இயக்குநரின் மகன் டூ பான் இந்திய நாயகன்.. இந்த புகைப்படத்தில் இருக்கும் சிறுவன் யார் தெரியுமா? இவருக்கு இந்தியிலும் ரசிகர்களால் உண்டு!

தமிழ் நடிகரின் சிறுவயது புகைப்படம்

இந்திய சினிமாவில் (Indian Cinema) பல நடிகர்கள் இருந்துவருகின்றனர். அவர்களின் நடிப்பில் தமிழ் சினிமாவில் பல திரைப்படங்கள் வெளியாகியிருக்கிறது. அந்த வகையில் அவர்களின் சிறுவயது அடையாளம் தெரியாத புகைப்படங்கள் அவ்வப்போது இணையத்தில் வைரலாகிவருவது உண்டு. இந்நிலையில் மேலே இருக்கும் புகைப்படத்தில் உள்ள சிறுவன் யார் என பார்க்கலாம். இவர் தமிழ் சினிமாவில் (Tamil Cinema) பிரபல இயக்குநரின் மகன் ஆவார். இவர் தனது தந்தையின் இயக்கத்தின் மூலமாகத்தான் சினிமாவில் கதாநாயகனாக அறிமுகமானார். இவரின் நடிப்பில் வெளியான முதல் திரைப்படத்தின் மூலம் மக்களிடையே அதிக விமர்சங்களை பெற்றிருந்தார். இருந்தாலும் இயக்குநர் கே.பாலசந்தர் (K. Balachander) இவரின் நடிப்பை பாராட்டியிருந்தார். முதல் படத்திலேயே பிரபல இயக்குநரின் பாராட்டைப் பெற்ற ஒருவர், தற்போது பான் இந்திய மொழி திரைப்படங்களிலும் நடித்துவருகிறார். இதைவிடவும் மேலாக ஹாலிவுட் (Hollywood) படத்திலும் நடித்திருக்கிறார்.

தமிழ் நடிகராக அறிமுகமாகி தற்போது பான் இந்திய நடிகர்களில் ஒருவராக திகழ்ந்து வருகிறார். இவரின் நடிப்பில் தமிழ், இந்தி, தெலுங்கு மற்றும் ஆங்கிலம் போன்ற மொழிகளில் படங்கள் வெளியாகியி இருக்கிறது. தமிழ் சினிமாவை அடுத்ததாக இவருக்கு இந்தியிலும் ரசிகர்கள் அதிகம். இப்போதாவது இந்த நடிகர் யார் என தெரிகிறதா?. இவர் இயக்குநர் குடும்பத்தில் பிறந்து, தற்போது இவரும் இயக்குநராகவும் படங்களை இயக்க தொடங்கிவிட்டார். இப்போது தெரிந்திருக்கும் என நினைக்கிறேன், அந்த சிறுவன் வேறுயாருமில்லை நடிகர் தனுஷ் தான் (Dhanush).

இதையும் படிங்க: மெய்யழகன் பட கதையை அந்த இரு நடிகர்களை மனதில் வைத்து எழுதினேன்- இயக்குநர் சி.பிரேம் குமார்!

நடிகர் தனுஷ் வெளியிட்ட லேட்டஸ்ட் இன்ஸ்டாகிராம் பதிவு :

நடிகர் தனுஷ் கடந்த 1983ம் ஆண்டு சென்னையில் பிறந்தார். இவரின் தந்தை இயக்குநர் கஸ்தூரி ராஜா. இவரின் இயக்கத்தில் வெளியான துள்ளுவதோ இளமை என்ற படத்தின் மூலம் கதாநாயகனாக அறிமுகமானார் நடிகர் தனுஷ். இந்த படமானது கடந்த 2002ம் ஆண்டில் வெளியான நிலையில், இதில் கஸ்தூரி ராஜாவுடன் இணைந்து, இயக்குநர் செல்வராகவனும் இயக்கியிருந்தார் என்பது குறிப்பிடத்தக்கது. இந்த படத்தின் ரிலீஸிற்கு பின் நடிகர் தனுஷிற்கு அவரின் உடல் குறித்து விமர்சிக்கப்பட்டார். ஆனாலும் மனம் தளராது தொடர்ந்து படங்களில் நடித்துவந்தார். பின் மற்ற இயக்குநர்களுடன் கைகோர்த்து படங்களில் நடிக்க தொடங்கினர். அந்த வகையில் இவருக்கு வெற்றிப்படங்களை கொடுத்த இயக்குனநராக அமைந்தவர்தான் வெற்றிமாறன்.

இதையும் படிங்க: 2025ல் ஓடிடியில் ரசிகர்களிடையே வரவேற்கப்பட்ட டாப் 5 தமிழ் படங்கள்.. முதலிடத்தில் இருப்பது எந்த படம் தெரியுமா?

பொல்லாதவன் திரைப்படத்தின் மூலம் இந்த கூட்டணி இணைந்த நிலையில், தொடர்ந்து ஆடுகளம், வட சென்னை, அசுரன் என தொடர்ந்து படங்களில் நடித்து ஹிட் கொடுத்தார். அந்த வகையில் இவர் தமிழ், தெலுங்கு, இந்தி மற்றும் ஆங்கிலம் போன்ற மொழிப் படங்களிலும் நடித்துவருகிறார் என்பது குறிப்பிடத்தக்கது. அந்த வகையில் இவருக்கு சமீபத்தில் வெளியாகி வெற்றிகொடுத்த படம்தான் தேரே இஷ்க் மே. இப்படம் உலகமெங்கும் சுமார் ரூ 160 கோடிகளுக்கு மேல் வசூல் செய்திருந்தது என்பது குறிப்பிடத்தக்கது.