Shubman Gill: ஐசிசி மாதத்தின் சிறந்த வீரர் விருது.. கௌரவத்தை பெற்ற கில், ஷஃபாலி!
ICC Players of Month for September 2026: இந்திய கேப்டன் சுப்மன் கில், ஷஃபாலி வர்மா ஆகியோர் செப்டம்பர் 2026 ஐசிசி மாதத்தின் சிறந்த வீரர்/வீராங்கனை விருதை வென்றனர். கில் வெஸ்ட் இண்டீஸ் தொடரில் ஒரு சதம், ஒரு இரட்டைச் சதம் உட்பட 333 ரன்கள் குவித்து, தனது 5வது விருதைப் பெற்றார். ஷஃபாலி வர்மா தனது இரண்டாவது விருதை வென்றார்.
இந்தியாவின் (Indian Cricket Team) டெஸ்ட் மற்றும் ஒருநாள் போட்டிகளின் கேப்டனான சுப்மன் கில் (Shubman Gill), சர்வதேச கிரிக்கெட் கவுன்சிலின் 2026 செப்டம்பர் மாதத்திற்கான சிறந்த வீரராக தேர்ந்தெடுக்கப்பட்டார். இந்திய மகளிர் கிரிக்கெட் அணியின் நட்சத்திர தொடக்க வீராங்கனையான ஷஃபாலி வர்மாவும் இந்த விருதைப் பெற்று கௌரவிக்கப்பட்டார். ஷஃபாலி வர்மா இந்த விருதை வெல்வது இது இரண்டாவது முறையாகும். இதற்கு முன்னர், கடந்த 2025ம் ஆண்டு நவம்பர் மாதம் ஷஃபாலி வர்மா சிறந்த வீராங்கனையாகத் தேர்ந்தெடுக்கப்பட்டிருந்தார். அப்போது, சொந்த மண்ணில் நடைபெற்ற இந்தியாவின் முதல் ஒருநாள் உலகக் கோப்பை வெற்றியில் ஷஃபாலி முக்கியப் பங்காற்றினார்.
ALSO READ: தொடரை வெல்லும் முனைப்பில் இந்தியா..? போராடுமா வெஸ்ட் இண்டீஸ்? 4வது டி20 போட்டி விவரம்!
இதற்கிடையில், வெஸ்ட் இண்டீஸ் அணிக்கு எதிரான ஒருநாள் தொடரின் முதல் 2 போட்டிகளிலும் சுப்மன் கில் சிறப்பான பேட்டிங்கை வெளிப்படுத்தினார். 2026 செப்டம்பர் மாதம் நடைபெற்ற இந்த 2 போட்டிகளிலும் கில் மொத்தம் 333 ரன்கள் எடுத்தார். அதாவது, கில் முதல் போட்டியில் சதமும், இரண்டாவது ஒருநாள் போட்டியில் இரட்டைச் சதமும் அடித்தார். இந்த இரண்டு போட்டிகளிலும் இந்தியா வெற்றி பெற்றது.
அடுத்தடுத்த போட்டிகளில் சதம்:
A prolific month of September with two thumping hundreds makes Shubman Gill a record five-time ICC Men’s Player of the Month winner 🔥
Read more ➡️ https://t.co/vfMePK59UQ https://t.co/YlkVQJwdHc
— ICC (@ICC) October 13, 2026
திருவனந்தபுரத்தில் நடைபெற்ற முதல் ஒருநாள் போட்டியில், சுப்மன் கில் 108 பந்துகளில் 110 ரன்கள் எடுத்தார். 295 ரன்களைத் துரத்தியபோது இந்தச் சதம் வந்தது. இந்தியா வெறும் 41.4 ஓவர்களில் வெற்றி பெற்றது. பின்னர், குவஹாத்தியில் நடைபெற்ற இரண்டாவது ஒருநாள் போட்டியில், முதலில் பேட் செய்த வெஸ்ட் இண்டீஸ் அணி 405 ரன்கள் எடுத்தது. துரத்திய இந்திய அணி 43.3 ஓவர்களில் வெற்றி பெற்றது. இதற்கு கில்லே மிகப்பெரிய பங்களிப்பை வழங்கினார். இந்த போட்டியில் 133 பந்துகளில் ஆட்டமிழக்காமல் 223 ரன்கள் எடுத்து, இரட்டைச் சதம் அடித்த அதிவேக பேட்ஸ்மேன் ஆனார்.
சிறந்த வீராங்கனை:
ஆசிய விளையாட்டு போட்டியில் பட்டத்தை வென்றது குறித்து ஷஃபாலி வர்மா கூறுகையில், “ஐசிசி மாதத்தின் சிறந்த வீராங்கனை விருதை மீண்டும் வெல்வது மிகப்பெரிய கௌரவம். ஆசியக் கோப்பை மற்றும் ஆசிய விளையாட்டுப் போட்டிகளில் எங்கள் வெற்றிகளில் பங்களித்தது மிகவும் திருப்திகரமாக இருந்தது. இந்த விருதை வென்றது அந்த இரண்டு வெற்றிகளையும் இன்னும் சிறப்பானதாக ஆக்கியுள்ளது” என்றார்.
ALSO READ: 2027 ஒருநாள் உலகக் கோப்பைக்கான இந்திய அணி.. இந்த 6 அனுபவ வீரர்கள் மட்டுமே உறுதி!
மாதத்தின் சிறந்த வீரர் விருதை வென்ற இந்திய ஆண் கிரிக்கெட் வீரர்கள்
- சுப்மன் கில் – 5 முறை
- ஜஸ்பிரித் பும்ரா – 2 முறை
- ஷ்ரேயாஸ் ஐயர் – 2 முறை
- ரிஷப் பண்ட் – 1 முறை
- ரவிச்சந்திரன் அஸ்வின் – 1 முறை
- புவனேஷ்வர் குமார் – 1 முறை
- விராட் கோலி – 1 முறை
- யஷஸ்வி ஜெயஸ்வால் – 1 முறை
- முகமது சிராஜ் – 1 முறை
- அபிஷேக் ஷர்மா – 1 முறை
- சஞ்சு சாம்சன் – 1 முறை
