கள்ளக்காதலுக்கு தடையாக மாறிய கணவன்.. காதலனுடன் இணைந்து கொலை செய்த மனைவி!

கள்ளக்காதல் ஜோடி

பெங்களூரு, நவம்பர் 29 : கர்நாடகா (Karnataka) மாநிலம், பெங்களூரு (Bengaluru) புறநகர் மாவட்டம் நெலமங்களா தாலுகா மாதநாயக்கனஹள்ளி பகுதியில் உள்ள கிராமம் ஒன்றில் நவம்பர் 20, 2025 அன்று ஒரு நபர் கொலை செய்யப்பட்டு கிடந்துள்ளார். அந்த உடல் பகுதி அளவு எரிந்த நிலையில் இருந்துள்ளது. இது குறித்து பொதுமக்கள் அளித்த தகவலின் அடிப்படையில் சம்பவ இடத்திற்கு வந்த போலீசார், அந்த நபரின் உடலை கைப்பற்றி பிரேத பரிசோதனைக்காக அனுப்பி வைத்துள்ளனர். இந்த விவகாரம் தொடர்பாக வழக்குப்பதிவு செய்து போலீசார் விசாரணை மேற்கொண்ட நிலையில், பல அதிர்ச்சி தகவல்கள் வெளியாகியுள்ளது.

போலீசார் விசாரணையில் தெரிய வந்த பகீர் தகவல்கள்

இந்த விவகாரம் தொடர்பாக போலீசார் விசாரணை நடத்தி வந்த நிலையில், சுரேஷ் என்ற 28 வயது நபர் மாயமானதாக அவரது மனைவி சரணம்மா புகார் அளித்திருந்தது போலீசாருக்கு தெரிய வந்துள்ளது. இந்த நிலையில், சரணம்மாவிடம் போலீசார் விசாரணை மேற்கொண்டுள்ளனர். அப்போது எரிந்த நிலையில் சடலமாக மீட்கப்பட்டது சரணம்மாவின் கணவர் சுரேஷ் என்பது தெரிய வந்துள்ளது. இந்த நிலையில், சரணம்மாவிடம் போலீசார் தீவிர விசாரணை மேற்கொண்டுள்ளனர். அப்போது தான் பல திடுக்கிடும் தகவல்கள் கிடைத்துள்ளது.

இதையும் படிங்க : ரூ.60 லட்சத்தில் திருமணம்.. நகை, ரூ.10 லட்சம் பணம்.. வரதட்சணை கொடுமையால் இளம் பெண் தற்கொலை!

கணவனை கொலை செய்ததை ஒப்புக்கொண்ட சரணம்மா

போலீசாரின் கிடுக்குப்பிடி விசாரணையில் சரணம்மா தனது கணவனை கொலை செய்ததை ஒப்புக்கொண்டுள்ளார். யாதகிரி மாவட்டத்தை சேர்ந்தவர் தான் சுரேஷ். இவரது மனைவி தான் சரணம்மா என்ற 25 வயது பெண். இவர்களுக்கு 4 ஆண்டுகளுக்கு முன்பு திருமணம் நடைபெற்ற நிலையில் இருவரும் கட்டட தொழில் செய்து குடும்பம் நடத்தி வந்துள்ளனர். கட்டட மேஸ்தரி ஒருவர் தான் இந்த தம்பதியை வேலைக்காக அழைத்துச் சென்றுள்ளார். அவரின் மகன் தான் வீரபத்ரா.

இதையும் படிங்க : பல ஆண் நண்பர்களிடம் பேசிய தங்கை.. கூர்மையான ஆயுதத்தால் கழுத்தில் குத்தி கொலை செய்த அண்ணன்!

கட்டட தொழிலாளிகளை வீரபத்ரா அவ்வப்போது வாகனத்தில் அழைத்துச் சென்று வந்துள்ளார். அப்போது சரணம்மா, வீரபத்ரா இடயே பழக்கம் ஏற்பட்டுள்ளது. 19 வயது வீரபத்ராவுடன் சரணம்மா திருமணத்தை மீறிய உறவில் இருக்க தொடங்கியுள்ளார். இதனை தொடர்ந்து அவர்கள் இருவரும் அடிக்கடி தனிமையில் சந்தித்து உல்லாசத்தில் ஈடுபட்டு வந்துள்ளனர். இதற்கிடையே சுரேஷுக்கு தனது மனைவி மீது சந்தேகம் வந்துள்ளது.

இதன் காரணமாக அவர் தனது மனைவியை கண்காணிக்க தொடங்கியுள்ளார். அப்போது சரணம்மா வீரபத்ராவுடன் தகாத உறவில் இருப்பதை கண்டு கடும் அதிர்ச்சிக்கு உள்ளாகியுள்ளார். இதனால் சரணம்மா தனது கள்ளத்தொடர்புக்கு தடையாக இருந்த கணவனை காதலனின் உதவியுடன் கொலை செய்துள்ளார். இந்த விவகாரம் தொடர்பாக சரணம்மா, வீரபதரா மற்றும் அவரது நண்பர் ஆகிய மூன்று பேரை கைது செய்து சிறையில் அடைத்துள்ளனர்.