IND vs SL: இந்தியா-இலங்கை முதல் டெஸ்ட்! பிளேயிங் லெவன்.. பிட்ச் ரிப்போர்ட் விவரம்!
IND vs SL 1st Test Pitch Report: காலி மைதானத்தில் நடைபெறும் முதல் இந்தியா - இலங்கை டெஸ்ட் போட்டிக்காகத் தயாரிக்கப்பட்ட பிட்ச், வழக்கமான காலி ஆடுகளங்களிலிருந்து மாறுபட்டதாகக் கூறப்படுகிறது. பந்து எதிர்பார்த்த அளவுக்குச் சுழலாமல் போகலாம். கடைசி 3 நாட்களை விட, முதல் 2 நாட்களில் இந்த ஸ்டேடியத்தில் பேட்டிங் செய்வது எளிதாக இருக்கும்.
இந்தியா மற்றும் இலங்கை அணிகளுக்கு (IND vs SL) இடையேயான முதல் டெஸ்ட் போட்டி, காலி சர்வதேச கிரிக்கெட் மைதானத்தில் நாளை அதாவது 2026 ஆகஸ்ட் 15ம் தேதி முதல் நடைபெறுகிறது. உலக டெஸ்ட் சாம்பியன்ஷிப் புள்ளி அட்டவணையைப் பொறுத்தவரை, இந்தத் தொடர் இரு அணிகளுக்கும் மிகவும் முக்கியமானது. அனைத்துப் போட்டிகளிலும் வெற்றி பெறும் அணி முதல் நான்கு இடங்களுக்குள் நுழைய முடியும். தற்போது, இந்தியா (Indian Cricket Team) 5வது இடத்திலும், இலங்கை 6வது இடத்திலும் உள்ளன. முதல் டெஸ்ட் போட்டியில் இந்தியா எந்த அணியை களமிறக்கும், நேருக்கு நேர் சாதனையில் யாருக்குச் சாதகமாக உள்ளது, மேலும் காலி பிட்ச் எப்படி உள்ளது என்பதை தெரிந்து கொள்வோம்.
ALSO READ: இந்தியா – இலங்கை டெஸ்ட் தொடர்.. அதிக போட்டிகளில் கேப்டனாக இருந்தவர் யார்?
இந்திய அணி எப்படி இருக்கும்..?
இந்திய அணியின் தொடக்க வீரர்களாக ஜெய்ஸ்வாலும் கே.எல். ராகுலும் தொடக்க வீரர்களாக களமிறங்கிவார்கள். அதேநேரத்தில், தேவ்தத் படிக்கல் மூன்றாவது இடத்தில் களமிறங்க வாய்ப்புள்ளது. கேப்டன் சுப்மன் கில் 4வது இடத்திலும், ரிஷப் பண்ட் 5வது இடத்திலும் உறுதியாகியுள்ளனர். ஆறாவது இடத்திற்கான பேட்ஸ்மேன் தேர்வு இன்னும் உறுதி செய்யப்படவில்லை. துருவ் ஜூரல் அந்தத் தேர்வாக இருப்பார் என எதிர்பார்க்கப்படுகிறது.
ரவீந்திர ஜடேஜா மற்றும் குல்தீப் யாதவ் ஆகியோர் உறுதி செய்யப்பட்ட சுழற்பந்து வீச்சாளர்கள் ஆவர். மூன்றாவது சுழற்பந்து வீச்சாளராக சரன்ஷ் ஜெயினுக்கு வாய்ப்பு வழங்கப்பட வாய்ப்புள்ளது. ஜஸ்பிரித் பும்ரா இல்லாத நிலையில், முகமது சிராஜ் முக்கியப் பங்கு வகிப்பார். அவருடன் இரண்டாவது வேகப்பந்து வீச்சாளராக பிரசித் அல்லது குர்னூர் பிரார் விளையாடுவார். பயிற்சிப் போட்டியில் சிறப்பாகச் செயல்பட்டதால், பிரார் விளையாடுவதற்கான வாய்ப்புகள் அதிகம். பிரார் விளையாடினால், அதுவே அவரது முதல் டெஸ்ட் போட்டியாக இருக்கும்.
