IPL 2026: இன்றும் இல்லாத தோனி.. முதலில் பேட்டிங் செய்யும் சென்னை சூப்பர் கிங்ஸ்!
CSK vs SRH Toss Update: ஐபிஎல் 2026 சீசனில் இன்று அதாவது 2026 மே 18ம் தேதி சென்னை சேப்பாக்கம் ஸ்டேடியத்தில் சென்னை சூப்பர் கிங்ஸ் அணியும், சன்ரைசர்ஸ் ஹைதராபாத் அணியும் மோதுகிறது. இந்த போட்டியில் டாஸ் வென்ற சென்னை சூப்பர் கிங்ஸ் முதலில் பேட்டிங்கை தேர்வு செய்துள்ளது.
ஐபிஎல் 2026 சீசனில் இன்று அதாவது 2026 மே 18ம் தேதி சென்னை சேப்பாக்கம் ஸ்டேடியத்தில் சென்னை சூப்பர் கிங்ஸ் (Chennai Super Kings) அணியும், சன்ரைசர்ஸ் ஹைதராபாத் அணியும் மோதுகிறது. இந்த போட்டியில் டாஸ் வென்ற சென்னை சூப்பர் கிங்ஸ் முதலில் பேட்டிங்கை தேர்வு செய்துள்ளது. ஐபிஎல் 2026 சீசனில், சென்னை சூப்பர் கிங்ஸ் அணி தங்களது சொந்த மைதானமான எம்.ஏ. சிதம்பரம் ஸ்டேடியத்தில் கடைசி முறையாக விளையாட உள்ளது. ஒரு கடினமான தொடக்கத்திற்குப் பிறகு, சென்னை சூப்பர் கிங்ஸ் பிளேஆஃப் சுற்றுக்கான போட்டியில் நீடிக்க முடிந்துள்ளது. தகுதி பெறும் நம்பிக்கையை வலுப்படுத்த சென்னை அணிக்கு இன்னும் சில வெற்றிகள் தேவைப்படும் நிலையில், எதிரணியான சன்ரைசர்ஸ் ஹைதராபாத் இன்றிரவு வெற்றி பெற்றால் தகுதி பெற்றுவிடலாம். இருப்பினும், பெரும்பாலான கவனம் எம்.எஸ். தோனி மீதே உள்ளது. அந்தப் புகழ்பெற்ற விக்கெட் கீப்பர் பேஸ்ட்ஸ்மேன் எம்.எஸ்.தோனி (MS Dhoni) விளையாடுவாரா என்பதைப் பார்க்க ரசிகர்கள் ஆவலுடன் காத்திருக்கின்றனர்.
ALSO READ: என்.எஸ்.ஜி கமாண்டோ பயிற்சி மையத்தில் தோனி.. துப்பாக்கியுடன் கடும் பயிற்சி..!
சிஎஸ்கே மற்றும் எஸ்ஆர்ஹெச் அணிகளுக்கு இடையேயான ஐபிஎல் 2026 போட்டிக்கான டாஸ் நடத்தப்பட்டது. இதில் சென்னை அணியின் கேப்டன் ருதுராஜ் கெய்க்வாட் வெற்றி பெற்று, முதலில் பேட்டிங் செய்யத் தீர்மானித்தார்.
போட்டிக்கு முன்பு, இன்று சென்னையில் விளையாடிய பிறகு எம்.எஸ். தோனி ஐபிஎல் தொடரிலிருந்து ஓய்வு பெறுவாரா என்று அனைவரும் ஆச்சரியப்பட்டனர். அதற்கான விடை கிடைத்துள்ளது. தோனி இந்தத் தொடரிலிருந்து ஓய்வு பெறவில்லை. இன்றைய போட்டியில் தோனி ஏன் விளையாடவில்லை என்பதையும் சிஎஸ்கே கேப்டன் ருதுராஜ் கெய்க்வாட் விளக்கினார்.
தோனி இன்று ஹைதராபாத் அணிக்கு எதிராக ஏன் விளையாடவில்லை?
டாஸின் போது, ரவி சாஸ்திரி சென்னை கேப்டன் ருதுராஜிடம் தோனி இன்று விளையாடுவாரா என்று கேட்டதற்கு, கெய்க்வாட், “இன்றைய போட்டியில் விளையாடுவதற்கு அவர் முழு உடற்தகுதியுடன் இல்லை. ஆனால், நாம் இந்தப் போட்டியில் வெற்றி பெற்றால், அவர் கடைசிப் போட்டிக்கு வருவார் என்பது யாருக்குத் தெரியும்?” என்று மேலும் கூறினார். கெய்க்வாட்டின் இந்தக் கூற்று, இந்த சீசனின் கடைசிப் போட்டியில் தோனி சென்னை அணிக்காக விளையாடுவார் என்பதை தெளிவுப்படுத்துகிறது.
சென்னை அணியின் அடுத்த போட்டி எப்போது..?
சிஎஸ்கே அணி தனது 14வது மற்றும் இறுதி லீக் போட்டியில் குஜராத் டைட்டன்ஸ் அணியை வருகின்ற 2026 மே 21ம் தேதி அகமதாபாத்தில் உள்ள நரேந்திர மோடி மைதானத்தில் எதிர்கொள்கிறது. இந்த இறுதிப் போட்டியில் தோனி களமிறங்குவாரா என்பதைப் பார்ப்பது சுவாரஸ்யமாக இருக்கும்.
பிளேஆஃப்களைப் பொறுத்தவரை சென்னைக்கு இது ஒரு முக்கியமான போட்டியாகும்.
சென்னை சூப்பர் கிங்ஸ் அணி 12 போட்டிகளில் இருந்து 12 புள்ளிகளைப் பெற்றுள்ளது. பிளேஆஃப் சுற்றுக்குத் தகுதி பெற, சிஸ்கே இன்று ஹைதராபாத் அணிக்கு எதிரான போட்டியில் எப்படியாவது வெற்றி பெற்றாக வேண்டும். இந்தப் போட்டியில் வெற்றி பெற்றால், அணியின் புள்ளிகள் 14 ஆக உயரும். அதன்பிறகு, இறுதிப் போட்டியில் வெற்றி பெற்றால், சென்னை அணி 16 புள்ளிகளுடன் பிளேஆஃப் சுற்றுக்குத் தகுதி பெறும்.
ALSO READ: பிளே ஆஃப் செல்ல ஒரே ஒரு வாய்ப்பு.. பயன்படுத்துமா சென்னை சூப்பர் கிங்ஸ்..?
இரு அணிகளின் பிளேயிங் லெவன்:
சென்னை சூப்பர் கிங்ஸ்
சஞ்சு சாம்சன் (விக்கெட் கீப்பர்), ருதுராஜ் கெய்க்வாட் (கேப்டன்), உர்வில் படேல், கார்த்திக் ஷர்மா, டெவால்ட் ப்ரீவிஸ், ஷிவம் துபே, பிரசாந்த் வீர், அகேல் ஹொசைன், நூர் அகமது, அன்ஷுல் கம்போஜ், ஸ்பென்சர் ஜான்சன்
சன்ரைசர்ஸ் ஹைதராபாத்
அபிஷேக் சர்மா, இஷான் கிஷான் (விக்கெட் கீப்பர்), ஹென்ரிச் கிளாசென், சலில் அரோரா, ஸ்மரன் ரவிச்சந்திரன், நிதிஷ் குமார் ரெட்டி, பாட் கம்மின்ஸ் (கேப்டன்), ஷிவாங் குமார், எஷான் மலிங்கா, சாகிப் ஹுசைன், பிரபுல் ஹிங்கே
