Health Tips: நீண்ட நேரம் சிறுநீரை அடக்கி வைக்கிறீர்களா..? இது சிறுநீரகத்தை சேதப்படுத்தும்!
Kidney Damage: சுகாதார நிபுணர்களின் கூற்றுப்படி, சிறுநீரகங்கள் தொடர்ந்து இரத்தத்தை சுத்தம் செய்து சிறுநீரை உற்பத்தி செய்கின்றன. நாம் சிறுநீரை அடக்கி வைத்திருக்கும்போது, சிறுநீர் சிறுநீர்ப்பையில் தேங்கி நிற்கிறது. இந்த அழுத்தம் நீண்ட நேரம் நீடித்தால், அது சிறுநீரகங்களை நோக்கி மீண்டும் பாயத் தொடங்கி, அவற்றின் மீது அழுத்தம் கொடுக்கும்.
இன்றைய பரபரப்பான வாழ்க்கையில், நாம் அனைவரும் சில நேரங்களில் நம் உடல் நலத்தில் அக்கறை கொள்வது கிடையாது. அலுவலக பணியின்போதும் சரி, பள்ளி அல்லது கல்லூரி வகுப்பாக இருந்தாலும் சரி, நீண்ட பயணமாக இருந்தாலும் சரி, அல்லது அருகில் கழிப்பறை இல்லாதிருந்தாலும் சரி, சிறுநீர் கழிக்க முடியாத சூழ்நிலைகள் ஏற்படும். சில நேரங்களில், சிறிது நேரம் கழித்து சிறுநீர் கழிப்போம் என்று நினைத்து வேண்டுமென்றே சிறுநீர் கழிப்பதைத் தள்ளிப் போடுகிறோம். ஆனால், மீண்டும் மீண்டும் நீண்ட நேரம் சிறுநீர் (Urine) கழிப்பதை அடக்கும் இந்தப் பழக்கம் உங்கள் ஆரோக்கியத்தில் (Health) மிகப்பெரிய தாக்கத்தை ஏற்படுத்தும் என்பது உங்களுக்கு தெரியுமா?
சிறுநீர் கழிக்க வேண்டிய அவசியம் ஏற்படும்போது நம் உடல் அடிக்கடி சில அறிகுறிகலை ஏற்படுத்தும். செய்கிறது. இருப்பினும், நாம் இந்த அறிகுறிகளை புறக்கணித்தால், இந்தப் பழக்கம் படிப்படியாக கடுமையான உடல்நலப் பிரச்சினைகளுக்கு வழிவகுக்கும். இது சிறுநீரகங்கள், சிறுநீர்ப்பை மற்றும் முழு சிறுநீர் அமைப்புக்கும் குறிப்பாக தீங்கு விளைவிக்கும். எனவே நீண்ட நேரம் சிறுநீர் கழிப்பது சிறுநீரகங்களை எவ்வாறு சேதப்படுத்தும் மற்றும் அது ஏற்படுத்தும் பல்வேறு நோய்களை அறிகுறிகளை பற்றி அறிவோம்.
ALSO READ: 30 வயதிற்கு பிறகு உயர் இரத்த அழுத்தம் ஏன் ஏற்படுகிறது? காரணம் என்ன..?
சிறுநீரை நீண்ட நேரம் அடக்கி வைத்திருப்பது சிறுநீரகங்களை எவ்வாறு சேதப்படுத்தும்?
சுகாதார நிபுணர்களின் கூற்றுப்படி, சிறுநீரகங்கள் தொடர்ந்து இரத்தத்தை சுத்தம் செய்து சிறுநீரை உற்பத்தி செய்கின்றன. நாம் சிறுநீரை அடக்கி வைத்திருக்கும்போது, சிறுநீர் சிறுநீர்ப்பையில் தேங்கி நிற்கிறது. இந்த அழுத்தம் நீண்ட நேரம் நீடித்தால், அது சிறுநீரகங்களை நோக்கி மீண்டும் பாயத் தொடங்கி, அவற்றின் மீது அழுத்தம் கொடுத்து படிப்படியாக அவற்றின் செயல்பாட்டைக் குறைக்கிறது. சிறுநீர் உடலில் இருந்து நச்சுகள், பாக்டீரியாக்கள் மற்றும் அதிகப்படியான உப்பை நீக்குகிறது. சிறுநீர் அடக்கப்படும்போது, இந்த அசுத்தங்கள் வெளியேற்றப்படாமல் உடலில் குவிந்துவிடும். இது சிறுநீரகங்களை கடினமாக உழைக்க கட்டாயப்படுத்தி, சிறுநீரக செல்கள் படிப்படியாக பலவீனமடைகின்றன.
இதனால் ஏற்படும் பிற பிரச்சனைகள்..
சிறுநீர் பாதை தொற்று (UTI):
நாம் சிறுநீரை அடக்கி வைத்திருக்கும்போது, சிறுநீரில் உள்ள பாக்டீரியாக்களை வெளியேற்ற முடியாது. இந்த பாக்டீரியாக்கள் சிறுநீர் பாதையில் பெருகி, சிறுநீர் பாதை தொற்றுக்கு வழிவகுக்கும். சிறுநீர் பாதை நோய்த்தொற்றுக்கான அறிகுறிகளில் சிறுநீர் கழிக்கும் போது எரிதல், அடிக்கடி சிறுநீர் கழிக்க வேண்டும் என்ற தூண்டுதல், அடிக்கடி சிறுநீர் கழித்தல், துர்நாற்றம் வீசும் சிறுநீர் மற்றும் வயிறு அல்லது முதுகுவலி ஆகியவை அடங்கும். இது பெரும்பாலும் பெண்களுக்கு மட்டுமே ஏற்படும் என்று பலரும் நினைக்கிறார்கள். ஆனால், இந்த பிரச்சனையை ஆண்களும் எதிர்கொள்ளலாம்.
சிறுநீரக கற்கள்:
நீங்கள் குறைவாக தண்ணீர் குடித்து சிறுநீரை அடக்கும்போது, சிறுநீர் அதிக செறிவூட்டப்படுகிறது. இது தாதுக்கள் குவிவதற்கு காரணமாகி, சிறுநீரக கற்களுக்கு வழிவகுக்கும். சிறுநீரக கற்கள் கடுமையான வலி, வாந்தி மற்றும் சிறுநீரில் இரத்தத்தை ஏற்படுத்தும். பல சந்தர்ப்பங்களில், அறுவை சிகிச்சை கூட தேவைப்படலாம்.
ALSO READ: தினமும் காலையில் வெறும் வயிற்றில் ஒரு கிளாஸ் தண்ணீர்.. தலை முதல் கால் வரை இவ்வளவு நன்மைகளா?
சிறுநீர்ப்பை தசைகள் பலவீனமடைதல்:
தொடர்ந்து சிறுநீரை அடக்கி வைப்பது சிறுநீர்ப்பை தசைகளில் அதிக அழுத்தத்தை ஏற்படுத்துகிறது. இது சிறுநீர் கழிப்பதைக் கட்டுப்படுத்துவதில் சிரமம், சிறுநீர் அடங்காமை மற்றும் அடிக்கடி சிறுநீர் கழிப்பதற்கு வழிவகுக்கும். இது சிறுநீர்ப்பை செயலிழப்பு என்றும் அழைக்கப்படுகிறது.
சர்க்கரை நோயாளிகள், சிறுநீரக நோய் உள்ளவர்கள் மற்றும் சிறுநீர் தக்கவைப்பு உள்ளவர்களுக்கு சிறுநீரக பாதிப்பு ஏற்படும் அபாயம் அதிகம்.
