மீண்டும் ஜெட் வேகத்தில் உயரும் தங்கம் விலை.. ரூ.95,000-த்தை தாண்டியது!
Gold Price Again Crossed 95,000 Rupees | தங்கம் விலை கடந்த சில நாட்களாக சற்று விலை குறைந்து விற்பனை செய்யப்பட்டு வந்தது. இந்த நிலையில், தற்போது மீண்டும் விலை உயர்ந்து வருகிறது. அதன்படி, இன்று (நவம்பர் 29, 2025) தங்கம் விலை மீண்டும் ரூ.95,000-த்தை தாண்டியது.
மாதிரி புகைப்படம்
சென்னை, நவம்பர் 29 : தங்கம் கடந்த சில நாட்களாக ரூ.90,000 முதல் ரூ.92,000 என்ற அடிப்படையில் விற்பனை செய்யப்பட்டு வந்த நிலையில், தற்போது மீண்டு தங்கம் விலை (Gold Price) உயர தொடங்கியுள்ளது. குறிப்பாக கடந்த சில நாட்களாக தங்கம் விலை ஜெட் வேகத்தில் உயர்ந்து வருகிறது. அந்த வகையில் இன்று (நவம்பர் 29, 2025) தங்கம் விலை மீண்டும் ரூ.95,000-த்தை தாண்டி விற்பனை செய்யப்படுகிறது. இந்த நிலையில், இன்றைய தங்கம் விலை நிலவரம் குறித்து விரிவாக பார்க்கலாம்.
கடும் உச்சத்தில் இருந்து சரிந்த தங்கம் விலை
2025 ஆம் ஆண்டு தங்கத்திற்கான ஜாக்பாட் ஆண்டாக அமைந்தது. காரணம், 2025 தொடங்கியது முதலே தங்கம் மின்னல் வேகத்தில் விலை உயர தொடங்கியது. குறிப்பாக அக்டோபர் 21, 2025 அன்று வரலாற்றில் முதல் முறையாக தங்கம் ரூ.97,000-த்தை தாண்டி விற்பனை செய்யப்பட்டது. தங்கம் இத்தககைய விலை உயர்வை அடைந்த நிலையில், விரைவில் தங்கம் ரூ.1 லட்சத்தை தாண்டும் என எதிர்ப்பார்க்கப்பட்டது.
இதையும் படிங்க : December Changes : கேஸ் சிலிண்டர் விலை முதல் பான் கார்டு வரை.. டிசம்பரில் வர உள்ள முக்கிய மாற்றங்கள்!
ஆனால், தங்கம் தங்களுக்கு எட்டா கணியாக மாறிவிடுமோ என்ற அச்சத்தில் இருந்த சாமானிய மக்களுக்கு இன்ப அதிர்ச்சி கொடுக்கும் விதமாக அக்டோபர் 22, 2025 அன்று சர்வதேச அளவில் தங்கம் கடும் சரிவை சந்தித்தது. அதாவது, அன்றைய தினம் மட்டும் தங்கம் 6.3 சதவீதம் சரிவை சந்தித்தது. அதனை தொடர்ந்து தங்கம் ரூ.92,000-க்குள் விற்பனை செய்யப்பட்டு வந்தது. இந்த நிலையில் தான் தங்கம் தற்போது மீண்டும் உயர்வு அடைந்து அதிர்ச்சியை கொடுத்து வருகிறது.
மீண்டும் ஜெட் வேகத்தில் உயரும் தங்கம் விலை
| தேதி | ஒரு கிராம் | ஒரு சவரன் |
| 20 நவம்பர் 2025 | ரூ. 11,500 | ரூ.92,000 |
| 21 நவம்பர் 2025 | ரூ.11,460 | ரூ.91,680 |
| 22 நவம்பர் 2025 | ரூ.11,630 | ரூ.93,040 |
| 23 நவம்பர் 2025 | ரூ.11,630 | ரூ.93,040 |
| 24 நவம்பர் 2025 | ரூ.11,520 | ரூ.92,160 |
| 25 நவம்பர் 2025 | ரூ.11,720 | ரூ.93,760 |
| 26 நவம்பர் 2025 | ரூ.11,800 | ரூ.94,400 |
| 27 நவம்பர் 2025 | ரூ.11,770 | ரூ.94,160 |
| 28 நவம்பர் 2025 | ரூ.11,840 | ரூ.94,720 |
| 29 நவம்பர் 2025 | ரூ.11,980 | ரூ.95,840 |
இதையும் படிங்க : Bank Holiday : டிசம்பர் மாதத்தில் மொத்தம் 19 நாட்கள் வங்கிகளுக்கு விடுமுறை.. லிஸ்ட் இதோ!
மீண்டும் ரூ.95,000-த்தை தாண்டிய தங்கம்
கடந்த சில வாரங்களாக தங்கம் சரிவை சந்தித்து வந்த நிலையில், தற்போது மீண்டு விலை உயர்ந்து வருகிறது. இன்று (நவம்பர் 29, 2025) 22 காரட் தங்கம் கிராமுக்கு ரூ.140 உயர்ந்து ஒரு கிராம் ரூ.11,980-க்கும், ஒரு சவரன் ரூ.95,840-க்கும் விற்பனை செய்யப்படுகிறது. கடந்த 10 நாட்களில் மட்டும் தங்கம் விலை ரூ.3,840 வரை உயர்ந்துள்ளது குறிப்பிடத்தக்கது.
