சூப்பர் ஸ்டார் ரஜினிகாந்த் நடிப்பில் உருவாகியுள்ள ஜெயிலர் 2 ரிலீஸ் எப்போது? வைரலாகும் தகவல்
Jailer 2 Release Update: நடிகர் ரஜினிகாந்த் நடிப்பில் தற்போது விறுவிறுப்பாக நடைப்பெற்று வரும் படம் ஜெயிலர் 2. இந்தப் படம் 2026-ம் ஆண்டு வெளியாகும் என்று தெரிவிக்கப்பட்டு இருந்த நிலையில் படத்தின் வெளியீடு குறித்த தகவல் சினிமா வட்டாரங்களில் வைரலாகி வருகின்றது.
தமிழ் சினிமா மட்டும் இன்றி உலகம் முழுவதும் உள்ள மக்கள் அனைவரும் சூப்பர் ஸ்டார் என்று கொண்டாடும் நபராக வலம் வருகிறார் நடிகர் ரஜினிகாந்த். இவருக்கு 75 வயதைக் கடந்தும் தொடர்ந்தும் நடிப்பிற்கு ஓய்வு கொடுக்காமல் சினிமாவில் பிசியாக நடித்து வருகிறார். அந்த வகையில் ஒவ்வொரு ஆண்டும் நடிகர் ரஜினிகாந்த் நடிப்பில் படங்கள் வெளியாகி ரசிகர்களிடையே நல்ல வரவேற்பைப் பெற்று வருகின்றது. இந்த நிலையில் இவரது நடிப்பில் இந்த 2025-ம் ஆண்டு கூலி படம் திரையரங்குகளில் வெளியானது. ஆக்ஷன் த்ரில்லர் பாணியில் வெளியான இந்தப் படம் ரசிகர்களிடையே நல்ல வரவேற்பைப் பெற்றது. தொடர்ந்து இந்தப் படம் உலக அளவில் வசூலில் சாதனைப் படத்தை தமிழ் படம் என்பதும் குறிப்பிடத்தக்கது. இந்தப் படத்தில் பான் இந்திய நடிகர்கள் பலர் முக்கிய வேடத்தில் நடித்து இருந்தது ரசிகர்களிடையே மகிழ்ச்சியை ஏற்படுத்தியது.
தொடர்ந்து பிசியாக நடித்து வரும் நடிகர் ரஜினிகாந்த் கூலி படத்தின் ஷூட்டிங் முடிந்த உடனே ஜெயிலர் 2 படத்தில் நடிக்கத் தொடங்கினார். இந்தப் படத்தின் முதல் பாகம் ரசிகர்களிடையே மாபெரும் வரவேற்பைப் பெற்ற நிலையில் படத்தின் இரண்டாம் பாகத்திற்கான ட்விஸ்டை படத்தின் இயக்குநர் நெல்சன் திலீப் குமார் வைத்து இருந்தார். இதன் காரணமாக இரண்டாம் பாகத்தின் மீது ரசிகர்களிடையே எதிர்பர்ப்பு அதிகரித்தது.
ரஜினிகாந்தின் ஜெயிலர் 2 ரிலீஸ் எப்போது?
இந்த நிலையில் ஜெயிலர் 2 படத்தின் படப்பிடிப்பு பணிகள் தற்போது விறுவிறுப்பாக நடைப்பெற்று வருகின்றது. இயக்குநர் நெல்சன் திலீப்குமார் இயக்கத்தில் உருவாகி வரும் இந்தப் படத்தை பிரபல தயாரிப்பு நிறுவனமான சன் பிக்சர்ஸ் தயாரித்து வருகின்றது. இந்தப் படத்தின் படப்பிடிப்பு பணிகள் அடுத்தக்கட்டத்தை எட்டியுள்ள நிலையில் படத்தின் வெளியீடு குறித்த தகவல் சினிமா வட்டாரங்களில் வெளியாகி உள்ளது.
அதன்படி இந்த ஜெயிலர் 2 படத்தினை வருகின்ற ஆகஸ்ட் மாதம் 14-ம் தேதி 2026-ம் ஆண்டு திரையரங்குகளில் வெளியாகும் என்று சினிமா வட்டாரங்களில் தகவல்கள் வெளியாகி வைரலாகி வருகின்றது. அதன்படி முன்னதாக கூலி படமும் ஆகஸ்ட் மாதம் 14-ம் தேதி 2025-ம் ஆண்டு வெளியாகி இருந்தது குறிப்பிடத்தக்கது.
Also Read… Sudha Kongara: பராசக்தியை தேர்தல் ஆண்டில் வெளியிடவேண்டும் என திட்டமிடவில்லை – சுதா கொங்கரா பேச்சு!
இணையத்தில் கவனம் பெறும் எக்ஸ் தள பதிவு:
Buzz — #Jailer2 — August 14th Release Plan….💥 pic.twitter.com/rK7xKeVcQh
— Movie Tamil (@_MovieTamil) December 31, 2025
Also Read… ஆடியோ லாஞ்ச் தேதியை லாக் செய்தது பராசக்தி படக்குழு – வைரலாகும் பதிவு
