காதலியை துப்பாக்கியால் சுட்டுக் கொன்ற காதலன்.. தானும் தற்கொலை.. பகீர் சம்பவம்!

மாதிரி புகைப்படம்

அகர்தலா, நவம்பர் 28 : திரிபுரா மாநிலம், கோமதி மாவட்டத்தில் உள்ள ஹோலாஷெட் பகுதியில் நேற்று (நவம்பர் 27, 2025) கார் ஒன்று நிறுத்தப்பட்டு இருந்துள்ளது. அந்த காரில் இளம் பெண் ஒருவர் துப்பாகியால் சுடப்பட்ட நிலையில், பிணமாக கிடந்துள்ளார். அந்த இளம்  பெண்ணின் உடலுக்கு அருகே இளைஞர் ஒருவர் உயிருக்கு போராடிக்கொண்டு இருந்துள்ளார். இது குறித்து பொதுமக்கள் அளித்த தகவலின் அடிப்படையில் அந்த இடத்திற்கு சென்ற போலீசார், அந்த இளைஞரை மீட்டு சிகிச்சைக்காக மருத்துவமனைக்கு அனுப்பி வைத்துள்ளனர். ஆனால், அந்த இளைஞர் மருத்துவமனைக்கு செல்லும் வழியிலே பரிதாபமாக உயிரிழந்துள்ளார்.

விசாரணையில் தெரிய வந்த அதிர்ச்சி தகவல்கள்

அந்த இளைஞர் உயிரிழந்த நிலையில், அவரது உடலை போலீசார் பிரேத பரிசோதனைக்காக அனுப்பி வைத்துள்ளனர். பின்னர் அந்த இளம் பெண்ணின் உடலையும் மீட்டு அவர்கள் பிரேத பரிசோதனைக்காக அனுப்பி வைத்துள்ளனர். பின்னர் இந்த சம்பவம் தொடர்பாக வழக்குப்பதிவு செய்துள்ள போலீசார், தீவிர விசாரணை மேற்கொண்டுள்ளனர். அப்போதுதான் போலீசாருக்கு அந்த இளம் பெண் மற்றும் இளைஞர் குறித்த சில தகவல்கள் தெரிய வந்துள்ளது.

இதையும் படிங்க : அடிக்கடி மது குடித்துவிட்டு தொல்லை கொடுத்து வந்த கணவன்.. பெட்ரோல் ஊற்றில் கொலை செய்த மணைவிகள்!

காதலியை சுட்டுக் கொன்ற காதலன் தானும் தற்கொலை

போலீசாரின் விசாரணையில் இறந்தவர்கள் உதய்பூரை சேர்ந்த ஜன்னத் அக்தார் என்ற 26 வயது இளைஞர் மற்றும் ஷால்கரா பகுதியை சேர்ந்த ஷோஹேல் மியா என்ற இளம் பெண் என்பதும் தெரிய வந்துள்ளது. இவர்கள் இருவரும் தீவிரமாக காதலித்து வந்த நிலையில், அவர்களது பெற்றோர்கள் அவர்களுக்கு வேறு நபர்களுடன் திருமணத்திற்கான ஏற்பாடுகளை செய்து வந்துள்ளனர்.

இதையும் படிங்க : 9 ஆம் வகுப்பு மாணவிக்கு பாலியல் தொல்லை கொடுத்த தலைமை ஆசிரியர்.. சிறுமி விபரீத முடிவு!

விரக்தியில் காதலியை சுட்டுக் கொன்ற காதலன்

இதன் காரணமாக கடும் விரக்தியில் இருந்த ஜன்னத் காதலியை காரில் அழைத்து வந்து சுட்டு கொலை செய்துள்ளார். பிறகு தானும் துப்பாக்கியால் சுட்டு தற்கொலைக்கு முயன்றுள்ளார். இந்த நிலையில் தான் உயிருக்கு போராடிக்கொண்டு இருந்த அந்த இளைஞரை போலீசார் மீட்டு சிகிச்சைக்காக அனுப்பி வைத்த நிலையில் அவர் உயிரிழந்தார் என போலீசார் கூறியுள்ளனர். இந்த நிலையில், அந்த பகுதியில் இருந்த துப்பாக்கியை மீட்டு போலீசார் விசாரணை மேற்கொண்டு வருகின்றனர் என்பது குறிப்பிடத்தக்கது.