பரிக்ஷா பே சர்ச்சா 2026: அகில இந்திய அளவில் மாணவர்களுடன் கலந்துரையாடும் பிரதமர் மோடி.. 4.5 கோடி பேர் பதிவு!

மத்திய கல்வி அமைச்சகம் மூலம் ஒவ்வொரு ஆண்டும் வாரியத் தேர்வுகளுக்கு முன்பு பரீட்சை பே சர்ச்சா கலந்துரையாடல் ஏற்பாடு செய்யப்படும். இந்த நிகழ்ச்சியில், பிரதமர் மோடி  மாணவர்களுக்கு வாரியத் தேர்வுகளின் போது மன அழுத்தத்தைக் குறைத்து நல்ல மதிப்பெண் பெறுவது எப்படி என்பது குறித்த உதவிக்குறிப்புகளை வழங்குகிறார். 2026, பரீட்சை பே சர்ச்சா திட்டம் உண்மையாகவே அகில இந்திய அளவில் விரிவடைந்ததால், அதன் பயணத்தில் ஒரு திருப்புமுனையாக அமைந்தது.

டெல்லியுடன் சேர்த்து, பிரதமர் மோடி கோயம்புத்தூர் (தமிழ்நாடு), ராய்ப்பூர் (சத்தீஸ்கர்), தேவ் மோக்ரா (குஜராத்) மற்றும் குவஹாத்தி (அஸ்ஸாம்) ஆகிய இடங்களில் உள்ள மாணவர்களுடன் நேரடியாக உரையாடினார். இதன் மூலம் இந்தியாவின் கிழக்கு, மேற்கு, வடக்கு, தெற்கு மற்றும் மையப் பகுதிகளைச் சேர்ந்தவர்களின் குரல்களை ஒரே பொதுவான தளத்தில் ஒன்றிணைத்துள்ளார். பரீட்சை பே சர்ச்சாவின் இந்த பதிப்பில் 4.5 கோடிக்கும் அதிகமானோர் பதிவு செய்திருந்தனர். மேலும், இத்திட்டத்துடன் தொடர்புடைய பல்வேறு செயல்பாடுகளில் கூடுதலாக 2.26 கோடி பேர் தீவிரமாகப் பங்கேற்றனர். இதன் மூலம் இந்த ஆண்டு மொத்த பங்கேற்பு 6.76 கோடியாக உயர்ந்துள்ளது.