Tamil Nadu Election 2026 Live: நெருங்கிய தேர்தல்.. சூறாவளி பிரசாரத்தில் தலைவர்கள்!

அமித் ஷா கோயம்புத்தூர், சென்னை (மயிலாப்பூர்), மொடக்குறிச்சி உள்ளிட்ட பகுதிகளில் பிரம்மாண்ட ரோடு ஷோ மற்றும் பொதுக்கூட்டங்களில் பங்கேற்கிறார். சென்னையில் மயிலாப்பூர் பகுதியில் அவர் மேற்கொள்ளும் ரோடு ஷோவிற்காக விரிவான போக்குவரத்து மாற்றங்கள் செய்யப்பட்டுள்ளன. கோயம்புத்தூரில் முக்கிய வீதிகள் வழியாக அவர் வாகனத்தில் சென்றபடி மக்களிடையே வாக்கு சேகரிக்க உள்ளார்

அமித்ஷா வருகையை முன்னிட்டு கோவை, சென்னை மற்றும் ஈரோடு மாவட்டங்களில் பாதுகாப்பு ஏற்பாடுகள் உச்சகட்டத்தை எட்டியுள்ளன

இன்றைய தினம் பாஜக மற்றும் அதன் கூட்டணிக் கட்சி வேட்பாளர்களை ஆதரித்து பிரச்சாரம் செய்ய மத்திய உள்துறை அமைச்சர் அமித் ஷா தமிழகம் வருகை தந்துள்ளார்.

தேர்தல் நடத்தை விதிமுறைகளை மீறாமல் பிரச்சாரம் மேற்கொள்ள வேண்டும். பிரச்சாரம் மேற்கொள்ளும் இடத்தில் சுவரொட்டியோ, கட்சி கொடிகளோ, விளம்பர பதாகையோ அனுமதியின்றி வைக்கக்கூடாது உள்ள்ளிட்ட 27 நிபந்தனைகளை போலீசார் விதித்துள்ளனர்

திருச்சி கிழக்கு தொகுதிக்கு உட்பட்ட விமான நிலையம் அருகே உள்ள வயர்லஸ் சாலையில் தனது பிரச்சாரத்தை தொடங்கும் அவர் தென்றல்நகர், கே.கே.நகர் பஸ்நிலையம், காஜாமலை சாலை, இ.வி.ஆர்.கல்லூரி சாலை, தமிழ்நாடு ஓட்டல், கோழிப்பண்ணை சாலை, கொட்டப்பட்டு பகுதிகளில் திறந்த வாகனத்தில் நின்றபடியே வாக்கு சேகரிக்கிறார்.

எடப்பாடி தொகுதியில் சுயேட்சை வேட்பாளருக்கு ஆதரவு என விஜய் அதிரடி அறிவிப்பு

சென்னையில் இருந்து தனி விமானத்தில் இன்று மதியம் 2 மணியளவில் விஜய் திருச்சிக்கு வருகிறார். பின்னர் பிற்பகல் 3 மணி முதல் இரவு 7 மணி வரை திருச்சி கிழக்கு தொகுதிக்கு உட்பட்ட பகுதிகளில் பிரச்சாரம் மேற்கொண்டு தனக்கு வாக்கு சேகரிக்க இருக்கிறார்.

திருச்சியில் விஜய் பிரச்சாரம் செய்வதற்கு தேர்தல் நடத்தும் அலுவலர் 10 பொதுவான நிபந்தனைகளை வைத்துள்ளார்

திருச்சி கிழக்கில் இன்று வீதி வீதியாக வாக்கு சேகரிக்க வருகிறார் விஜய்

இந்த வசதிகளைப் பெற வேண்டுமென்றால் Saksham App மூலமாகவும், எண் 1950 அல்லது மாவட்ட தேர்தல் அலுவலக கட்டுபாட்டு அறை எண் 1800-425-7012 ஆகியவற்றில் தொடர்பு கொண்டு பயனடையலாம்

தேர்தல் நாளன்று சென்னை மாவட்டத்தில் உள்ள மாற்றுத்திறனாளிகள் மற்றும் மூத்த வாக்காளர்கள் வாக்குச்சாவடிகளுக்குச் செல்ல இலவச வாகன ஏற்பாடு

இக்குடியிருப்புப் பகுதிகளில் உள்ள வாக்காளர்களுக்கு தேர்தல் விழிப்புணர்வு ரங்கோலி போட்டி நடத்தப்பட்டது

இந்த குடியிருப்புகளில் வசிக்கும் வாக்காளர்களுக்கு மாதிரி வாக்குச்சாவடி மையம் அமைக்கப்பட்டு விழிப்புணர்வு ஏற்படுத்தப்பட்டது

சென்னை மாவட்டத்தில் அதிக வாக்காளர்கள் உள்ள 5 அடுக்குமாடி குடியிருப்புகளில் வாக்காளர்களின் வசதிக்காக குடியிருப்பு வளாகத்துக்குள்ளேயே வாக்குச்சாவடி அமைக்கப்படுகிறது.

கடைசி நேரம் வரை காத்திருக்க செய்து, அனுமதி கடிதத்தைத் தாமதமாக அளித்து, நமக்கான பிரசார முன்னேற்பாடுகளை செய்யவிடாமல் நெருக்கடி தருகிறார்கள் – விஜய்

தேர்தல் ஆணையத்திடம் என்னதான் பொறுப்பு இருந்தாலும், காபந்து அரசான கபட நாடகத் தி.மு.க. அரசு, தன் கையில் வைத்திருக்கும் அதிகாரிகள் சிலரை வைத்து நமக்கு மட்டுமல்லாமல் நம் வேட்பாளர்களுக்கும் பரப்புரை செய்ய நெருக்கடிகளையும் நிர்பந்தங்களையும் நீட்டிக்கவே செய்கின்றது – விஜய்

விஜய்யின் பிரச்சாரம் அடிக்கடி ரத்து செய்யப்படுவது அக்கட்சியினரிடையே கவலையை அதிகரித்துள்ளது. குறிப்பாக காவல்துறை அனுமதித்தும் விஜய் பிரச்சாரத்தை ரத்து செய்வதாகவும் இது அக்கட்சிக்கு பின்னடைவாக அமைய வாய்ப்பிருப்பதாகவும் அக்கட்சி தொண்டர்களும் சமூக வலைதளங்களில் விமர்சித்து வருகின்றனர்.