IND vs SL: 5 நாட்களில் 4 நாளில் மழைக்கு வாய்ப்பு.. குறுக்கே வந்து இந்தியா – இலங்கை போட்டிக்கு தடையா?
IND vs SL 1st Test Weather Update: இந்தியா - இலங்கை இடையிலான முதல் டெஸ்ட் போட்டியானது 2026 ஆகஸ்ட் 15 முதல் 19 வரை நடைபெற உள்ளது. இருப்பினும், இந்த 5 நாட்களில் 4 நாட்களுக்கு மழை பெய்யும் என கணிக்கப்பட்டுள்ளது. 2026 ஆகஸ்ட் 18 அன்று மட்டுமே வானிலை தெளிவாக இருக்கும் என கணிக்கப்பட்டுள்ளது.
பல நாட்கள் நடைபெற்ற டி20 மற்றும் ஒருநாள் கிரிக்கெட் போட்டிகளுக்குப் பிறகு, இந்திய அணி (Indian Cricket Team) மீண்டும் டெஸ்ட் போட்டிக்குத் திரும்புகிறது. இந்தியா மற்றும் இலங்கை அணிகளுக்கு (Ind vs Sl) இடையேயான டெஸ்ட் தொடர் இன்று அதாவது 2026 ஆகஸ்ட் 15ம் தேதி தொடங்குகிறது. 2 டெஸ்ட் போட்டிகள் கொண்ட இந்தத் தொடரின் முதல் ஆட்டம் காலியில் நடைபெற உள்ளது. இருப்பினும், காலியில் பகல் முழுவதும் வெவ்வேறு நேரங்களில் மழை பெய்யும் என கணிக்கப்பட்டுள்ளதால், போட்டியின் முதல் நாள் வீரர்களுக்கும் ரசிகர்களுக்கும் ஏமாற்றமளிப்பதாக அமையக்கூடும் எனத் தெரிகிறது. இது போட்டியின் முதல் நாளில் குறிப்பிடத்தக்க தாக்கத்தை ஏற்படுத்தும் என நம்பப்படுகிறது.
ALSO READ: இந்தியா-இலங்கை முதல் டெஸ்ட்! பிளேயிங் லெவன்.. பிட்ச் ரிப்போர்ட் விவரம்!
காலியில் காலை முதல் மழையா?
2026 ஆகஸ்ட் 15ம் தேதியான இன்று காலி சர்வதேச ஸ்டேடியத்தில் இந்திய நேரப்படி காலை 10 மணிக்கு போட்டி தொடங்க திட்டமிடப்பட்டுள்ளது. இருப்பினும், தெற்கு இலங்கையில் இந்தியப் பெருங்கடல் கடற்கரையில் அமைந்துள்ள இந்த ஸ்டேடியத்தில் வானிலை பாதிக்க வாய்ப்புள்ளது. அக்யூவெதர் (AccuWeather) வானிலை முன்னறிவிப்பு இணையதளத்தின்படி, காலை 5 மணி முதல் 9 மணி வரை காலியில் மழை பெய்ய வாய்ப்புள்ளது. இந்த முன்னறிவிப்பின் காரணமாக, காலை 9:30 மணிக்கு நடைபெறவிருந்த டாஸ் ஒத்திவைக்கப்படலாம்.
இந்திய அணியின் பயிற்சி அமர்வில் ஏற்பட்ட இடையூறு
காலை 10 மணி முதல் மழை அபாயம் குறைந்து வந்தாலும், நாள் முழுவதும் வானம் மேகமூட்டமாகவே இருக்க வாய்ப்புள்ளது. இதன் விளைவாக, லேசான மழை பெய்ய வாய்ப்புள்ளது. இது போட்டியைப் பாதிக்கக்கூடும். போட்டிக்கு முந்தைய நாளான நேற்று அதாவது 2026 ஆகஸ்ட் 14ம் தேதி இதேபோன்ற ஒரு சூழல் ஏற்பட்டதால், இந்திய அணியின் பயிற்சி அமர்வு தடைபட்டது.
ALSO READ: இது எனக்கு மிகப்பெரிய பெருமை.. கேப்டன்ஷி குறித்து கில் உருக்கம்!
4 நாட்களுக்கும் மழைக்கு வாய்ப்பு?
இந்தியா – இலங்கை இடையிலான முதல் டெஸ்ட் போட்டியானது 2026 ஆகஸ்ட் 15 முதல் 19 வரை நடைபெற உள்ளது. இருப்பினும், இந்த 5 நாட்களில் 4 நாட்களுக்கு மழை பெய்யும் என கணிக்கப்பட்டுள்ளது. 2026 ஆகஸ்ட் 18 அன்று மட்டுமே வானிலை தெளிவாக இருக்கும் என கணிக்கப்பட்டுள்ளது. எனவே, இந்தியா மற்றும் இலங்கை அணிகளுக்கு இடையிலான முதல் டெஸ்ட் போட்டியின் முடிவு, இரு அணிகளின் செயல்பாட்டை மட்டுமல்ல, வானிலையையும் சார்ந்திருக்கும். வானிலை சாதகமாக இருந்தால், போட்டியின் முடிவு பேட்டிங் மற்றும் பந்துவீச்சால் தீர்மானிக்கப்படும். ஆனால் வானிலை சாதகமாக இல்லாவிட்டால், போட்டி தடைப்பட்டு ரசிகர்கள் ஏமாற்றமடைவார்கள்.
