IND vs SL: இது எனக்கு மிகப்பெரிய பெருமை.. கேப்டன்ஷி குறித்து கில் உருக்கம்!
Shubman Gill Press Conference: இந்திய அணியின் (Indian Cricket Team) கேப்டன் சுப்மன் கில் ஒரு செய்தியாளர் சந்திப்பில் பேசினார். அதில், இலங்கை டெஸ்ட் தொடர் எவ்வளவு முக்கியமானது என்றும், இலங்கைக்கு எதிரான தொடரை நாம் வென்றால் மட்டுமே, அடுத்தகட்டப் பிரச்சினைக்குத் தீர்வு காண முடியும் என்றும் வெளிப்படுத்தினார்.
இந்தியாவும் இலங்கையும் (IND vs SL) இரண்டு போட்டிகள் கொண்ட டெஸ்ட் தொடரில் விளையாடுகின்றன. இந்தத் தொடரின் முதல் போட்டி காலியில் நடைபெற்று வருகிறது, மேலும், இரு அணிகளும் இந்தப் போட்டிக்குத் தயாராக உள்ளன. 2027 உலக டெஸ்ட் சாம்பியன்ஷிப் இறுதிப் போட்டிகளில் இடம்பிடிக்க இரு அணிகளுக்கும் இந்தப் போட்டி முக்கியமானது. ஏனெனில், இரு அணிகளின் நிலையும் ஏறக்குறைய சமமாக உள்ளது. எனவே, இறுதி போட்டிக்குச் செல்ல இந்தத் தொடரை 2-0 என்ற கணக்கில் வெல்வது அவசியம். இந்தத் தொடரின் முதல் போட்டிக்கு முந்தைய நாள், இந்திய அணியின் (Indian Cricket Team) கேப்டன் சுப்மன் கில் ஒரு செய்தியாளர் சந்திப்பில் பேசினார். அதில், இலங்கை டெஸ்ட் தொடர் எவ்வளவு முக்கியமானது என்றும், இலங்கைக்கு எதிரான தொடரை நாம் வென்றால் மட்டுமே, அடுத்தகட்டப் பிரச்சினைக்குத் தீர்வு காண முடியும் என்றும் வெளிப்படுத்தினார்.
ALSO READ: இந்தியா-இலங்கை முதல் டெஸ்ட்! பிளேயிங் லெவன்.. பிட்ச் ரிப்போர்ட் விவரம்!
சுப்மன் கில் என்ன சொன்னார்?
🗣️ The main goal is to play the World Test Championship Final#TeamIndia captain Shubman Gill talks about the progress of the team and the importance of the Sri Lanka Test series.#SLvIND | @ShubmanGill pic.twitter.com/qfSTwseB4d
— BCCI (@BCCI) August 14, 2026
செய்தியாளர் சந்திப்பில் சுப்மன் கில் இதுகுறித்து பேசுகையில், ”கேப்டன் பொறுப்பில் நான் மிகவும் மகிழ்ச்சியாக இருக்கிறேன். 2027 டெஸ்ட் சாம்பியன்ஷிப் இறுதிச் சுற்றுக்கான போட்டியில் நீடிப்பதே எங்கள் இலக்கு. இதற்காக, மீதமுள்ள 9 டெஸ்ட் போட்டிகளில் 7 முதல் 8 போட்டிகளில் நாம் வெற்றி பெற வேண்டும். இங்கிருந்துதான் நாம் தொடங்க வேண்டும்’ என்றார். இந்தியா இதுவரை 9 டெஸ்ட் போட்டிகளில் விளையாடியுள்ளது. இதில், இந்திய அணி 4ல் வெற்றியையும், 4ல் தோல்வியையும் சந்தித்துள்ளது. மேலும், ஒன்றில் சமனும் கண்டுள்ளது. இந்திய அணி 48.15 சதவீத வெற்றி விகிதத்துடன் 5வது இடத்தில் உள்ளது.
ALSO READ: இந்தியா-இலங்கை முதல் டெஸ்ட் போட்டி! எத்தனை மணிக்கு தொடங்கும்? எங்கே பார்க்கலாம்?
இந்தியாவுக்கு வரலாற்றுச் சிறப்புமிக்க முதல் டெஸ்ட் போட்டி
இந்தியாவுக்கும் இலங்கைக்கும் இடையிலான முதல் டெஸ்ட் போட்டி இந்திய அணிக்கு ஒரு வரலாற்றுச் சிறப்புமிக்கதாக அமையும். இது இந்தியாவின் 600-வது டெஸ்ட் போட்டியாகும். இந்தப் போட்டி இந்தியாவின் சுதந்திர தினத்தன்று நடைபெறுவதால், இதன் முக்கியத்துவம் மேலும் அதிகரித்துள்ளது. இதுகுறித்தும் பேசிய சுப்மன் கில், ‘எனது நாட்டின் 600-வது டெஸ்ட் போட்டியில் அணியை வழிநடத்துவது எனக்கு ஒரு பெருமை. அதை சுதந்திர தினத்தன்று செய்வது இன்னும் பெரிய பெருமை’ என்றார்.
