Ghaati : அனுஷ்கா – விக்ரம் பிரபுவின் ‘காதி’ – 2வது சிங்கிள் ரிலீஸ் எப்போது?

காதி திரைப்படம்

நடிகை அனுஷ்கா ஷெட்டி (Anushka Shetty) அதிரடி நாயகியாக நடித்திருக்கும் படம் காதி (Ghaati). தெலுங்கு, தமிழ் போன்ற மொழிகளில் இப்படமானது உருவாகியிருக்கிறது. இந்த படத்தில் நடிகை அனுஷ்கா ஷெட்டி முன்னணி நாயகியாக நடிக்க, அவருக்கு ஜோடியாக நடிகர் விக்ரம் பிரபு (Vikram Prabhu) நடித்துள்ளார். தமிழ் சினிமாவின் பிரபல நடிகர் விக்ரம் பிரபு இப்படத்தின் மூலம், தெலுங்கு சினிமாவில் கதாநாயகனாக அறிமுகமாகியிருக்கிறார் என்பது குறிப்பிடத்தக்கது. இந்த காதி படத்தைத் தெலுங்கு இயக்குநர் கிரிஷ் ஜாகர்லமுடி (Krish Jagarlamudi) இயக்கியுள்ளார். இவரின் இயக்கத்தில் போதைப்பொருள் கடத்தல்  என மாறுபட்ட கதைக்களத்துடன் இந்த காதி படமானது தயாராகியிருக்கிறது. இந்த படமானது கடந்த 2025, ஜூலை 11ம் தேதியில் வெளியாகவிருந்தது. இந்நிலையில், சில காரணங்களால் இப்படத்தின் ரிலீஸ் தேதி ஒத்திவைக்கப்பட்டுள்ளது.

இந்நிலையில், தற்போது இப்படத்தின் 2வது பாடல் ரிலீஸ் குறித்த அறிவிப்புகள் வெளியாகியுள்ளது. இப்படத்தின் 2வது பாடலான, “தாஸோரா” (Dassora) என்ற பாடல் வரும் 2025, ஆகஸ்ட் 20ம் தேதியில் வெளியாகும் எனப் படக்குழு அறிவித்துள்ளது. தற்போது வெளியான அறிவிப்பு ரசிகர்கள் மத்தியில் வைரலாகி வருகிறது.

இதையும் படிங்க : தமிழ் படங்கள் ரூ.1000 கோடிகள் வசூலிக்காததற்குக் காரணம் இதுதான்- ஏ.ஆர். முருகதாஸ் பேச்சு!

காதி படக்குழு வெளியிட்ட 2வது பாடல் ரிலீஸ் அப்டேட்

இந்த காதி படமானது முழுக்க அதிரடி காதல் மற்றும் போதைப்பொருள் கடத்தல் போன்ற கதைக்களத்துடன் உருவாகியுள்ளது. இந்த படத்தின் ஷூட்டிங் முழுமையாக நிறைவடைந்த நிலையில், போஸ்ட் ப்ரொடக்ஷன் பணிகளில் இருந்து வருகிறது. இந்த படமானது கடந்த 2025, ஜூலை 11ம் தேதியில் வெளியாகவேண்டியது. பின் இப்படத்தின் ரிலிஸ் தேதியை ஒத்திவைப்பதாகப் படக்குழு அறிவிப்பை வெளியிட்டிருந்தது. இந்த படத்தைப் பிரபல தயாரிப்பு நிறுவனமான யுவி கிரியேஷன் தயாரிப்பு நிறுவனமானது தயாரித்துள்ளது.

இதையும் படிங்க : இந்தியில் ரீமேக்காகும் வைபவின் ‘பெருசு’ திரைப்படம்!

காதி படத்தின் ரிலீஸ் எப்போது?

இந்த காதி படமானது வரும் 2025, செப்டம்பர் 5 ஆம் தேதி முதல் உலகமெங்கும் வெளியாகவுள்ளதாம். இப்படத்துடன் நடிகர் சிவகார்த்திகேயனின் மதராஸி திரைப்படமும் வெளியாகிறது. மேலும் நடிகை ராஷ்மிகா மந்தனாவின் தி கேர்ள்பிரண்ட் திரைப்படமும் அன்றுதான் வெளியாகவுள்ளதாகக் கூறப்படுகிறது. இந்த காதி படத்தின் ட்ரெய்லர் ஏற்கனவே வெளியாகியிருந்த நிலையில், ரசிகர்களிடையே நல்ல வரவேற்புகள் கிடைத்தது. இந்த படமானது மக்களிடையே வரவேற்பை பெரும் என எதிர்பார்க்கப்படுகிறது.