Karthi : மோகன்லால் பட இயக்குநருடன் இணையும் கார்த்தி? வெளியான தகவல்

தருண் மூர்த்தி மற்றும் கார்த்தி

நடிகர் கார்த்தி (Karthi), தமிழ் சினிமாவில் முன்னணி நடிகர்களில் ஒருவராக இருந்து வருகிறார். இவரின் முன்னணி நடிப்பில் இறுதியாக வெளியான திரைப்படம் மெய்யழகன் (Meiyazhagan). கடந்த 2024ம் ஆண்டு வெளியான இப்படத்தை சூர்யாவின், 2டி எண்டர்டெயின்மென்ட் நிறுவனம் தயாரித்திருந்தது. இந்த படத்தில் நடிகர் கார்த்தி யதார்த்தமான் கதாப்பாத்திரத்தில் நடித்து ரசிகர்களைக் கவர்ந்தார்.  இந்த படத்தை அடுத்ததாக நடிகர் தனது கைவசம் வா வாத்தியார் (Vaa vaathiyaar), சர்தார் 2 (Sadar 2) மற்றும் மார்ஷல் (Marshal) என 3 படங்ககளை வைத்துள்ளார். இதில் சர்தார் 2 மற்றும் வா வாத்தியார் போன்ற படங்களின் ஷூட்டிங் முழுமையாக நிறைவடைந்தது.

இதை அடுத்ததாக தற்போது மலையாள இயக்குநரின் படத்தில் இணையவுள்ளதாக தகவல்கள் பரவி வருகிறது. அந்த இயக்குநர் வேறு யாருமில்லை, நடிகர் மோகன்லாலின் (Mohanlal) தொடரும் என்ற படத்தை இயக்கிய தருண் மூர்த்திதான் (Tharun Moorthy). இவரின் இயக்கத்தில்தான் நடிகர் கார்த்தி புதிய படத்தில் இணையவுள்ளதாக தகவல்கள் வெளியாகிவருகிறது. இது பற்றிய அதிகாரப்பூர்வ அறிவிப்புகள் எதுவும் வெளியாகவில்லை என்பது குறிப்பிடத்தக்கது.

இதையும் படிங்க : ரஜினிகாந்த்தின் கூலி படத்தின் டிக்கெட் ரூ 2000-மா? ரசிகர்கள் அதிர்ச்சி!

கார்த்தியின் லேட்டஸ்ட் போட்டோஷூட் புகைப்படங்ககள் :

மலையாள இயக்குநருடன் கார்த்தியின் புதிய படம் :

இயக்குநர் தருண் மூர்த்தி இயக்கத்தில், கார்த்தி நடிக்கவிருப்பதாக கூறப்படுகிறது. இப்படமானது தமிழ், தெலுங்கு மற்றும் மலையாளம் போன்ற மொழிகளிலும் உருவாக்கவுள்ளதாம். மேலும் இப்படத்தை, சூரியின் மாமன் திரைப்படத்தைத் தயாரித்த லார்க் ஸ்டுடியோஸ் நிறுவனமானது தயாரிக்கவுள்ளதாகவும் தகவல்கள் வெளியாகி வருகிறது. இந்த படத்தின் அறிவிப்புகளும் விரைவில் வெளியாகலாம் என கூறப்படுகிறது.

இதையும் படிங்க : கூலி படத்தில் ரஜினியின் இளமை கதாபாத்திரத்தில் பிரபல நடிகர்? கேமியோ ரோலில் இவரா?

கார்த்தி நடித்துவரும் மார்ஷல் படம்

டாணாக்காரன் என்ற படத்தின் மூலம் மக்கள் மத்தியில் பிரபலமானவர் இயக்குநர் தமிழ். இவர் சில படங்களில் முக்கிய வேடங்களிலும் நடித்துள்ளார், குறிப்பாக ஜெய் பீம் படத்தில் எஸ்ஐ குருமூர்த்தி என்ற வேடத்தில் நடித்திருந்தார். இந்நிலையில், இவரின் இயக்கத்தில் 2வதாக உருவாகிவரும் படம் மார்ஷல். இதில் கார்த்தி முன்னணி வேடத்தில் நடிக்க, அவருக்கு ஜோடியாக நடிகை கல்யாணி பிரியதர்ஷன் நடித்துவருகிறார்.

மேலும் இப்படத்திற்கு இசையமைப்பாளர் சாய் அபயங்கர் இசையமைத்து வருகிறார். இப்படத்தின் ஷூட்டிங்கானது சமீபத்தில் பூஜைகளுடன் தொடங்கியிருந்தது. இப்படத்தின் படப்பிடிப்பு ராமேஸ்வரத்தில் நடைபெற்று வருவதாகவும் கூறப்படுகிறது. இப்படம் கடல் சார்ந்த அதிரடி ஆக்ஷ்ன் கதைக்களத்துடன் உருவாகவுள்ளதாகவும் கூறப்படுகிறது.