இந்தியாவின் உத்தேச ஆடும் 11 பேர் கொண்ட அணி
யஷஸ்வி ஜெய்ஸ்வால், கேஎல் ராகுல், தேவ்தத் படிக்கல், சுப்மன் கில் (கேப்டன்), ரிஷப் பண்ட் (விக்கெட் கீப்பர்), துருவ் ஜூரல், ரவீந்திர ஜடேஜா, மானவ் சுதர், குல்தீப் யாதவ், முகமது சிராஜ், குர்னூர் பிரார்.
இந்தியா – இலங்கை நேருக்கு நேர்
இந்தியாவுக்கும் இலங்கைக்கும் இடையே மொத்தம் 46 டெஸ்ட் போட்டிகள் நடைபெற்றுள்ளன. இதில், இந்தியாவே ஆதிக்கம் செலுத்துகிறது. இந்திய அணி 22 போட்டிகளில் வெற்றி பெற்றுள்ளது. அதேசமயம், இலங்கை அணி இந்தியாவை 7 முறை மட்டுமே தோற்கடித்துள்ளது. இரு அணிகளுக்கும் இடையேயான 17 டெஸ்ட் போட்டிகள் சமனில் முடிந்துள்ளன. இந்தியா தனது சொந்த மண்ணில் இலங்கையை 9 முறை தோற்கடித்துள்ளது, அதேசமயம் இலங்கை தனது சொந்த மண்ணில் ஆடிய 7 போட்டிகளிலும் வெற்றி பெற்றுள்ளது.
காலி சர்வதேச ஸ்டேடியத்தின் பிட்ச் ரிப்போர்ட்:
காலி மைதானத்தில் நடைபெறும் முதல் இந்தியா – இலங்கை டெஸ்ட் போட்டிக்காகத் தயாரிக்கப்பட்ட பிட்ச், வழக்கமான காலி ஆடுகளங்களிலிருந்து மாறுபட்டதாகக் கூறப்படுகிறது. பந்து எதிர்பார்த்த அளவுக்குச் சுழலாமல் போகலாம். கடைசி 3 நாட்களை விட, முதல் 2 நாட்களில் இந்த ஸ்டேடியத்தில் பேட்டிங் செய்வது எளிதாக இருக்கும். மேகமூட்டமான வானிலை நிலவினால், இந்த பிட்ச் வேகப்பந்து வீச்சாளர்களுக்கும் உதவக்கூடும்.
இந்திய அணி
சுப்மன் கில் (கேப்டன்), கே.எல்.ராகுல் (துணை கேப்டன்), யஷஸ்வி ஜெய்ஸ்வால், ரிஷப் பண்ட் (விக்கெட் கீப்பர்), துருவ் ஜூரல் (விக்கெட் கீப்பர்), ரவீந்திர ஜடேஜா, குல்தீப் யாதவ், மானவ் சுதர், முகமது சிராஜ், பிரசித் கிருஷ்ணா, குர்னூர் ப்ரார், சரண் ஜெயின், தேவ்தத் படிக்கல், சர்பராஸ் கான்.
ALSO READ: ரோஹித், கோலியின் ஆதிக்கம்.. இலங்கை மண்ணில் கில்லுக்கு இருக்கும் சவால் இதுதான்!
இலங்கை அணி
தனஞ்சய டி சில்வா (கேப்டன்), கமிந்து மெண்டிஸ் (துணை கேப்டன்), லஹிரு உதார, நிஷான் மதுஷ்கா, தினேஷ் சந்திமால், பசிந்து சூரியபண்டார, சோனல் தினுஷா, நிரோஷன் டிக்வெல்லா (விக்கெட் கீப்பர்), ரமேஷ் மெண்டிஸ், பிரபாத் ஜயசூரிய, கேஷார ரத்னாயகே, லஹிரு ரத்னாயகே, அஸ்லாஹி ரத்னாயகே, விஷ்வா பெர்னாண்டோ, டில்ஷான் மதுஷங்க
