ஒன்றல்ல.. இரண்டு பாடல்கள்.. விஜய் ஆண்டனி அப்டேட்!

நடிகர் சிவகார்த்திகேயன் தயாரிப்பில் தர்ஷன், காளி வெங்கட் உள்ளிட்டோர் முக்கிய வேடங்களில் நடித்துள்ள படம் ஹவுஸ் மேட்ஸ். இந்தப் படத்தை ராஜவேல் இயக்கியிருக்கிறார். இந்த நிலையில் இந்தப் படத்துக்கு தணிக்கைத் துறை யு சான்றிதழ் வழங்கியுள்ளது. இந்தப் படம் வருகிற ஆகஸ்ட் 1, 2025 அன்று திரையரங்குகளில் வெளியாகவுள்ளது.

சுதா கொங்கரா இயக்கத்தில் சிவகார்த்திகேயன் ஹீரோவாக நடித்து வரும் படம் பராசக்தி. இந்தப் படத்தில் ரவி மோகன், அதர்வா உள்ளிட்டோர் முக்கிய வேடங்களில் நடித்து வருகின்றனர். இந்தப் படத்தின் படப்பிடிப்பு பொள்ளாச்சி அருகே விறுவிறுப்பாக நடைபெற்று வருகிறது. இந்த நிலையில் இந்தப் படத்தின் முக்கிய வேடத்தில் நடிகர் ராணா டகுபதி நடிக்கவிருப்பதாக தகவல் வெளியாகியுள்ளது.

நடிகர் சூர்யாவின் பிறந்த நாளை முன்னிட்டு கருப்பு படம் டீசர் சென்னை ரோகினி திரையரங்கில் திரையிடப்பட்டது. இதனையடுத்து ரசிகர்களின் முன்னிலையில் பேசிய இயக்குநர் ஆர்ஜே பாலாஜி, இந்தப் படத்தின் டீசருக்கு நீங்கள் கொடுத்திருக்கும் அன்பிற்கு நன்றி. சூர்யா சார் மிகுந்த நம்பிக்கையுடன் இருக்கிறார் என பேசினார்.

நடிகர் சூர்யாவின் இயற்பெயர் சரவணன். சினிமாவிற்காக சூர்யா என பெயர் மாற்றிக்கொண்டு நடித்து வருகிறார். இந்த நிலையில் கருப்பு பட டீசரில், என் பெயர் சரவணன், எனக்கு இன்னொரு பேரு இருக்கு என சூர்யா பேசும் வசனம் பிரபலமாகி வருகிறது. இந்த நிலையில் அவர் இந்தப் படத்தில் தனது சொந்தப் பெயரில் நடித்திருப்பதாக கூறப்படுகிறது.

அதிமுக பொதுச்செயலாளரும், எதிர்க்கட்சி தலைவருமான எடப்பாடி பழனிசாமி மக்களை காப்போம்.. தமிழகத்தை மீட்போம் என்ற பெயரில் சுற்றுப்பயணம் மேற்கொண்டுள்ளார். இவரின் முதற்கட்ட சுற்றுப்பயணம் முடிந்த நிலையில், இரண்டாம் கட்டம் ஜூலை 26ல் சிவகங்கை மாவட்டத்தில் நடப்பதற்கு பதிலாக ஜூலை 29ல் நடைபெறும் என தெரிவிக்கப்பட்டுள்ளது.

தயாரிப்பாளர் ஆகாஷ் பாஸ்கரனுக்கு எதிராக அமலாக்கத்துறை நோட்டீஸ் அனுப்பியதை எதிர்த்து சென்னை உயர்நீதிமன்றத்தில் வழக்கு தொடுக்கப்பட்டிருந்தது. இந்த வழக்கை விசாரித்த சென்னை உயர்நீதிமன்றம், அமலாக்கத் துறையின் நடவடிக்கையை ஏற்க முடியாது. விருப்பப்பட்டால் ஆகாஷ் பாஸ்கரன் நீதிமன்றத்தில் அவமதிப்பு வழக்கு தாக்கல் செய்யலாம் என சென்னை உயர்நீதிமன்றம் தெரிவித்துள்ளது.

