வெயிட்டிங்கில் வெறியாகும் ரசிகர்கள்… ஜன நாயகன் படத்தின் ட்ரெய்லர் அப்டேட்டை வெளியிட்ட படக்குழு
Jana Nayagan Movie Trailer Update: நடிகர் விஜய் நடிப்பில் உருவாகி தற்போது ரசிகர்களிடையே மிகப்பெரிய எதிர்பார்ப்பை ஏற்படுத்தியுள்ள படம் ஜன நாயகன். இந்தப் படத்தின் ட்ரெய்லர் எப்போது வெளியாகும் என்பது குறித்து படக்குழு தற்போது அப்டேட்டை அதிகாரப்பூர்வமாக அறிவித்துள்ளது குறிப்பிடத்தக்கது.
தமிழ் சினிமாவின் உச்சம் என்று ரசிகர்கள் கொண்டாடும் நடிகர் தளபதி விஜய். தற்போது முன்னணி நடிகராக அதிக சம்பளம் பெறும் நடிகராக கெரியரின் உச்சத்தில் இருக்கும் நடிகர் விஜய் சினிமாவை விட்டு விலகுவதாக முடிவு செய்துள்ளார். இவரது நடிப்பில் இறுதியாக வெளியாகும் படம் என்று அவரது 69-வது படமான ஜன நாயகன் படத்தை குறிப்பிட்டுள்ளார் விஜய். அதன்படி இவர் இனி படங்களில் நடிக்கப் போவதில்லை என்றும் தான் நடிக்கும் இறூதிப் படம் ஜன நாயகன் என்பதை உறுதியாக சமீபத்தில் நடைப்பெற்ற இசை வெளியீட்டு விழாவில் நடிகர் விஜய் தெரிவித்துள்ளார். நடிகர் விஜய் தமிழகத்தில் தற்போது தமிழக வெற்றிக் கழகம் என்ற அரசியல் கட்சி ஒன்றை தொடங்கியுள்ளார். இந்த கட்சிப் பணிகளில் முழு நேரம் கவனம் செலுத்த உள்ளதால் நடிப்பில் இருந்து விலகுவதாக நடிகர் விஜய் தெரிவித்துள்ளார்.
அதன்படி நடிகர் விஜய் நடிப்பில் இறுதியாக திரையரங்குகளில் வெளியாக உள்ள படம் ஜன நாயகன். இந்தப் படத்தை இயக்குநர் எச்.வினோத் எழுதி இயக்கி உள்ளார். இதில் நடிகர் விஜய் உடன் இணைந்து நடிகர்கள் பலர் முக்கிய வேடங்களில் நடித்துள்ளனர். கடந்த சில நாட்களுக்கு முன்பு நடிகர் விஜயின் ஜன நாயகன் படத்தின் இசை வெளியீட்டு விழா மலேசியாவில் மிகவும் பிரபமாண்டமாக நடைப்பெற்றது. இந்த இசை வெளியீட்டு விழா வருகின்ற 4-ம் தேதி ஜனவரி மாதம் 2026-ம் ஆண்டு ஜீ தமிழ் தொலைக்காட்சியில் ஒளிபரப்பாக உள்ளது.
ஜன நாயகன் படத்தின் ட்ரெய்லர் அப்டேட்டை வெளியிட்ட படக்குழு:
இந்த நிலையில் ஜன நாயகன் படம் வருகின்ற 09-ம் தேதி ஜனவரி மாதம் 2026-ம் ஆண்டு பொங்கல் பண்டிகையை முன்னிட்டு திரையரங்குகளில் வெளியாக உள்ளது. படம் வெளியாக இன்னும் சில நாட்களே உள்ள நிலையில் படத்தின் ட்ரெய்லர் வெளியீடு எப்போது என்பது குறித்து படக்குழு அறிவிப்பை வெளியிட்டுள்ளது. அதன்படி படத்தின் ட்ரெய்லர் வருகின்ற 03-ம் தேதி ஜானவரி மாதம் 2026-ம் ஆண்டு வெளியிடப்படும் என்று தெரிவிக்கப்பட்டுள்ளது.
Also Read… 2026-ம் ஆண்டின் புத்தாண்டை கொண்டாடும் மக்கள்… பிரபலங்கள் வெளியிட்ட வாழ்த்து பதிவு!
ஜன நாயகன் படக்குழு வெளியிட்ட எக்ஸ் தள பதிவு:
#JanaNayaganTrailer #JanNetaTrailer #JanaNayakuduTrailer
Tamil, Telugu & Hindi trailers are releasing on Jan 3rd at 6.45 PM 🔥#JanaNayaganFromJan9#JanNetaFromJan9#JanaNayakuduFromJan9#Thalapathy @actorvijay @KvnProductions #HVinoth @hegdepooja @anirudhofficial @thedeol… pic.twitter.com/CK46Dn2QUv
— KVN Productions (@KvnProductions) January 1, 2026
Also Read… மகுடம் படத்தின் ரிலீஸ் குறித்த அப்டேட்டை வெளியிட்ட விஷால்!
