IPL 2026: மும்பையில் மோதும் MI vs KKR.. பிட்ச் யாருக்கு சாதகம்..? வானிலை எப்படி?
MI vs KKR Wankhede Stadium Pitch Report: கடந்த 2025 சீசனில் மும்பை இந்தியன்ஸ் மற்றும் கொல்கத்தா நைட் ரைடர்ஸ் அணிகளும் மோதியபோது, மும்பை இந்தியன்ஸ் அணி கொல்கத்தா நைட் ரைடர்ஸ் அணியை 8 விக்கெட் வித்தியாசத்தில் வீழ்த்தி, 117 ரன்கள் என்ற இலக்கை வெறும் 12.5 ஓவர்களில் எட்டியது. இந்தப் போட்டியும் மும்பையின் வான்கடே மைதானத்தில் நடைபெற்றது என்பது குறிப்பிடத்தக்கது.
இந்தியன் பிரீமியர் லீக் (IPL 2026) 2026 தொடரின் இரண்டாவது போட்டியானது மும்பை இந்தியன்ஸ் (Mumbai Indians) மற்றும் கொல்கத்தா நைட் ரைடர்ஸ் அணிகளுக்கிடையே நடைபெறுகிறது. இந்த போட்டியானது 2026 மார்ச் 29ம் தேதியான இன்று இரவு 7.30 மணிக்கு மும்பையில் உள்ள வான்கடே மைதானத்தில் நடைபெற உள்ளது. இது ஐபிஎல் 2026 சீசனில் இரு அணிகளுக்கும் முதல் போட்டியாகும். அதன்படி, இரு அணிகளும் வெற்றியுடன் தங்கள் பயணத்தைத் தொடங்க முயற்சிக்கும். இருப்பினும், இந்தப் போட்டிக்கு முன்னதாக வானிலை குறித்து ரசிகர்களிடையே கவலையை ஏற்படுத்தியுள்ளது, எனவே இந்தப் போட்டிக்கான வானிலை முன்னறிவிப்பை பற்றி தெரிந்து கொள்வோம்.
ALSO READ: 19 ஆண்டுகளில் முதல்முறை.. ஐபிஎல்லில் 10 அணிகளுக்கும் இந்திய கேப்டன்கள்!
வானிலை எப்படி..?
2026 மார்ச் 29ம் தேதி மும்பையில் வானிலை வெப்பமாகவும், ஈரப்பதமாகவும், தெளிவாகவும் இருக்கும். குறைந்தபட்ச வெப்பநிலை 27 டிகிரி செல்சியஸாகவும், அதிகபட்ச வெப்பநிலை 31 டிகிரி செல்சியஸாகவும் இருக்கும் என்று எதிர்பார்க்கப்படுகிறது. வானிலை முன்னறிவிப்பின்படி, போட்டியின் போது மழை பெய்ய 3 சதவீதம் மட்டுமே வாய்ப்புள்ளது. இதன் பொருள், ரசிகர்கள் எந்தவித தடையும் இன்றி முழு போட்டியையும் கண்டு ரசிக்கலாம்.
கடந்த 2025 சீசனில் மும்பை இந்தியன்ஸ் மற்றும் கொல்கத்தா நைட் ரைடர்ஸ் அணிகளும் மோதியபோது, மும்பை இந்தியன்ஸ் அணி கொல்கத்தா நைட் ரைடர்ஸ் அணியை 8 விக்கெட் வித்தியாசத்தில் வீழ்த்தி, 117 ரன்கள் என்ற இலக்கை வெறும் 12.5 ஓவர்களில் எட்டியது. இந்தப் போட்டியும் மும்பையின் வான்கடே மைதானத்தில் நடைபெற்றது என்பது குறிப்பிடத்தக்கது.
இரு அணிகளும் இதுவரை நேருக்கு நேர்:
ஐபிஎல் வரலாற்றில் இதுவரை மும்பை இந்தியன்ஸ் மற்றும் கொல்கத்தா நைட் ரைடர்ஸ் அணிகளுக்கும் இடையே மொத்தம் 35 போட்டிகள் நடைபெற்றுள்ளன. இவற்றில், மும்பை அணி அதிகபட்சமாக 24 போட்டிகளிலும், கொல்கத்தா அணி 11 போட்டிகளிலும் வெற்றி பெற்றுள்ளன. இந்தப் புள்ளிவிவரங்களின்படி, கொல்கத்தாவை விட மும்பை அணி ஒருதலைப்பட்சமாக ஆதிக்கம் செலுத்துவதைத் தெளிவாகக் காட்டுகின்றன.
பிட்ச் எப்படி இருக்கும்?
வான்கடே ஸ்டேடியத்தின் பிட்ச் சிவப்பு களிமண்ணால் ஆனது. இது நல்ல பவுன்ஸையும் வேகத்தையும் வழங்குகிறது. பந்து புதிதாக இருக்கும் ஆரம்ப ஓவர்களில் பந்துவீச்சாளர்களுக்கு ஓரளவு உதவி கிடைத்தாலும், ஆட்டம் முழுவதும் பேட்ஸ்மேன்களின் பேட்க்கு பந்து நன்றாக வரும். பவுண்டரிகள் மிகவும் பெரியதாக இல்லாததால், பவுண்டரிகளையும் சிக்ஸர்களையும் அடிப்பது எளிதாகிறது.
ALSO READ: இரண்டு வாரங்களுக்கு தோனியால் விளையாட முடியாது – சிஎஸ்கே ரசிகர்கள் ஷாக்
கணிக்கப்பட்ட இரு அணிகளின் விவரம்:
மும்பை இந்தியன்ஸ்:
ஹர்திக் பாண்டியா (கேப்டன்), ரோஹித் சர்மா, குயின்டன் டி காக், திலக் வர்மா, சூர்யகுமார் யாதவ், வில் ஜாக்ஸ், ஷெர்பேன் ரூதர்ஃபோர்ட், தீபக் சாஹர், மயங்க் மார்கண்டே, ஜஸ்பிரித் பும்ரா, டிரெண்ட் போல்ட்
கொல்கத்தா நைட் ரைடர்ஸ்:
அஜிங்க்யா ரஹானே, டிம் சீஃபர்ட்/பின் ஆலன், ஆங்க்ரிஷ் ரகுவன்ஷி, கேமரூன் கிரீன், ரின்கு சிங், ரமன்தீப் சிங், சுனில் நரைன், வருண் சக்ரவர்த்தி, பிளஸ்ஸிங் முசரபானி, கார்த்திக் தியாகி, வைபவ் அரோரா.
