நாம் தமிழர் கட்சி வேட்பாளர் கார்த்திகா கணவருடன் கைது! பரபரப்பு தகவல்
NTK Candidate Karthika Arrested : தாராபுரம் சட்டமன்றத் தொகுதி இடைத்தேர்தலின்போது தேர்தல் விதிமுறைகளை மீறியதாகவும், காவல் நிலையத்தை முற்றுகையிட்டுப் போராட்டத்தில் ஈடுபட்டதாகவும் பதிவு செய்யப்பட்ட வழக்கில், நாம் தமிழர் கட்சியின் வேட்பாளராகப் போட்டியிட்ட கார்த்திகா மற்றும் அவரது கணவரை போலீசார் கைது செய்துள்ளனர்.
கோவை, அக்டோபர் 20 : தாராபுரம் சட்டமன்றத் தொகுதி இடைத்தேர்தலின்போது தேர்தல் விதிமுறைகளை மீறியதாகவும், காவல் நிலையத்தை முற்றுகையிட்டுப் போராட்டத்தில் ஈடுபட்டதாகவும் பதிவு செய்யப்பட்ட வழக்கில், நாம் தமிழர் கட்சியின் (Naam Tamilar Party) வேட்பாளராகப் போட்டியிட்ட கார்த்திகா மற்றும் அவரது கணவரை போலீசார் கைது செய்துள்ளனர். கோவை விளாங்குறிச்சியில் உள்ள வீட்டில் வைத்து இருவரையும் தாராபுரம் போலீசார் கைது செய்துள்ளனர்.
தேர்தல் விதிமுறைகளை மீறியதாகப் புகார்
திருப்பூர் மாவட்டம் தாராபுரம் சட்டமன்றத் தொகுதிக்கு அண்மையில் இடைத்தேர்தல் நடைபெற்றது. இந்தத் தேர்தலில் பல்வேறு அரசியல் கட்சிகளைச் சேர்ந்த வேட்பாளர்கள் போட்டியிட்டனர். நாம் தமிழர் கட்சி சார்பில் கார்த்திகா வேட்பாளராகக் களமிறங்கினார். தேர்தல் முடிவில் அவர் தோல்வியடைந்தார். இந்த நிலையில், இடைத்தேர்தல் பிரச்சாரத்தின்போது நடைபெற்ற சம்பவங்கள் தொடர்பாக கார்த்திகா மற்றும் அவரது கணவர் மீது போலீசார் வழக்குப் பதிவு செய்திருந்தனர். அந்த வழக்கின் அடிப்படையில் தற்போது இருவரும் கைது செய்யப்பட்டுள்ளனர்.
இதையும் படிக்க : வடையில் இறந்து கிடந்த பல்லி.. நேரில் சென்று கடைக்கு சீல் வைத்த அதிகாரிகள்!
தாராபுரம் இடைத்தேர்தலுக்கான இறுதிக்கட்டப் பிரச்சாரத்தின்போது, முதல்வர் விஜய் ரோட் ஷோ மேற்கொண்ட வழித்தடத்தில் நாம் தமிழர் கட்சியின் வேட்பாளர் கார்த்திகா மற்றும் கட்சியினர் உரிய அனுமதியின்றிப் பிரச்சாரத்தில் ஈடுபட்டதாகக் கூறப்படுகிறது. குறிப்பாக, தேர்தல் பிரச்சாரத்திற்காக விதிக்கப்பட்டிருந்த கட்டுப்பாடுகள் மற்றும் பாதுகாப்பு விதிமுறைகளை மீறிச் செயல்பட்டதாகப் புகார் எழுந்துள்ளது. இதனால் அங்கு பாதுகாப்புப் பணியில் ஈடுபட்டிருந்த காவல்துறையினருக்கும் நாம் தமிழர் கட்சியினருக்கும் இடையே வாக்குவாதம் ஏற்பட்டதாகத் தெரிவிக்கப்படுகிறது.
நாம் தமிழர் வேட்பாளர் கைது
இந்த வாக்குவாதம் ஒரு கட்டத்தில் தள்ளுமுள்ளாக மாறியதாகவும் கூறப்படுகிறது. இதனால் தேர்தல் பிரச்சாரம் நடைபெற்ற பகுதியில் சிறிது நேரம் பரபரப்பான சூழல் நிலவியுள்ளது. தேர்தல் பிரச்சாரத்தின்போது ஏற்பட்ட பிரச்சினையைத் தொடர்ந்து, நாம் தமிழர் கட்சியினர் காவல் நிலையத்தை முற்றுகையிட்டுப் போராட்டத்தில் ஈடுபட்டதாகவும் புகார் எழுந்தது. இதையடுத்து, தேர்தல் விதிமுறைகளை மீறியது, அரசுப் பணிக்கு இடையூறு ஏற்படுத்தியது மற்றும் காவல் நிலையத்தை முற்றுகையிட்டுப் போராட்டம் நடத்தியது உள்ளிட்ட குற்றச்சாட்டுகளின் அடிப்படையில் தாராபுரம் காவல்துறையினர் வழக்குப் பதிவு செய்தனர்.
இந்த வழக்கில் கார்த்திகா மற்றும் அவரது கணவருக்குத் தொடர்பு இருப்பதாகக் கூறப்பட்ட நிலையில், போலீசார் விசாரணை மேற்கொண்டு வந்தனர். இந்த நிலையில், கார்த்திகா தனது கணவருடன் கோயம்புத்தூர் மாவட்டம் விளாங்குறிச்சி பகுதியில் உள்ள வீட்டில் இருப்பதாகத் தாராபுரம் போலீசாருக்குத் தகவல் கிடைத்ததாகக் கூறப்படுகிறது.
இதையடுத்து, விளாங்குறிச்சி பகுதிக்குச் சென்ற தாராபுரம் காவல்துறையினர், அங்குள்ள வீட்டில் வைத்து கார்த்திகா மற்றும் அவரது கணவர் ஆகிய இருவரையும் கைது செய்துள்ளனர். தேர்தல் விதிமீறல் மற்றும் காவல் நிலைய முற்றுகை தொடர்பான வழக்கில் இந்தக் கைது நடவடிக்கை மேற்கொள்ளப்பட்டுள்ளதாகத் தெரிவிக்கப்பட்டுள்ளது. கைது செய்யப்பட்ட கார்த்திகா மற்றும் அவரது கணவரிடம் போலீசார் தொடர்ந்து விசாரணை மேற்கொண்டு வருவதாகத் தகவல்கள் தெரிவிக்கின்றன.
