இந்தியாவின் ஏஐ கண்காட்சியில் சீன ரோபோவா? சிக்கலில் சிக்கிய யுனிவர்சிட்டி.. அலெர்ட்டான அதிகாரிகள்!

சர்ச்சைக்கு உள்ளான ரோபோ

தலைநகர் டெல்லியில் நடைபெற்று வரும் இந்திய AI தாக்க உச்சிமாநாட்டில் ஏராளமான மக்கள் ஆர்வத்துடன் பங்கேற்கின்றனர். AI தாக்க உச்சிமாநாட்டில் உள்நாட்டு கண்டுபிடிப்புகள் மற்றும் வெற்றியின் ஏராளமான கதைகள் இடம்பெற்றுள்ளன. தற்போதைய மற்றும் எதிர்கால AI தொழில்நுட்பத்தை சர்வதேச அளவில் வெளிப்படுத்தும் ஒரு முக்கிய நிகழ்வாக இது உள்ளது. ஆனால் இந்த விழாவில் ஒரு சர்ச்சை கிளம்பியுள்ளது. கல்கோடியாஸ் பல்கலைக்கழகம் மீண்டும் ஒருமுறை சர்ச்சையில் சிக்கியுள்ளது. புது தில்லியில் நடந்த இந்திய AI இம்பாக்ட் உச்சி மாநாடு கண்காட்சியில் கால்கோடியாஸ் பேராசிரியர் ஒருவர், சீன ட்ரோன்கள் மற்றும் நாய் ரோபோக்கள் தங்களுடையது என்று கூறி சர்ச்சையை ஏற்படுத்தியுள்ளார். சமூக ஊடகங்களில் பல்கலைக்கழகம் குறித்து ஏராளமான கேள்விகளை எழுப்பி வருகின்றனர், இந்த நடவடிக்கை நாட்டிற்கு அவப்பெயரை ஏற்படுத்தியுள்ளது என்று கூறி வருகின்றனர். பின்னர் அந்த பல்கலைக்கழகம் நாங்கள் இந்த ரோபோவுக்கு உரிமை கோரவில்லை என பின்வாங்கியது.

இந்நிலையில் சீன ரோபோ சர்ச்சை முடிவதற்கும், அவர்கள் தங்கள் வளாகத்தில் புதிதாக ஒரு கால்பந்து ட்ரோனை உருவாக்கியதாகக் கூறி சிக்கலில் மாட்டியுள்ளனர். உண்மையில், இது கொரியாவின் ட்ரோன் என்று சர்ச்சை எழுந்துள்ளது. ஸ்ட்ரைக்கர் V3 ARF ஆக வெறும் ₹40,000க்கு சந்தையில் கிடைக்கிறது மற்றும் இது ஒரு கொரிய நிறுவனத்தால் தயாரிக்கப்பட்டது என்றும் கூறப்படுகிறது. இதுதான் சர்ச்சைக்கு ஆளாகியுள்ளது. ஆன்லைனில் வாங்கப்பட்ட ஒரு ட்ரோனை சொந்த தயாரிப்பு என பல்கலைக்கழகம் காட்சிப்படுத்தியுள்ளதாக குற்றச்சாட்டு எழுந்துள்ளது.

Also Read: வளர்ந்த இந்தியாவை நோக்கி மற்றொரு படி.. ஏஐ உச்சி மாநாட்டை தொடங்கி வைத்த பிரதமர் மோடி

சமூக ஊடகங்களில் கொந்தளித்த பயனர்கள்

பல்கலைக்கழக ஊழியர்கள் இந்த கால்பந்து ட்ரோனை தங்கள் முழுமையான பொறியியலின் தயாரிப்பு என்று தெரிவித்துள்ளனர். ஒரு வைரலான ஆன்லைன் வீடியோவில், ஒரு கால்கோடியாஸ் பல்கலைக்கழக ஊழியர், “எனவே அடிப்படையில், முழுமையான பொறியியல் முதல் பயன்பாடுகள் வரை, எங்களிடம் ஒரு உருவகப்படுத்துதல் ஆய்வகம் உள்ளது, மேலும் இது வளாகத்தில் இந்தியாவின் முதல் கால்பந்து ட்ரோன்” என்று கூறுவதைக் கேட்கலாம்.

பதிவு

சமூக ஊடக பயனர்கள் இந்த ட்ரோன் ஸ்ட்ரைக்கர் V3 ARF எனப்படும் வணிக ரீதியாகக் கிடைக்கும் மாடல் என்றும், இதை இந்திய சந்தையில் சுமார் ₹40,000க்கு வாங்கலாம் என்றும் கூறினர். ஹெல்சல் ஸ்ட்ரைக்கர் V3 உண்மையில் தென் கொரியாவின் ஹெல்சல் குழுமத்தால் ட்ரோன் விளையாட்டுகளுக்காக உருவாக்கப்பட்ட ஒரு கால்பந்து ட்ரோன் எனக் குறிப்பிட்டுள்ளனர்

எக்ஸ்போ பகுதியை காலி செய்ய கல்கோடியாஸுக்கு உத்தரவு

இந்த வீடியோ வைரலானதை அடுத்து, புதன்கிழமை கல்கோடியாஸ் பல்கலைக்கழக பிரதிநிதிகள் அந்த குறிப்பிட்ட பல்கலைக்க்ழக எக்ஸ்போ பகுதியை காலி செய்யுமாறு கேட்டுக் கொள்ளப்பட்டனர்.