நடிகர் சூர்யா ஜூலை 23, 2025 அன்று தனது 50வது பிறந்த நாளைக் கொண்டாடுகிறார். இந்த நிலையில் இயக்குநர் கார்த்திக் சுப்புராஜ், ரெட்ரோ படத்துக்காக எடுக்கப்பட்ட நடிகர் சூர்யாவின் லுக் டெஸ்ட்போட்டோவை வெளியிட்டு வாழ்த்து தெரிவித்துள்ளார்.

ரெட்ரோ படத்தில் நடிகர் சூர்யாவின் லுக் டெஸ்ட் போட்டோ

நடிகர் விஜய் ஆண்டனி தயாரித்து நடித்து, இசையமைத்திருக்கும் படம் சக்தி திருமகன். இந்தப் படத்தை அருவி, வாழ் படங்களின் இயக்குநர் அருண் பிரபு இயக்கியுள்ளார். இந்த நிலையில் இந்தப் படத்தின் முதல் இரு பாடல்கள் ஜூலை 24, 2025 அன்று வெளியாகவுள்ளது. இந்த நிலையில் அதில் மாறுதோ என்ற பாடலின் புரமோ வீடியோவை படக்குழு வெளியிட்டுள்ளது. கார்த்திக் நேத்தா எழுதியுள்ள இந்தப் பாடலை அபிஜித் அனில்குமார் பாடியுள்ளார்.

சக்தி திருமகன் படத்தின் முதல் பாடல் புரமோ

பாண்டிராஜ் இயக்கத்தில் விஜய் சேதுபதி, நித்யா மேனன், யோகி பாபு உள்ளிட்டோர் நடிப்பில் உருவாகியிருக்கும் படம் தலைவன் தலைவி. சந்தோஷ் நாராயணன் இசையில் இந்தப் படத்தின் பாடல்கள் அனைத்தும் நல்ல வரவேற்பை பெற்று வருகிறது. இந்த நிலையில் இந்தப் படம் வருகிற ஜூலை 25, 2025 அன்று திரையரங்குகளில் வெளியாகவுள்ள நிலையில் இந்தப் படத்தின் டிக்கெட் முன்பதிவு தொடங்கியுள்ளது.

நடிகர் சூர்யாவிற்கு நாம் தமிழர் கட்சியின் தலைமை ஒருங்கிணைப்பாளர் சீமான் பிறந்த நாள் வாழ்த்து தெரிவித்துள்ளார். இது தொடர்பாக அவர் வெளியிட்டுள்ள அறிக்கையில், ”அரசே மதுவினை விற்று தமிழ்ப் பிள்ளைகளைக் குடிக்கவைத்துச் சீரழித்துவரும் கொடுமையான காலக்கட்டத்தில், தனி ஒரு மனிதனாக அகரம் கல்வி அறக்கட்டளை மூலமாக, கல்வி கற்க வசதியற்ற ஏழ்மை நிலையிலுள்ள ஆயிரக்கணக்கான குழந்தைகளைத் தேர்ந்தெடுத்து உயர்கல்விவரை படிக்க வைக்கும் பெரும்பணி புரியும் ஆருயிர் இளவல் சூர்யாவிற்கு நெஞ்சம் நிறைந்த இனிய பிறந்தநாள் நல்வாழ்த்துகள்” என்று குறிப்பிட்டுள்ளார்.

மோகன் ராஜா இயக்கத்தில் நடிகர் ரவி மோகன், தமன்னா, வடிவேலு, ஷாம் உள்ளிட்டோர் நடிப்பில் கடந்த 2010, ஜூலை 23 அன்று வெளியான படம் தில்லாலங்கடி. இந்தப் படத்துக்கு யுவன் ஷங்கர் ராஜா இசையமைத்திருந்தார் இந்த நிலையில் இந்தப் படம் வெளியாகி ஜூலை 23, 2025 அன்றுடன் 15 ஆண்டுகளாகிறது.

