விமான பயணத்தினால் பதட்டம் ஏற்படுகிறதா? இந்த 5 டிப்ஸை டிரை பண்ணுங்க!
Natural Flight Anxiety Tips : விமான பயணங்களின் போது சிலருக்கு பயம் மற்றும் பதட்டம் இயல்பாகவே ஏற்படுகிறது. இந்த நிலையில் விமானத்தில் ஏற்படும் பதட்டத்தை தவிர்க்க சில எளிய முறைகளை கடைபிடிக்கலாம். இந்த கட்டுரையில் 5 டிப்ஸ்களை கடபிடிப்பதன் மூலம் உங்கள் பதட்டம் எவ்வாறு குறையும் என்பது குறித்து பார்க்கலாம்.
தற்சமயம் மக்கள் கல்வி, வேலை, மருத்துவம் ஆகிய காரணங்களால் விமானத்தில் பயணம் செய்கிறார்கள். ஆனால் சிலர் விமானத்தில் அமர்ந்திருக்கும்போது பதட்டமடைகிறார்கள். இது பெரும்பாலும் முதல் முறையாக விமானத்தில் ஏறுபவர்களிடம் அதிகமாகக் காணப்படுகிறது. விமானத்தில் இருக்கும்போது பதட்டமாக உணர்ந்தால், அதனை எளிமையான வழிகளை பயன்படுத்தி பதட்டத்தைப் போக்கலாம். ஒரு விமானம் புறப்படும்போதும், காற்றில் வேகம் மற்றும் நீண்ட தூர பயணம் ஆகியவை எவருக்கும் பயம் அல்லது பதட்டத்தை ஏற்படுத்தும். குறிப்பாக முதல் முறையாக விமானத்தில் பயணம் செய்பவர்களுக்கு அல்லது மூடிய அறைகளில் நீண்ட நேரம் இருப்பவர்களுக்கு இந்த பிரச்னை ஏற்படும்.
இருப்பினும், பதட்டத்தைக் குறைக்க ஒவ்வொரு முறையும் மருந்துகளை நாட வேண்டிய அவசியமில்லை. சில இயற்கையான மற்றும் எளிதான நடவடிக்கைகளை மேற்கொள்வதன் மூலம், உங்கள் மனதை அமைதியாக வைத்துக்கொண்டு, உங்கள் பயணத்தை வசதியாக மாற்றலாம். விமானத்தில் பதட்டத்தைக் கட்டுப்படுத்தக்கூடிய சில இயற்கை முறைகளைப் பற்றி இந்த கட்டுரையில் பார்க்கலாம்.
எந்த வேலையும் செய்வதற்கு முன் சிலருக்கு பதட்டம் அல்லது பயம் ஏற்படுகிறது. சிலர் விமானத்தில் அமர்ந்திருக்கும்போது கூட பதட்டமடைவார்கள். விமானத்தில் அமர்ந்திருக்கும் போது சுமார் 40 சதவீத மக்கள் பதட்டத்தை உணர்கிறார்கள் என்று ஹெல்த்லைன் அறிக்கை கூறுகிறது. அதேசமயம் 6.5 சதவீத மக்களுக்கு விமானப் பயணத்தின் மீது பயம் உள்ளது. விமானத்தில் ஏறும் போது நீங்களும் பதட்டமாகவோ அல்லது பயமாகவோ உணர்ந்தால். எனவே நீங்கள் அதை இயற்கையான முறையில் குறைக்கலாம்.
விமான பதட்டத்தை குறைக்கும் எளிய 5 வழிகள்
- நீங்கள் விமானத்தில் அமர்ந்து பதட்டமாக உணரும் போதெல்லாம், உங்கள் மூக்கின் வழியாக ஆழ்ந்த மூச்சை உள்ளிழுத்து உங்கள் வாய் வழியாக மெதுவாக மூச்சை வெளியேற்றுங்கள். இது 4-7-8 சுவாச நுட்பம் என்றும் அழைக்கப்படுகிறது. 4 வினாடிகள் மூச்சை உள்ளிழுத்து, 7 வினாடிகள் பிடித்து, 8 வினாடிகள் வரை மெதுவாக மூச்சை வெளியே விடவும். இது மூளைக்கு ஆக்ஸிஜனை வழங்கி நரம்பு மண்டலத்தை அமைதிப்படுத்துகிறது.
- உங்களுக்குப் பிடித்தமான அமைதியான இசை அல்லது பாடல்களைக் கேட்பது விமானப் பயணத்தின் பதட்டத்தைக் குறைக்க உதவும். ஹெட்ஃபோன்களை அணிந்து, மழை சத்தங்கள், கடல் அலைகள் அல்லது மென்மையான இசை போன்ற நிதானமான ஒலிகளைக் கேளுங்கள். நீங்கள் விரும்பும் எந்த இசையையும் கேட்கலாம்.
- விமானத்தில் ஏறுவதற்கு முன்போ அல்லது பின்போ புதினா கலந்த மூலிகை தேநீர் குடிப்பது உடலை ரிலாக்ஸ் செய்கிறது. மேலும், ஒரு கைக்குட்டையில் சில துளிகள் லாவெண்டர் எண்ணெயை வைத்து அதனை சுவாசிப்பதும் மன அழுத்தத்தைக் குறைக்கிறது.
- விமானத்தில் அமர்ந்திருக்கும் போது உங்கள் மனம் மீண்டும் மீண்டும் பயத்தை நோக்கிச் சென்றால், அதைத் திசை திருப்புவது முக்கியம். அதற்காக நீங்கள் சிறுகதை புத்தகங்களை படியுங்கள் அல்லது பாட்காஸ்டைக் கேளுங்கள். இது கவனத்தைத் திசைதிருப்பும், பதட்டம் தானாகவே குறையும்.
- நீங்கள் கிளாஸ்ட்ரோபோபிக்காக உணர்ந்தால், ஜன்னல் இருக்கையை புக் செய்வது நல்லது. ஜன்னலின் வழியே வெளியே பார்ப்பது மனதை அமைதிப்படுத்துகிறது. மேலும் பதட்டத்தை தணிக்க விமானத்தின் முன்பக்கத்தில் இருக்கைகளைத் தேர்வுசெய்து அமரலாம், விமானத்தில் ஏற்படும் அதிர்வுகள் உங்களை பாதிக்காது.
