Health Tips: தைராய்டு பிரச்சனை உள்ளவர்கள் தவிர்க்க வேண்டியவை.. இது நிலைமையை சீராக்கும்!

தைராய்டு பிரச்சனை

தைராய்டு பிரச்சனைகள் (Thyroid Problems) இப்போதெல்லாம் மக்களை அதிகமாகப் பாதிக்கின்றன. மோசமான வாழ்க்கை முறைகள், சமநிலையற்ற உணவு முறைகள் மற்றும் அதிகரித்த மன அழுத்தம் ஆகியவை இவை வருவதற்கு மிகப்பெரிய காரணங்களாகக் கருதப்படுகின்றன. தைராய்டு ஹார்மோன்கள் நமது உடலின் ஆற்றல், எடை மற்றும் வளர்சிதை மாற்றத்தைக் கட்டுப்படுத்துகின்றன. இருப்பினும், அவை செயலிழக்கும்போது சோர்வு, எடை அதிகரிப்பு, மனநிலை மாற்றங்கள் மற்றும் மூட்டு வலி (Joint Pain) போன்ற பல பிரச்சினைகள் ஏற்படுத்தும். இதுபோன்ற சூழ்நிலையில், உணவில் நீங்கள் காட்டும் சிறு சிறு அலட்சியம் கூட நிலைமையை மோசமாக்கும். எனவே, தைராய்டு நோயாளிகள் எந்த உணவுகளை தவிர்ப்பது நல்லது என்பதை தெரிந்து கொள்வோம்.

தைராய்டு என்றால் என்ன.? அது உடலை எவ்வாறு பாதிக்கிறது..?

கழுத்தில் அமைந்துள்ள தைராய்டு சுரப்பி, வளர்சிதை மாற்றம் மற்றும் ஆற்றல் அளவைக் கட்டுப்படுத்தும் T3 மற்றும் T4 ஹார்மோன்களை உருவாக்குகிறது. இந்த சுரப்பி செயலிழந்தால், இரண்டு வகையான பிரச்சினைகள் எழுகின்றன. அதில் முதல் ஹைப்போ தைராய்டிசம், இதில் ஹார்மோன்கள் மிதமாக உற்பத்தி செய்யப்படுகின்றன. 2வது ஹைப்பர் தைராய்டிசம், இதில் ஹார்மோன்கள் அதிகமாக உற்பத்தி செய்யப்படுகின்றன. இதுபோன்ற 2 சூழலிலும் உணவு ஆரோக்கியத்தில் நேரடி தாக்கத்தை ஏற்படுத்துகிறது.

ALSO READ: மாலையில் ஸ்நாக்ஸ் பிடிக்குமா..? இந்த உணவுகள் மட்டும் வேண்டாம்.. ஆரோக்கியத்தை கெடுக்கும்!

தைராய்டுடன் நீங்கள் என்ன உணவுகளைத் தவிர்க்க வேண்டும்?

ரெட் மீட்:

தைராய்டு நோயாளிகள் ரெட் மீட் உணவுகளை தவிர்க்க வேண்டும். ரெட் மீட்டில் உள்ள அதிக கொழுப்பு மற்றும் நிறைவுற்ற கொழுப்பு விரைவான எடை அதிகரிப்பிற்கு வழிவகுக்கும். தைராய்டு ஏற்கனவே எடை அதிகரிப்பு பிரச்சனையைக் கொண்டுள்ளது. அதன்படி, ரெட் மீட் இந்த பிரச்சனையை மேலும் மோசமாக்கும்.

துரித உணவுகள்:

வறுத்த, காரமான மற்றும் துரித உணவுகள் தைராய்டு நோயாளிகளுக்கு தீங்கு விளைவிக்கும் என்று கருதப்படுகிறது. இந்த உணவுகள் கொழுப்பின் அபாயத்தை அதிகரித்து, ஹார்மோன் ஏற்றத்தாழ்வுகளையும் அதிகரிக்கக்கூடும்.

பசையம் சார்ந்த உணவுகள்:

கோதுமை மற்றும் ஓட்ஸில் காணப்படும் பசையம், தைராய்டு நோயாளிகளுக்கு எடை அதிகரிப்புடன் சர்க்கரை மற்றும் உயர் இரத்த அழுத்தம் ஏற்படும் அபாயத்தையும் அதிகரிக்கும். இந்த உணவுகளை முற்றிலுமாக தவிர்ப்பது கடினமாக இருக்கலாம். ஆனால், இவற்றின் நுகர்வு குறைக்க அறிவுறுத்தப்படுகிறது.

கிரீன் டீ, காஃபின் மற்றும் ஆல்கஹால்:

தைராய்டு நோயாளிகள் அதிகமாக கிரீன் டீயை உட்கொள்ளக்கூடாது. அதில் உள்ள கூறுகள் தைராய்டை பாதிக்கலாம். காஃபின் மற்றும் ஆல்கஹால் தைராய்டு சுரப்பியின் செயல்பாட்டை பாதிக்கிறது. மேலும், இது மருந்துகளின் விளைவையும் பலவீனப்படுத்தலாம்.

ALSO READ: இரவில் தாமதமாக தூங்கும் பழக்கமா? ஆய்வில் வெளியான அதிர்ச்சி தகவல்!

முள்ளங்கி, முட்டைக்கோஸ் மற்றும் சோயாபீன்:

தைராய்டு நோயாளிகள் முள்ளங்கி, முட்டைக்கோஸ் மற்றும் காலிஃபிளவர் போன்ற காய்கறிகளைத் தவிர்க்க மருத்துவர்கள் அறிவுறுத்துகின்றனர். இவற்றில் உள்ள கூறுகள் தைராய்டை சமநிலையின்மையாக்கும். சோயாபீன் மற்றும் சோயா பொருட்கள் தைராய்டு ஹார்மோன்களை உருவாக்கும் செயல்முறையை பாதிக்கும். எனவே, மருத்துவரின் ஆலோசனை இல்லாமல் இவற்றை உணவில் சேர்க்கக்கூடாது.