தமிழ் பிக்பாஸ் சீசன் 3 நிகழ்ச்சியில் கலந்துகொண்டு பிரபலமானவர் தர்ஷன். இவரது நடிப்பில் தற்போது சரண்டர் என்ற படம் உருவாகியுள்ளது. கௌதமன கணபதி இயக்கியுள்ள இந்தப் படத்தில் மன்சூர் அலிகான் உள்ளிட்டோர் இந்தப் படத்தில் முக்கிய வேடத்தில் நடித்துள்ளனர். இந்தப் படத்தின் டிரெய்லர் தற்போது வெளியாகி வைரலாகி வருகிறது.

ஃபகத் பாசில் மற்றும் வடிவேலு இணைந்து நடித்துள்ள மாரீசன் படம் வருகிற ஜூலை 25, 2025 அன்று திரையரங்குகளில் வெளியாகவுள்ளது. இந்த நிலையில் இந்த படம் பத்திரிகையாளர்களுக்காக சிறப்பு காட்சிகள் ஒளிபரப்பப்பட்டது. இந்த நிலையில் பத்திரிகையாளர்கள் மாரீசன் படத்துக்கு பாசிட்டிவ் விமர்சனங்கள் அளித்து வருகின்றனர்.

கார்த்திக் சுப்பராஜ் இயக்கத்தில் சூர்யா நடித்துள்ள ரெட்ரோ படம் கடந்த மே 1, 2025 அன்று வெளியாகி நல்ல வரவேற்பை பெற்றது. இந்த நிலையில் சந்தோஷ் நாராயணன் இசையில் இந்தப் படத்தில் இடம்பெற்ற கனிமா பாடல் ரசிகர்களால் கொண்டாடப்பட்டு வருகிறது. இந்த நிலையில் இந்தப் பாடல் யூடியூபில் 100 மில்லியன் வியூஸை கடந்து சாதனை படைத்திருக்கிறது.

நடிகர் சூர்யா ஜூலை 23, 2025 அன்று தனது 50வது பிறந்த நாளைக் கொண்டாடுகிறார். இந்த நிலையில் அவர் தற்போது நடித்து வரும் சூர்யா 46 படத்தில் இருந்து பிறந்த நாள் வாழ்த்து தெரிவித்து ஸ்பெஷல் போஸ்டரை சித்தாரா எண்டர்டெயின்மென்ட் நிறுவனம் வெளியிட்டுள்ளது. வெங்கி அட்லுரி இயக்கத்தில் உருவாகி வரும் இந்தப் படத்துக்கு ஜி.வி.பிரகாஷ் குமார் இசையமைக்கிறார்.

நடிகை ஸ்ரீதேவியின் கணவரும், பிரபல தயாரிப்பாளருமான போனி கபூர் 26 கிலோ எடை குறைத்துள்ளார்.  உடல் எடை குறைந்த நிலையில் அவர் இருக்கும்போட்டோ சமூக வலைதலங்களில் வைரலாகி வருகிறது. இந்த நிலையில் அவர் கலை உணவாக பழங்கள் மற்றும் ஜூஸ் மட்டுமே சாப்பிட்டு வந்திருக்கிறார்.

நடிகர் சூர்யா ஜூலை 23, 2025 அன்று தனது 50வது பிறந்த நாளை கொண்டாடுகிறார். இதனை முன்னிட்டு அவர் நடிப்பில் உருவாகியுள்ள கருப்பு படத்தின் டீசர் வெளியாகி நல்ல வரவேற்பை பெற்று வருகிறது. இந்த நிலையில்  அவர் சென்னை காளிகாம்பாள் கோவிலில் மனைவி ஜோதிகாவுடன் சாமி தரிசனம் செய்தார். இது தொடர்பாக வீடியோ சமூக வலைதளங்களில் வைரலாகி வருகிறது.

