Provident Fund : அதிரடியாக உயரப்போகும் பிஎஃப் வட்டி.. வெளியான முக்கிய தகவல்!
PF Interest Rate Hike Update | இந்தியாவில் பணியாற்றும் அரசு மற்றும் தனியார் துறை ஊழியர்களின் நீண்ட கால கோரிக்கையாக உள்ளது தான் பிஎஃப் வட்டி விகித உயர்வு. இந்த நிலையில், மத்திய அரசு பிஎஃப் வட்டியை 8.25% முதல் 9% ஆக உயர்த்த உள்ளதாக தகவல் வெளியாகியுள்ளது.
மாதிரி புகைப்படம்
ஊழியர் வருங்கால வைப்பு நிதி அமைச்சகத்தின் (EPFO – Employee Provident Fund Organization) கீழ் ஊழியர்களின் மாத ஊதியத்தில் இருந்து பிடித்தம் செய்யப்படும் தொகைக்கு மத்திய அரசு வட்டியும் வழங்கி வருகிறது. இந்த வட்டி விகிதத்தை உயர்த்த வேண்டும் என ஊழியர்கள் தொடர்ந்து கோரிக்கை வைத்து வருகின்றனர். இந்த நிலையில், ஊழியர்கள் நீண்ட நாள் எதிர்ப்பார்த்து காத்திருந்த வட்டி உயர்வு குறித்த முக்கிய தகவல் ஒன்று வெளியாகியுள்ளது. அது என்ன என்பது குறித்து விரிவாக பார்க்கலாம்.
இபிஎஃப்ஓ ஊழியர்களுக்கு வந்த சூப்பர் தகவல்
இந்தியாவில் உள்ள அரசு மற்றும் தனியார் துறை ஊழியர்களுக்கான ஒரு வரப்பிரசாதமாக உள்ள அம்சம் தான் ஊழியர் வருங்கால வைப்பு நிதி அமைச்சகம். இந்த இபிஎஃப்ஓ-ன் கீழ் ஊழியர்களின் மாத ஊதியத்தில் இருந்து குறிப்பிட்ட தொகை பிடித்தம் செய்யப்பட்டு, அவர்களின் பிஎஃப் (PF Provident Fund) கணக்குகளில் வரவு வைக்கப்படும். அவ்வாறு வரவு வைக்கப்படும் தொகைக்கு வட்டியும் வழங்கப்படும். தற்போது வரை பிஎஃப் கணக்கில் வரவு வைக்கப்படும் பணத்திற்கு 8.28 சதவீதம் வட்டி வழங்கப்பட்டு வரும் நிலையில், அது 9 சதவீதமாக உயர்த்த அரசு நடவடிக்கை மேற்கொண்டு வருவதாக தகவல் வெளியாகியுள்ளது.
இதையும் படிங்க : உலகின் இரண்டாவது பணக்காரராக முன்னேறினார் லாரி பேஜ்.. லாரி எலிசனை முந்தினார்!
பிஎஃப் வட்டி விகிதத்தை உயர்த்து நடவடிக்கை மேற்கொள்ளும் அரசு
இந்தியாவில் பணியாற்றும் அரசு மற்றும் தனியார் துறை ஊழியர்களின் பல ஆண்டு கால எதிர்ப்பார்ப்பான பிஎஃப் வட்டி விகித உயர்வு விரைவில் அமலுக்கு வர உள்ளதாக தகவல் வெளியாகியுள்ளது. அதாவது 2025 மற்றும் 2026 ஆம் நிதியாண்டுக்கான பிஎஃப் வட்டி விகிதம் 8.25 சதவீததில் இருந்து 9 சதவீதமாக உயர்த்த அரசு நடவடிக்கை மேற்கொண்டு வருகிறது. இந்த மாற்றம் அமலுக்கு வரும் பட்சத்தில் இந்தியாவில் ஊழியர் வருங்கால வைப்பு நிதி அமைச்சகத்தின் கீழ் பயன்பெறும் சுமார் 7.5 கோடி அரசு மற்றும் தனியார் துறை ஊழியர்கள் பயன்பெறுவார்கள் என எதிர்ப்பார்க்கப்படுகிறது.
இதையும் படிங்க : இனி 7 நாட்களுக்கு ஒருமுறை கிரெடிட் ஸ்கோர் அப்டேட்.. ஆர்பிஐ-ன் அசத்தல் திட்டம்!
தற்போதுள்ள 8.25 சதவீத வட்டியில் இருந்து 9 சதவீதமாக வட்டி உயர்த்தப்படும் பட்சத்தில் ஊழியர்களுக்கு கூடுதலாக 0.75 சதவீதம் லாபம் கிடைக்கும் என்பது குறிப்பிடத்தக்கது.
