததுடன் மருத்துவரிடம் செல்கிறார்கள். அப்படி இல்லையென்றால், வீட்டில் இருக்கும் சமையலறை பொருட்களை பயன்படுத்தி சரிசெய்ய முயற்சி செய்கிறார்கள்.
மழைக்காலத்தில் (Rainy Season) பாக்டீரியா மற்றும் வைரஸ்கள் வேகமாக பரவுகின்றன. இந்த ஈரப்பதத்தில் பாக்டீரியா மற்றும் வைரஸ்கள் செழித்து வளர எளிதான பருவமாகும். இதுபோன்ற சூழ்நிலைகளில் ஒவ்வொரு வீட்டிலும் ஒருவருக்காவது சளி அல்லது காய்ச்சல் (Fever) போன்ற பிரச்சனைகள் ஏற்படும். பலர் ஒன்று அல்லது 2 நாட்கள் காய்ச்சல் வந்ததுடன் மருத்துவரிடம் செல்கிறார்கள். அப்படி இல்லையென்றால், வீட்டில் இருக்கும் சமையலறை பொருட்களை பயன்படுத்தி சரிசெய்ய முயற்சி செய்கிறார்கள். மருத்துவரின் ஆலோசனையின்படி, நோய்வாய்ப்பட்ட நபருக்கு எப்போது மருந்து கொடுக்க வேண்டும் என்பதை அறிந்து கொள்வது முக்கியம். மழைக்காலத்தில் பல வகையான வைரஸ்கள் பரவுகின்றன. இந்த வைரஸ்களை கண்டறிந்து உடலில் அவற்றை தடுக்க, சரியான நேரத்தில் மருத்துவரிடம் உதவி பெறுவது முக்கியம்.
ALSO READ: சளியால் மூச்சு விட சிரமமா..? மூக்கு அடைப்பை சரிசெய்யும் எளிய டிப்ஸ்!
மழைக்காலத்தில் நாம் ஏன் நோய்வாய்ப்படுகிறோம்..?
மழைக்காலத்தில் நனைவது சளி மற்றும் காய்ச்சலுக்கு வழிவகுக்கும். சில நேரங்களில் கொசுக்களால் டெங்கு அல்லது மலேரியா போன்ற பிரச்சனைகளை வரக்கூடும். இதுபோன்ற அறிகுறிகள் உங்களுக்கு நாளடைவில் மிகப்பெரிய பிரச்சனையாக உருவெடுக்கலாம். மழைக்காலத்தில் நாம் சமைக்கும் உணவுகள் எப்போது கெட்டுப்போகும் என்பது தெரியாது. தெரியாமல் அதை நாம் உட்கொள்ளும்போது ஃபுட் பாய்சன் பிரச்சனையையும் எதிர்கொள்கிறார்கள்.
எப்போது மருத்துவரை தொடர்பு கொள்வது நல்லது..?
மழைக்காலத்தில் அதிக காய்ச்சல் அல்லது புட் பாய்சன் போன்ற ஏதேனும் நோயின் அறிகுறிகளாக இருக்கலாம். காய்ச்சல் தொடர்ந்து 3 நாட்கள் நீடித்தால், சமையலறை பொருட்களை கொண்டு வீட்டு வைத்தியங்களை மேற்கொள்ளாமல், ஒரு மருத்துவரை அணுகி மருந்துகளை பெறுவது அவசியம். இது காய்ச்சல் விரைவில் குறைந்து நோயாளி குணமடைய உதவும்.
உங்கள் காய்ச்சல் 102 டிகிரிக்கு மேல் உயர்ந்து குறையவில்லை என்றால், மருத்துவரை அணுகுவது முக்கியம். உங்களுக்கு காய்ச்சல், உடல் வலி, சோர்வு அல்லது பலவீனம் ஆகியவற்றுடன் திடீரென குளிர்ச்சி ஏற்பட்டால், இவை வைரஸ் தொற்று அல்லது சில நேரங்களில் டெங்கு அல்லது மலேரியாவின் அறிகுறிகளாக இருக்கலாம்.
ALSO READ: மழைக் காலத்தில் குழந்தைக்கு இருமல் தொல்லையா..? உடனடியாக போக்கும் எளிய வழிகள்!
காய்ச்சலுடன் மூச்சு திணறல்:
இன்ஃப்ளூயன்ஸா அல்லது காய்ச்சல் போன்ற வைரஸ்களும் சுவாசிப்பதில் சிரமத்தை ஏற்படுத்தும். பல நோயாளிகள் ஒரு சாதாரண காய்ச்சலுடன் கூட சுவாசிப்பதில் சிரமத்தை எதிர்கொள்கிறார்கள். மூக்கு அடைப்பு, தொண்டை வலி மற்றும் இருமல் ஆகியவை சுவாசிப்பதில் சிரமத்தை தரும்.
பலருக்கு குமட்டல், வாந்தி மற்றும் வயிற்றுப்போக்கு காரணமாகவும் காய்ச்சல் ஏற்படுகிறது. எனவே, முதலில் வயிற்று தொற்றை நீக்குவது முக்கியம். இதுபோன்ற பிரச்சனைகளை நீங்களும் எதிர்கொண்டால் உடனடியாக மருத்துவரை தொடர்பு கொள்வது மிக மிக முக்கியம்.