கௌதம் தின்னனூரி இயக்கத்தில் விஜய் தேவரகொண்டா நடித்துள்ள கிங்டம் திரைப்படத்தின் ரிலீஸ் தேதி புரமோ ஜூலை 24, 2025 அன்று வெளியாகும் என படக்குழு அறிவித்துள்ளது. இந்தப் படதிதில் விஜய் தேவரகொண்டாவிற்கு ஜோடியாக பாக்யஸ்ரீ போர்ஸ் நடிக்க, அனிருத் இந்தப் படத்துக்கு இசையமைத்துள்ளார்.

ஆர்.ஜே.பாலாஜி இயக்கத்தில் சூர்யா நடித்துள்ள கருப்பு படத்தின் டீசர் ஜூலை 23, 2025 அன்று வெளியாகி நல்ல வரவேற்பை பெற்று வருகிறது. டிரீம் வாரியர்ஸ் பிக்சர்ஸ் நிறுவனம் தயாரித்துள்ள இந்தப் படத்துக்கு சாய் அபயங்கர் இசையமைத்துள்ளார். இந்த நிலையில் இந்தப் படம் பிரதீப் ரங்கநாதனின் டூட் படத்துடன் தீபாவளிக்கு வெளியாகவுள்ளதாக தகவல் வெளியாகியுள்ளது.

படத்தில் நடிப்பதற்காக முன் பணம் பெற்றுக்கொண்டு, நடித்து தராமல் ஏமாற்றுவதாக நடிகர் ரவி மோகன் மீது பாபி டச் கோல்டு யூனிவர்சல் பிரைவேட் லிமிடெட் நிறுவன்ம் சார்பில் சென்னை உயர்நீதிமன்றத்தில் வழக்கு தொடுக்கப்பட்டிருந்தது. இந்த வழக்கை விசாரித்த நீதிமன்றம், ரூ.5.9 கோடிக்கான சொத்து ஆவணஙகளை 4 வாரங்களில் தாக்கல் செய்ய ரவி மோகனுக்கு உத்தரவிட்டுள்ளது.

நடிகை வனிதா விஜயகுமார் இயக்கி நடித்திருக்கும் மிஸஸ் அண்ட் மிஸ்டர் படத்தில் இளையராஜாவின் சிவராத்திரி பாடலை அனுமதியில்லாமல் பயன்படுத்தியதாக அவர் வழக்கு தொடர்ந்திருந்தார். இந்த நிலையில் நீதிமன்றத்தில் இது தொடர்பாக விளக்கமளித்த வனிதா, அந்தப் பாடலின் உரிமையை வைத்திருக்கும் சோனி மியூசிக்கிடம் அனுமதி பெற்றதாக குறிப்பிட்டிருந்தார். இந்த நிலையில் சோனி மியூசிக்கையும் இந்த வழக்கில் சேர்க்க உயர்நீதிமன்றம் உத்தரவிட்டுள்ளது.

நடிகர் விஜய் ஆண்டனி நடித்து இசையமைத்து வரும் படம் சக்தி திருமகன். இந்தப் படத்தை அருவி, வாழ் உள்ளிட்ட படங்களை இயக்கிய, அருண்பிரபு புருஷோத்தமன் இயக்கியுள்ளார். இந்தப் படம் வருகிற செப்டம்பர் 05, 2025 அன்று வெளியாகிறது. இந்த நிலையில் இந்தப் படத்தின் பாடல்கள் ஜூலை 24, 2025 அன்று வெளியாகிறது.

நடிகர் சிவார்த்திகேயன் நடித்து வரும் பராசக்தி படத்தின் படப்பிடிப்பு பொள்ளாச்சி அருகே நடைபெற்று வருகிறது. இந்த நிலையில் பொள்ளாச்சியில் மிகவும் புகழ்பெற்ற மாசாணியம்மன் கோவிலில் சாமி தரிசனம் செய்தார். அப்போது எடுக்கப்பட்ட புகைப்படங்கள் சமூக வலைதளங்களில் வைரலாகி வருகிறது.

