தேரே இஸ்க் மெய்ன் பட ட்ரெய்லர் வருமா வராதா? தனுஷ் ரசிகர்கள் கேள்வி
Tere Ishk Mein: தமிழ் சினிமாவில் மட்டும் இன்றி பான் இந்திய அளவில் முன்னணி நடிகராக வலம் வருகிறார் நடிகர் தனுஷ். இவர் இந்திய சினிமாவை ஹாலிவுட் சினிமாவில் பெருமைப்படுத்தியவர் என்று திரையுலகினர் கொண்டாடி வருகின்றனர். இந்த நிலையில் இந்த ஆண்டில் மட்டும் தனுஷ் நடிப்பில் 3-வது படம் திரையரங்குகளில் வெளியாக உள்ளது.
தமிழ் சினிமாவில் முன்னணி நடிகராக வலம் வந்த நடிகர் தனுஷை (Actor Dhanush) முதன்முறையாக இந்தி சினிமாவில் அறிமுகம் செய்து வைத்தவர்தான் இயக்குநர் ஆனந்த் எல் ராய். இவரது இயக்கத்தில் கடந்த 2013-ம் ஆண்டு வெளியானது ராஞ்சனா படம். இந்தி சினிமாவில் அறிமுகம் ஆன முதல் படமே ரசிகர்களிடையே விமர்சன ரீதியாகவும் வசூல் ரீதியாகவும் நல்ல வரவேற்பைப் பெற்றது. இந்த நிலையில் சமீபத்தில் இந்தப் படம் ரீ ரிலீஸ் ஆனபோதும் ரசிகர்களிடையே நல்ல வரவேற்பை பெற்றது குறிப்பிடத்தக்கது. இந்தப் படத்தை தொடர்ந்து அடுத்தடுத்து இதுரை 4 இந்தி படங்களில் நடிகர் தனுஷ் நடித்துள்ளார். அதில் 3 படம் இயக்குநர் ஆனந்த் எல் ராய் இயக்கத்தில் நடித்துள்ளார் என்பது குறிப்பிடத்த்தக்கது. இறுதியாக தற்போது நடிகர் தனுஷ் இயக்குநர் ஆனந்த் எல் ராய் இயக்கத்தில் நடித்துள்ள படத்தின் பெயர் தேரே இஸ்க் மெய்ன்.
இந்தப் படத்தின் பணிகள் கடந்த 2024-ம் ஆண்டே தொடங்கிய நிலையில் தற்போது படத்தின் படப்பிடிப்பு பணிகள் நிறைவடைந்து வெளியீட்டிற்கு தயாராகி உள்ளது. இந்தப் படத்தில் நடிகர் தனுஷ் நாயகனாக நடித்து உள்ள நிலையில் நடிகை கிருத்தி சனோன் நாயகியாக நடித்துள்ளார். மேலும் இந்தப் படத்தை பிரபல தயாரிப்பு நிறுவனமான கலர்ஸ் யெல்லோ மூவிஸ் சார்பாக தயாரிப்பாளர்கள் பூஷன் குமார், கிரிஷன் குமார், ஹிமான்ஷு சர்மா ஆகியோர் இணைந்து தயாரித்து உள்ளனர். இந்தப் படத்திற்கு இசையமைப்பாளர் ஏ.ஆர்.ரகுமான் இசையமைத்துள்ள நிலையில் பாடல்கள் சமீபத்தில் வெளியாகி ரசிகர்களிடையே நல்ல வரவேற்பைப் பெற்றது குறிப்பிடத்தக்கது.
தேரே இஸ்க் மெய்ன் பட ட்ரெய்லர் வருமா வராதா?
அந்த வகையில் படம் வருகின்ற 28-ம் தேதி நவம்பர் மாதம் 2025-ம் ஆண்டு திரையரங்குகளில் வெளியாகும் என்று அறிவிக்கப்பட்டுள்ளது. அதனைத் தொடர்ந்து இன்று மாலை 6.30 மணிக்கு தேரே இஸ்க் மெய்ன் படத்தின் ட்ரெய்லரை வெளியிடுவதாக படக்குழு அதிகாரப்பூர்வ அறிவிப்பை வெளியிட்டு இருந்தது. ஆனால் தற்போது அவர்கள் கூறிய நேரத்தை தாண்டி சென்று கொண்டிருக்கும் நிலையில் தற்போது வரை ட்ரெய்லர் வெளியாகவில்லை. இதன் காரணமாக ரசிகர்கள் தற்போது கேள்வி எழுப்பத் தொடங்கியுள்ளனர்.
Also Read… AK 64 படத்தை தயாரிப்பதில் இருந்து விலகிய பிரபல நிறுவனம்? வைரலாகும் தகவல்
தேரே இஸ்க் மெய்ன் படக்குழு வெளியிட்ட எக்ஸ் தள பதிவு:
The room is ready but the world is not! Trailer out today at 6:30pm.#TereIshkMein in cinemas 28th November, in Hindi, Tamil and Telugu.@dhanushkraja @kritisanon @arrahman @aanandlrai #BhushanKumar #HimanshuSharma #KrishanKumar @Irshad_kamil @neerajyadav911 @ShivChanana… pic.twitter.com/unQacjMYPU
— Colour Yellow Movies (@colouryellow_in) November 14, 2025
Also Read… வெற்றிமாறன் எந்த கேரக்டருக்காகவும் என்னை பாராட்டியது இல்லை… ஆனால் – ஆண்ட்ரியா சொன்ன விசயம்
