IND vs SL 2026 ODI: இந்தியா – இலங்கை ஒருநாள் தொடர்.. போட்டி அகமதாபாத்திற்கு மாற்றமா? பிசிசிஐ விளக்கம்!
India vs Sri Lanka ODI series: 2026 டிசம்பரில் நடைபெறவுள்ள இந்தியா-இலங்கை ஒருநாள் தொடரின் டெல்லி போட்டி அகமதாபாத்திற்கு மாற்றப்படுவதாக பரவிய வதந்தியை பிசிசிஐ திட்டவட்டமாக மறுத்துள்ளது. டெல்லியின் அருண் ஜெட்லி மைதானத்திலேயே 2026 டிசம்பர் 13 அன்று போட்டி நடைபெறும் என பிசிசிஐ செயலாளர் தேவ்ஜித் சைகியா உறுதிப்படுத்தினார்.
இலங்கை அணி வருகின்ற 2026 டிசம்பர் மாதம் 3 ஒருநாள் போட்டிகள் கொண்ட தொடருக்காக இந்தியாவிற்கு (Indian Cricket Team) சுற்றுப்பயணம் மேற்கொள்ள உள்ளது. டெல்லியில் நடைபெறவிருந்த ஒருநாள் போட்டி அகமதாபாத்திற்கு மாற்றப்பட இருப்பதாக தகவல்கள் வெளியாகியுள்ளன. இருப்பினும், இந்தச் செய்தி வதந்தி என பிசிசிஐ தற்போது தெளிவுபடுத்தியுள்ளது. ஒருநாள் போட்டி டெல்லியிலிருந்து மாற்றப்படுவதாக வெளியான செய்தி முற்றிலும் தவறானது என்று பிசிசிஐ செயலாளர் தேவ்ஜித் சைகியா கூறினார். பிசிசிஐ (BCCI) அதுபோன்ற எந்த முடிவையும் எடுக்கவில்லை.
ALSO READ: நியூசிலாந்து ஒருநாள் தொடருக்கு 2 அணிகள்.. பிசிசிஐ திட்டம் என்ன..?
பிசிசிஐ விளக்கம்:
இந்தியா – இலங்கை இடையிலான ஒருநாள் போட்டி வருகின்ற 2026 டிசம்பர் 13ம் தேதி நடைபெறும். பிசிசிஐ-யின்படி, இப்போட்டி அருண் ஜேட்லி மைதானத்தில் நடைபெறும். டெல்லி ஒருநாள் போட்டி அகமதாபாத்திற்கு மாற்றப்படுவதாக வெளியான செய்திகளை பிசிசிஐ செயலாளர் தேவ்ஜித் சாய்கியா மறுத்துள்ளார். இதுகுறித்து பிசிசிஐ செயலாளர் தேவ்ஜித் சைகியா கூறுகையில், “இந்தியா-இலங்கை ஒருநாள் போட்டி டெல்லியிலிருந்து அகமதாபாத்திற்கு மாற்றப்படுவதாக வரும் செய்திகள் தவறானவை. பிசிசிஐ அதுபோன்ற எந்த முடிவையும் எடுக்கவில்லை,” என்றார்.
சமீபத்திய போட்டி அட்டவணைக்கு, பிசிசிஐ-யின் அதிகாரப்பூர்வ பத்திரிக்கை வெளியீடுகளைப் பார்க்குமாறு ஊடகங்களைக் கேட்டுக்கொள்கிறோம். ஒரு கொள்கையின்படி இருதரப்புத் தொடர் போட்டிகள் நகரங்களுக்கு ஒதுக்கப்படுவதாகக் கூறப்பட்டுள்ளது. இந்தநிலையில், இந்தியா-இலங்கை ஒருநாள் போட்டி டெல்லியிலிருந்து மாற்றப்படும் என்று ஏன் செய்திகள் வந்தன? அருண் ஜேட்லி ஸ்டேடியத்தை புதுப்பிக்க டிடிசிஎல் திட்டமிட்டுள்ளதாக செய்திகள் வந்தன.
இதில் பிட்ச் மற்றும் வெளிக்களத்தைப் புதுப்பித்தல், அத்துடன் ஒரு நவீன வடிகால் அமைப்பை நிறுவுதல் ஆகியவையும் அடங்கும். இந்தப் புனரமைப்புப் பணிகள் காரணமாகப் போட்டிகள் வேறு இடத்திற்கு மாற்றப்பட வாய்ப்பிருந்தது. ஆனால், பிசிசிஐ தற்போது அத்தகைய சாத்தியக்கூறைத் திட்டவட்டமாக நிராகரித்துள்ளது.
ALSO READ: ரோகித் சர்மா, விராட் கோலி வரிசையில் திலக் வர்மா – புதிய சாதனை
இரு அணிகளுக்கு இடையிலான போட்டி அட்டவணை:
இலங்கை மற்றும் இந்தியாவிற்கு இடையேயான முதல் ஒருநாள் போட்டி வருகின்ற 2026 டிசம்பர் 13 அன்று டெல்லியில் நடைபெறும். இரண்டாவது ஒருநாள் போட்டி 2026 டிசம்பர் 16ம் தேதி பெங்களூருவில் நடைபெறும். மூன்றாவது ஒருநாள் போட்டி 2026 டிசம்பர் 19ம் தேதி அகமதாபாத்தில் நடைபெறும். இலங்கை மற்றும் இந்தியாவிற்கு இடையேயான முதல் டி20 போட்டி வருகின்ற 2026 டிசம்பர் 22ம் தேதி ராஜ்கோட்டில் நடைபெறும். இரண்டாவது டி20 போட்டி 2026 டிசம்பர் 24ம் தேதி கட்டாக்கில் நடைபெறும். மூன்றாவது டி20 போட்டி 2026 டிசம்பர் 27ம் தேதி புனேவில் நடைபெறும்.