 மாசாணியம்மன் கோவிலில் சாமி தரிசனம் செய்யும் நடிகர் சிவகார்த்திகேயனின் போட்டோ

ஆஷிகி 2 போன்ற படங்களை இயக்கிய மோஹித் சூரி இயக்கத்தில் கடந்த ஜூலை ஜூலை 18, 2025 அன்று வெளியான படம் சையாரா. இந்தப் படம் ஜூலை 22, 2025 அன்று ஒரு நாள் மட்டும் ரூ. 25 கோடி வசூலித்துள்ளதாக தகவல்கள் தெரிவிக்கின்றன. இந்தப் படத்தில் அறிமுக நடிகர்களான ஆஹான் பாண்டே, அனீத் படா ஆகியோர் ஹீரோ, ஹீரோயின்களாக நடித்துள்ளனர்.

இளையராஜா, ஏ.ஆர்.ரஹ்மானின் பழைய பாடல்களை இன்றளவும் கேட்கிறோம். ஆனால் இப்போது உள்ள பாடல்கள் அப்படியில்லை. இசையின் தரம் குறைந்து விட்டது என இசையமைப்பாளர் சாம் சிஎஸ் தெரிவித்துள்ளார். ஒரு பாடலின் 30 விநாடிகள் கொண்ட வரிகள் போதும் ஹிட்டாக்கி விடலாம் என்ற எண்ணம் மாற வேண்டும் என அவர் தெரிவித்துள்ளார்.

நடிகர் விஜய் ஆண்டனி நடித்து வரும் சக்தி திருமகன் படத்தில் இருந்து ஜூலை 24ம் தேதி இரண்டு பாடல்கள் வெளியாகும் என அறிவிக்கப்பட்டுள்ளது. இந்த படத்தை அருண் பிரபு புருஷோத்தமன் இயக்கி வரும் நிலையில் செப்டம்பர் 5ல் வெளியாகும் என தெரிவிக்கப்பட்டுள்ளது.

சினிமாவில் கவர்ச்சி காட்டாமல் என்னால் ஜெயிக்க முடியும் என நடிகை நிதி அகர்வால் தெரிவித்துள்ளார். இவர் தமிழில் ஈஸ்வரன், கலகத்தலைவன் படங்களில் ஹீரோயினாக நடித்துள்ளார். அடுத்ததாக ஜூலை 24ல் பவன் கல்யாண் நடிப்பில் ஹரிஹர வீரமல்லு படத்தில் ஹீரோயினாக நடித்துள்ளார்.

விஜய் சேதுபதி, நித்யா மேனன் நடிப்பில் பாண்டிராஜ் இயக்கத்தில் வெளியாகவுள்ள ‘தலைவன் – தலைவி’ படத்தின் டிக்கெட் முன்பதிவு தொடங்கியுள்ளது. சந்தோஷ் நாராயணன் இசையமைத்துள்ள இந்த படமானது ஜூலை 25ம் தேதி வெளியாகவுள்ளது.

நடிகர் தனுஷ் நடிப்பில் மற்றும் இயக்கத்தில் அவரது 50வது படமாக 2024ம் ஆண்டு வெளியான படம் “ராயன்” . ஏ.ஆர்.ரஹ்மான் இசையமைத்த இந்த படத்தில் இடம் பெற்ற வாட்டர் பாக்கெட் பாடல் யூட்யூபில் 200 மில்லியன் பார்வைகளை கடந்து சாதனைப் படைத்துள்ளது. இப்படத்தில் துஷாரா விஜயன், காளிதாஸ் ஜெயராம், சந்தீப் கிஷன், அபர்ணா பாலமுரளி, எஸ்.ஜே.சூர்யா என பலரும் நடித்திருந்தனர்.

