Health Tips: தினமும் ஒரு கிளாஸ் கொய்யா ஜூஸ்.. ஆரோக்கியம், சருமத்திற்கு இவ்வளவு நன்மை தரும்!

கொய்யா ஜூஸ்

பழங்கள் ஆரோக்கியத்திற்கு நல்லது. அத்தகைய பழங்களில் கொய்யா (Guava) முன்னணியில் உள்ளது. இதில் உள்ள வைட்டமின் சி மற்றும் ஆக்ஸிஜனேற்றிகள் பல ஆரோக்கிய நன்மைகளை வழங்குகின்றன. இருப்பினும், சுகாதார நிபுணர்கள் கொய்யாவை ஒரு பழமாக மட்டுமல்லாமல், ஒரு ஜூஸாகவும் எடுத்துக்கொள்வது நல்லது என்று கூறுகின்றனர். ஆரோக்கியத்திற்காக தினமும் முயற்சிப்பவர்கள், கொய்யா ஜூஸை தங்கள் டயட் பட்டியலில் சேர்க்க வேண்டும். கொய்யாப் பழத்தை தினமும் சாப்பிடுவது பல ஆரோக்கிய நன்மைகளை அளிக்கும். இதை துண்டுகளாக நறுக்கி சாப்பிடலாம். ஜூஸாகவும் தயாரித்து குடிக்கலாம். இரண்டு சந்தர்ப்பங்களிலும் பல நன்மைகள் உள்ளன. கொய்யாவை ஜூஸாக எடுத்துக்கொள்வது முடி மற்றும் சரும ஆரோக்கியத்திற்கும் (Skin Care) நல்லது. மேலும் இது உடலுக்கும் ஆரோக்கியத்திற்கும் என்ன நன்மைகளை வழங்குகிறது.

ALSO READ: மாரடைப்பை குறைக்கும் மகத்துவம்.. நீண்ட நாள் வாழ்வு தரும் வால்நட்ஸ்..!

நோய் எதிர்ப்பு சக்தி:

கொய்யா சாறு குடிப்பதால் நோய் எதிர்ப்பு சக்தி அதிகரிக்கும். இந்த பழத்தில் வைட்டமின் சி நிறைந்துள்ளது. எனவே, கொய்யா சாறு குடிப்பதால் உடலுக்கு வைட்டமின் சி கிடைத்து நோய் எதிர்ப்பு சக்தி அதிகரிக்கும். இது பருவகால பிரச்சனைகளில் இருந்து விடுபட உதவுகிறது. மேலும், ஒருவர் அதிகம் நோய்வாய்ப்படுவதில்லை.

செரிமானம்:

கொய்யா சாறு இயற்கையாகவே செரிமானத்தை மேம்படுத்தவும் பயனுள்ளதாக இருக்கும். அஜீரணப் பிரச்சினைகள் நீங்கும். பச்சையாகவோ அல்லது அதிக அளவில் உட்கொண்டாலோ வயிற்று வலி ஏற்படும். ஆனால் சரியான அளவில் சாறு வடிவில் எடுத்துக் கொண்டால், மலச்சிக்கல் போன்ற செரிமானப் பிரச்சினைகளையும் நீக்கலாம். ஏனெனில் இதில் நார்ச்சத்து நிறைந்துள்ளது. தொடர்ந்து எடுத்துக் கொண்டால், பிரச்சனையை முற்றிலுமாக நீக்கலாம்.

தோல் ஆரோக்கியம்:

ஆரஞ்சு பழங்களை விட கொய்யாவில் அதிக வைட்டமின் சி உள்ளது. எனவே, இந்த பழத்தை அல்லது ஜூஸை தொடர்ந்து சாப்பிடுவது நோய் எதிர்ப்பு சக்திக்கும், சரும ஆரோக்கியத்திற்கும் நல்லது. உடலுக்கு தேவையான வைட்டமின் சி கிடைத்தால், அது சருமத்திற்கு இயற்கையான பளபளப்பைத் தரும். இது சருமத்தை உள்ளிருந்து ஆரோக்கியமாக்குகிறது. கூந்தலுக்கும் நல்ல ஊட்டச்சத்து கிடைக்கிறது.

இரத்த அழுத்தம் கட்டுப்பாடு:

கொய்யாவில் மெக்னீசியம் நிறைந்துள்ளதால், இது நம் உடலில் இரத்த அழுத்த அளவைக் குறைக்கிறது. உயர் இரத்த அழுத்தம் உள்ளவர்கள் இதை தொடர்ந்து சரியான அளவுகளில் உட்கொள்வது நல்லது. மேலும், இது கெட்ட கொழுப்பின் அளவையும் குறைக்கிறது. இதன் விளைவாக, இதய ஆரோக்கியம் நன்றாக இருக்கும்.

ALSO READ: அதிக விலை ப்ளூபெர்ரி.. எளிதாக கிடைக்கும் கொய்யாவில் இவ்வளவு நன்மைகளா? எது சிறந்தது..?

சர்க்கரை நோய்:

கொய்யா இனிப்பாக இருந்தாலும், இரத்த சர்க்கரை அளவைக் கட்டுப்படுத்த உதவுகிறது. எனவே, சர்க்கரை நோயாளிகள் பாதுகாப்பாக கொய்யா அல்லது கொய்யா சாற்றை உட்கொள்ளலாம். சர்க்கரை நோயாளிகள் இதை சாப்பிட வேண்டும் என்றும் மருத்துவர்கள் பரிந்துரைக்கின்றனர்.

கொய்யாவை நேரடியாக சாப்பிட முடியாதவர்கள் அதை ஜூஸ் வடிவில் எடுத்துக்கொள்வதன் மூலம் நல்ல பலன்களைப் பெறலாம். கொய்யா ஜூஸை உங்கள் உணவில் சேர்க்க விரும்புவோர், நிச்சயமாக மருத்துவரின் ஆலோசனைபேரில் எடுத்து கொள்ளலாம்.