Rajinikanth: விமானத்தில் ரசிகர் செய்த விஷயம்… பாராட்டி ஆட்டோகிராஃப் போட்ட ரஜினிகாந்த்.. வைரலாகும் வீடியோ!
Rajinikanth Viral Video: தமிழ் சினிமாவில் முன்னணி நாயகனாக இருப்பவர் சூப்பர் ஸ்டார் ரஜினிகாந்த். இவர் தொடர்ந்து சினிமாவில் கதாநாயகனாகவே நடித்துவருகிறார். அந்த விதத்தில் சமீபத்தில் மக்களோடு மக்களாக விமானத்தில் பயணம் செய்திருந்தார், அந்த பயணத்தின்போது ரசிகர் ஒருவர் செய்த காரியம் தொடர்பான வீடியோ வைரலாகிவருகிறது.

ரஜினிகாந்த் வைரல் வீடியோ
நடிகர் ரஜினிகாந்த் (Rajinikanth) தென்னிந்திய சினிமாவில் முன்னணி நடிகராக இருந்ததுவருகிறார். இவரின் நடிப்பில் மிக பிரம்மாண்ட பட்ஜெட்டில் படங்கள் தொடர்ந்து உருவாகிவருகிறது. அந்த வகையில் இவரின் நடிப்பில் கூலி (Coolie) என்ற படமானது இந்த 2025ம் ஆண்டில் வெளியானது. இப்படம் இவருக்கு கலவையான விமர்சனங்களையே கொடுத்திருந்தது. இந்த படத்தை அடுத்தாக இவர் ஜெயிலர் 2 (Jailer 2)படத்தில் கதாநாயகனாக நடித்துவருகிறார். இந்த படமானது வரும் 2026ம் ஆண்டில் வெளியாக தயாராகிவருகிறது. இந்நிலையில் இந்த 2025ம் ஆண்டில் சூப்பர் ஸ்டார் ரஜினிகாந்த் சினிமாவில் தனது 50வது வருடத்தை கொண்டாடிவருகிறார். இவருக்கு வாழ்த்துக்கள் தெரிவிக்கும் விதத்தில், அரசியல்வாதிகள் முதல் சினிமா பிரபலங்கள் பலரும் தங்களின் வாழ்த்துகளை தெரிவித்திருந்தனர். மேலும் இவருக்கு 2025 நவம்பர் 28ம் தேதியில் நடந்த 56வது சர்வதேச திரைப்பட விருது (56th International Film Awards) வழங்கும் விழாவில், வாழ்நாள் சாதனையாளருக்கான் விருது (Lifetime Achievement Award) வழங்கப்பட்டிருந்தது.
இந்த நிகழ்ச்சியானது கோவாவில் (Goa) நடைபெற்றிருந்த நிலையில், அதில் ரஜினிகாந்த் தனது மனைவியுடன் கலந்துகொண்டிருந்தார். இந்நிலையில் சமீபத்தில் விமானத்தில் மக்களோடு மக்களாக ரஜினிகாந்த் பயணித்திருந்தார். இந்த பயணத்தின்போது ரசிகர் ஒருவர் செய்த விஷயம் தொடர்பான வீடியோ ஒன்று இணையத்தில் வைரலாகிவருகிறது.
இதையும் படிங்க: வாத்தி பட ஷூட்டிங்கில் அகாண்டா படத்தை புகழ்ந்து பேசிய தனுஷ் – நடிகை சம்யுக்தா மேனன் ஓபன் டாக்
இணையத்தில் வைரலாகும் ரஜினிகாந்தின் வீடியோ பதிவு :
Superstar #Rajinikanth‘s Fan saw him on the flight and did an instant sketch of Thalaivar and got his Autograph..🤩❣️pic.twitter.com/rgJLsI1xar
— Laxmi Kanth (@iammoviebuff007) November 29, 2025
இந்த பதிவில் ரசிகர் ஒருவர் ரஜினியுடன் ஒரே விமானத்தில் பயணம் செய்துள்ளார். இந்த பயணத்தின் நேரத்தில் சூப்பர் ஸ்டார் ரஜினியின் புகைப்படத்தை தத்ரூபமாக வரைந்துள்ளார். பின் விமானத்திலிருந்து ரஜினிகாந்த் புறப்பட்ட நிலையில், வெளியே வரை சந்தித்த அந்த ரசிகர், தான் வரைந்ததை ரஜினிகாந்திற்கு காட்டியுள்ளார்.
இதையும் படிங்க: 100 ஜென்மம் இருந்தாலும் நான் ஒரு நடிகனாகப் பிறக்க விரும்புகிறேன் – ரஜினிகாந்த்
அதை பார்த்த ரஜினிகாந்த் அவர் வரைந்த, புகைப்படத்தின் மீது ஆட்டோகிராஃப் போட்டுள்ளார். இதனால் அந்த ரசிகர் மகிழ்ச்சியான நிலையில், இது தொடர்பான வீடியோவை தனது இணைய பக்கத்தில் வெளியிட்டுள்ளார். தற்போது இந்த வீடியோ ரசிகர்கள் மத்தியில் வைரலாகிவருகிறது.
ஜெயிலர் 2 படத்தில் ரஜினிகாந்த் :
ரஜினிகாந்த் தற்போது ஜெயிலர் 2 படத்தின் இறுதிக்கட்ட ஷூட்டிங்கில் இருந்துவருகிறார். இந்த படத்தின் ஷூட்டிங் 90 சதவீதம் நிறைவடைந்த நிலையில், இன்னும் சில காட்சிகள் மட்டும் படமாக்கப்பட்டுவிட்டால் ஹூட்டிங் ஓவர். இப்படத்தின் ஷூட்டிங் தற்போது கோவாவில் நடைபெற்றுவருகிறது. இப்படத்தை அடுத்ததாக கமல்ஹாசனின் தயாரிப்பில் தலைவர்173 படத்தில் ரஜினிகாந்த் இணைவார் என்பது குறிப்பிடத்தக்கது.