நடிகர் பவன் கல்யாண் நடிப்பில் ஜூலை 24ம் தேதி வெளியாகும் ஹரிஹர வீரமல்லு படத்தை ஜோதி கிருஷ்ணா இயக்கியிருக்கிறார். இப்படத்தில் நிதி அகர்வால் ஹீரோயினாக நடித்துள்ளார். இதனிடையே இந்த படம் முன்பதிவில் மட்டும் சுமார் ரூ.25 கோடி வசூல் செய்துள்ளதாக தகவல் வெளியாகியுள்ளது.

சென்னையில் பிளாட்பாரத்தில் இருந்தபோதே நடிகர் ரஜினியை எனக்கு தெரியும். ஒன்றுமில்லாத நிலையில் தான் நாங்கள் சந்தித்தோம். ரஜினியை எங்கு சந்தித்தாலும் பிளடி தலைவா என்று தான் அழைப்பேன் என பிரபல தெலுங்கு நடிகர் மோகன்பாபு கூறியுள்ளார்.

நடிகர் சூர்யாவின் பிறந்தநாளை முன்னிட்டு சென்னையில் உள்ள அவரது இல்லத்தின் முன்பு நூற்றக்கணக்கான ரசிகர்கள் கூடி வாழ்த்து தெரிவித்தனர். அவர்களை காண வந்த சூர்யா அனைவருக்கும் தனது நன்றியை தெரிவித்தார்.

பாண்டிராஜ் இயக்கத்தில் ஜூலை 25ம் தேதி தலைவன் – தலைவி படம் வெளியாகவுள்ளது. இப்படத்தில் நித்யாமேனன் – விஜய் சேதுபதி ஜோடி நடித்துள்ளனர். இந்த படத்தின் ஷூட்டிங் மதுரையில் நடந்தபோது, தன்னால் நாக்கை கட்டுப்படுத்த முடியாமல் அளவுக்கதிகமாக பரோட்டா சாப்பிட்டதாக நடிகை நித்யா மேனன் கூறியுள்ளார்.

பொக்கிஷம் படம் மூலம் தமிழ் சினிமாவில் அறிமுகமாகி ரசிகர்களிடையே நீங்கா இடம் பிடித்துள்ள நடிகை பிந்து மாதவி 5 ஆண்டுகள் இடைவெளிக்குப் பின் மீண்டும் தமிழ் சினிமாவில் நடித்துள்ளார்.விரைவில் அவர் நடிப்பில் சென்னை ஃபைல்ஸ் முதல் பக்கம் படம் வெளியாகவுள்ளது.

நான் மற்ற மொழி படங்களில் நடித்திருந்தாலும் தமிழ் சினிமாவில் தான் அதிகம் ஆதரவு உள்ளதாக நடிகை ஷில்பா மஞ்சுநாத் தெரிவித்துள்ளார். வெற்றி நடிக்கும் சென்னை ஃபைல்ஸ் முதல் பக்கம் பட விழாவில் அவர் இந்த கருத்தை தெரிவித்துள்ளார்.

தமிழில் விஷால் நடித்த தீராத விளையாட்டு பிள்ளை படத்தில் 3 ஹீரோயின்களில் ஒருவராக நடித்த தனுஸ்ரீ தத்தா பரபரப்பு குற்றச்சாட்டை முன்வைத்துள்ளார். அதாவது சொந்த வீட்டில் தான் துன்புறுத்தப்படுவதாகவும், தனக்கு யாராவது உதவ வேண்டும் எனவும் கூறியுள்ளார்.

நடிகர் சூர்யா இன்று தனது 50வது பிறந்தநாளை கொண்டாடி வருகிறார். இதனை முன்னிட்டு ஆர்.ஜே.பாலாஜி இயக்கத்தில் அவர் நடித்து வரும் கருப்பு படத்தின் டீசர் வெளியாகியுள்ளது. இதில் சூர்யாவின் கஜினி படத்தில் இடம்பெற்ற ஒரு காட்சி ரீ-கிரியேட் செய்யப்பட்டது ரசிகர்களிடையே மகிழ்ச்சியை ஏற்படுத்தியுள்ளது.

