சிதம்பரம்: கடன் வாங்கிய மகனுக்காக தந்தையின் கை விரலை வெட்டிய கும்பல்…5 பேர் கைது

பாதிக்கப்பட்ட நபர்

கடலூர் ஜூலை 01: சிதம்பரத்தில் (Chidambaram) மகன் வாங்கிய ரூ.6 லட்சம் கடனுக்காக, (6 Lakhs Dept) தந்தை நடராஜனை கடத்தி கந்துவட்டி கும்பல் (Usury gang) கை விரலை வெட்டிய சம்பவம் அதிர்ச்சியை ஏற்படுத்தியுள்ளது. கடனை திருப்பி செலுத்த முடியாததால், பழனிச்சாமி தலைமையிலான கும்பல் நடராஜனை காரில் கடத்தியதாக கூறப்படுகிறது. காரில் கடத்தி கடலூருக்கு வரும்போது போலீசார் தடுத்து நின்று நடராஜனை மீட்டனர். அவர் கடுமையாக தாக்கப்பட்டதோடு, ஒரு கை விரலும் துண்டிக்கப்பட்டுள்ளது. நடராஜன் தற்போது கடலூர் அரசு மருத்துவமனையில் தீவிர சிகிச்சை பெற்று வருகிறார். சம்பவத்தில் தொடர்புடைய 5 பேர் கைது (5 Person Areest) செய்யப்பட்டு, திமுக கொடி பதித்த காரும் பறிமுதல் செய்யப்பட்டுள்ளது.

கடன் மோசடி விவகாரம் பெரும் வன்முறையாக மாறியது

கடலூர் மாவட்டம் சிதம்பரத்தைச் சேர்ந்த நடராஜன் (71) என்பவர், தனது மகன் மணிகண்டனுடன் சீர்காழியில் வசித்து வந்தார். மணிகண்டன் ஒரு மொத்த வியாபாரியாக இருந்து, தனது வியாபாரத்தை விரிவுபடுத்த பழனிச்சாமி என்ற நபரிடமிருந்து ரூ.6 லட்சம் கடன் பெற்றிருந்தார். ஆனால் அந்தக் கடனுக்காக கந்துவட்டி கும்பல் ரூ.64 லட்சம் திருப்பி தர வேண்டும் என வற்புறுத்தியதாக கூறப்படுகிறது.

தந்தையை கடத்திய கும்பல்: போலீசாரின் அதிரடி தடியடி

மகன் பணத்தை தர முடியாத நிலை ஏற்பட்ட நிலையில், பழனிச்சாமியின் ஆதரவாளர்கள் நடராஜனை 2025 ஜூன் 30 ஆம் தேதி காரில் கடத்திச் சென்றனர். சீர்காழியில் இருந்து கடத்தப்பட்ட நடராஜனை கடலூர் மாவட்டத்தின் காரைக்காடு பகுதியில் கொண்டு வந்தபோது, முன்னறிவிப்பு பேரில் போலீசார் வாகனத்தை தடுத்து சோதனை செய்தனர். அந்த நேரத்தில் நடராஜன் மோசமான காயங்களுடன் காரில் இருந்ததும், அவரது கை விரலும் வெட்டப்பட்டதும் தெரியவந்தது.

மருத்துவமனையில் தீவிர சிகிச்சை: கும்பல் கைது

அதிக காயங்களுடன் காணப்பட்ட நடராஜனை போலீசார் உடனடியாக கடலூர் அரசு மருத்துவமனையில் அனுமதித்தனர். தற்போது அவர் தீவிர சிகிச்சைப் பெற்று வருகிறார். இந்த சம்பவம் தொடர்பாக பழனிச்சாமி, அவரது சகோதரர் சக்திவேல், பாண்டியன் (திமுக – கிழக்கு ஒன்றிய பிரதிநிதி), பன்னீர்செல்வம், தேவநாதன், மரியசெல்வராஜ் ஆகிய 5 பேரை போலீசார் கைது செய்து விசாரணை நடத்தி வருகின்றனர்.

அரசியல் தொடர்புகள் குறித்த சந்தேகம்

கடத்தலுக்குப் பயன்படுத்தப்பட்ட வாகனத்தில் திமுகக் கொடி இருந்ததாகவும், அதனை பாண்டியன் என்பவர் பயன்படுத்தியதாகவும் குற்றச்சாட்டுகள் எழுந்துள்ளன. இது தொடர்பாகவும் போலீசார் விசாரணை நடத்தி வருகின்றனர். நடராஜன், “கந்துவட்டிக்காகவே இந்த வன்முறை நடந்தது. ரூ.6 லட்சத்துக்காக ரூ.67 லட்சம் கேட்டுள்ளனர்” என முறைப்பாடும் தெரிவித்துள்ளார்.

காவல் துறையின் கண்காணிப்பு தொடரும்

கடலூர் முதுநகர் போலீசார் இந்த சம்பவத்தை தீவிரமாகக் கண்காணித்து, கந்துவட்டி கும்பல் மற்றும் அவர்களது அரசியல் ஆதரவுகள் குறித்த விசாரணையை விரிவுபடுத்தியுள்ளனர். சமூகத்தில் அதிர்ச்சி ஏற்படுத்திய இந்த சம்பவம், தனியார் கடன் கொடுப்பவர்களின் ஆட்சி, சட்டத்தை மீறி செயல்படும் முறைமைகளை வெளிச்சத்தில் கொண்டு வந்துள்ளது.