IPL 2026: சொந்த மண்ணில் லக்னோவுக்கு ராசியா..? டெல்லி வெல்வது ஈஸியா..? ஹெட் டூ ஹெட் விவரங்கள்!
LSG vs GT: ஐபிஎல் தொடரில் இதுவரை இந்த இரு அணிகளுக்கும் இடையே மொத்தம் 7 போட்டிகள் நடைபெற்றுள்ளன. இவற்றில், டெல்லி கேப்பிட்டல்ஸ் 4 போட்டிகளிலும், லக்னோ 3 போட்டிகளிலும் வெற்றி பெற்றுள்ளன. ஐபிஎல் 2025 சீசனில் இந்த அணிகளுக்கு இடையே நடைபெற்ற இரண்டு போட்டிகளிலும் டெல்லி கேப்பிட்டல்ஸ் அணியே வெற்றி பெற்றது.
உலகின் பணக்கார லீக்கான ஐபிஎல் 2026 (IPL 2026) பற்றிய பரபரப்பு இருந்தபோதிலும், இதுவரை எந்தவிதமான விறுவிறுப்பும் நடைபெறவில்லை. ஐபிஎல் 2026 சீசனின் 5வது போட்டியில் நாளை அதாவது 2026 ஏப்ரல் 1ம் தேதி டெல்லி கேப்பிட்டல்ஸ் மற்றும் லக்னோ சூப்பர் ஜெயண்ட்ஸ் (Lucknow Super Giants) அணிகள் மோதுகின்றன. இந்தப் போட்டி லக்னோவில் உள்ள பாரத ரத்னா அடல் பிஹாரி வாஜ்பாய் ஏகானா ஸ்டேடியத்தில் இரவு 7 மணிக்கு தொடங்குகிறது. இந்த லீக்கில் லக்னோ மற்றும் டெல்லி அணிகளுக்கு இடையே எப்போதும் ஒரு கடுமையான போட்டி நிலவும். இந்தநிலையில், இரு அணிகளுக்கு இடையிலான ஹெட் டூ ஹெட் மற்றும் பிட்ச் ரிப்போர்ட் உள்ளிட்ட விவரங்களை தெரிந்து கொள்வோம்.
ALSO READ: குஜராத்தை சொந்த மண்ணில் எதிர்கொள்ளும் பஞ்சாப்.. இதுவரை யார் ஆதிக்கம்?
ஹெட் டூ ஹெட்:
ஐபிஎல் தொடரில் இதுவரை இந்த இரு அணிகளுக்கும் இடையே மொத்தம் 7 போட்டிகள் நடைபெற்றுள்ளன. இவற்றில், டெல்லி கேப்பிட்டல்ஸ் 4 போட்டிகளிலும், லக்னோ 3 போட்டிகளிலும் வெற்றி பெற்றுள்ளன. ஐபிஎல் 2025 சீசனில் இந்த அணிகளுக்கு இடையே நடைபெற்ற இரண்டு போட்டிகளிலும் டெல்லி கேப்பிட்டல்ஸ் அணியே வெற்றி பெற்றது. இந்த சீசனிலும் தங்களது ஆதிக்கத்தைத் தொடர டெல்லி கேப்பிட்டல்ஸ் அணி முனைந்துள்ள நிலையில், இன்றைய போட்டியில் வெற்றி பெற்று தங்களது வெற்றிகளுக்கு நிகராக லக்னோ அணி உறுதியாக உள்ளது.
ஏகானா ஸ்டேடியத்தின் பிட்ச் ரிப்போர்ட்:
ஏகானா மைதானம் இந்தியாவின் மிகப்பெரிய ஸ்டேடியங்களில் ஒன்றாகும். இது பந்துவீச்சாளர்களுக்கு சொர்க்கம் என்றே சொல்லலாம். இந்த ஸ்டேடியத்தின் மெதுவான ஆடுகளம் சுழற்பந்து வீச்சாளர்களுக்குச் சாதகமாக இருக்கும். அதன்படி, பந்து பேட்டில் சரியாகப் படுவதை கடினமாக்கும். பேட்ஸ்மேன்கள் மிடில் ஓவர்களில் ஸ்டிரைக்கை மாற்றி ஆட வேண்டும். அதேநேரத்தில், பவர்பிளேயைப் பயன்படுத்திக் கொள்ள வேண்டும். ஐபிஎல் போட்டிகளில் இந்த ஸ்டேடியத்தின் சராசரி ஸ்கோர் சுமார் 170 ஆகும். இங்குள்ள சிவப்பு களிமண் ஆடுகளம் வேகப்பந்து வீச்சாளர்களுக்கு நல்ல பவுன்ஸையும் வேகத்தையும் வழங்குகிறது. எனவே, இன்றைய போட்டி பேட்ஸ்மேனுக்கும் பந்துவீச்சாளர்களுக்கும் சவாலான போட்டியாக இருக்கும் என்று எதிர்பார்க்கப்படுகிறது.
கணிக்கப்பட்ட இரு அணிகளின் விவரம்:
லக்னோ சூப்பர் ஜெயண்ட்ஸ்:
மிட்செல் மார்ஷ், ஐடன் மார்க்ரம், ரிஷப் பந்த் (கேப்டன் மற்றும் விக்கெட் கீப்பர்), நிக்கோலஸ் பூரன், ஆயுஷ் படோனி, அப்துல் சமத், அன்ரிச் நார்ட்ஜே, முகமது ஷமி, அவேஷ் கான், மயங்க் யாதவ், திக்வே ராதி.
ALSO READ: நேருக்கு நேர் மோதலில் சமநிலை.. பஞ்சாப் vs குஜராத்! வெற்றி யாருக்கு?
டெல்லி கேபிடல்ஸ்:
பாதும் நிசாங்கா, கேஎல் ராகுல் (விக்கெட் கீப்பர்), நிதிஷ் ராணா, டிரிஸ்டன் ஸ்டப்ஸ், டேவிட் மில்லர், அக்சர் படேல் (கேப்டன்), அசுதோஷ் சர்மா, விப்ராஜ் நிகாம், ஆகிப் நபி, குல்தீப் யாதவ், லுங்கி என்கிடி.