ஆர்.ஜே.பாலாஜி இயக்கத்தில் நடிகர் சூர்யா நடித்து வரும் கருப்பு படத்தின் டீசர் வெளியாகியுள்ளது. இந்த படத்தில் த்ரிஷா ஹீரோயினாக நடித்துள்ளார். சாய் அபயங்கர் இசையமைத்துள்ள நிலையில் சூர்யாவின் பிறந்தநாளை முன்னிட்டு டீசர் வெளியாகியுள்ளது. மேலும் படிக்க

கருப்பு பட டீசர்

கூலி ரிலீஸ் ஆகும் அதே நாளில் ஹிருத்திக் ரோஷன் மற்றும் ஜூனியர் என்டிஆர் இணைந்து நடித்துள்ள வார் 2 திரைப்படமும் வெளியாகவுள்ளது குறிப்பிடத்தக்கது. இதனால் கூலி படத்துக்கு 5000 திரையரங்குகள் கிடைக்குமா என்பது சந்தேகமே. அப்படி கிடைத்தால் மட்டுமே நினைத்த வசூலை ஈட்ட முடியும்

Read More

கூலி திரைப்படம் வருகிற ஆகஸ்ட் 14, 2025 அன்று திரையரங்குகளில் வெளியாகவுள்ளது. இந்த நிலையில் இந்தப் படத்தை சன் பிக்சர்ஸ் நிறுவனம் இந்திய அளவில் 5000க்கும் மேற்பட்ட திரையரங்குகளில் வெளியிட திட்டமிட்டுள்ளதாக தகவல் வெளியாகியுள்ளது. இதனால் முதல் நாளிலேயே அதிகபட்ச வசூலை ஈட்டலாம் என எதிர்பார்க்கப்படுகிறது

கூலி படத்தின் 2 பாடல்கள் வெளியாகி மக்கள் மத்தியில் நல்ல வரவேற்பைப் பெற்று வருகிறது.  வரும் 2025, ஆகஸ்ட் 14ம் தேதி கூலி படம் திரைக்கு வருகிறது. அதற்கான புரமோஷன் வேலைகள் தீவிரமாக நடந்து வருகின்றன.

Read More

ரஜினிகாந்த் நடித்துள்ள கூலி படத்தின் எதிர்பார்ப்பு எகிறி வருகிறது. இந்நிலையில் இந்த படத்தின் கமல்ஹாசன் பங்கும் இருப்பதாக கூறப்படுகிறது. அதாவது கமல் ஒருவருக்கு டப்பிங் பேசி இருப்பதாக சொல்லப்படுகிறது. இது இன்னும் எதிர்பார்ப்பை அதிகரிக்க வைத்துள்ளது

நடிகர் சூர்யாவின் இந்த கருப்பு திரைப்படத்தின் ஷூட்டிங் முழுமையாக நிறைவடைந்துள்ளது. இறுதிக்கட்ட வேலைகள் நடந்து  வருகிறது. இந்த படத்திற்காக இளம் இசையமைப்பாளர் சாய் அபயங்கர் இசையமைத்து வருகிறார்.

Read More

 சூர்யாவின் 50வது பிறந்தநாள்  என்பதால், கருப்பு படத்திலிருந்து முதல் பார்வையைப் படக்குழு வெளியிட்டுள்ளது. தற்போது இந்த முதல் பார்வையானது ரசிகர்கள் மத்தியில் கொண்டாட்டத்தை ஏற்படுத்தி வருகிறது. மேலும் இன்று டீசர் வெளியாகும் என தெரிவிக்கப்பட்டுள்ளது

கருப்பு பட அப்டேட்

நடிகர் சூர்யாவின் 50வது பிறந்தநாள் இன்று கொண்டாடப்படுகிறது. இதனை அடுத்து அவரது ரசிகர்கள் கொண்டாடி வருகின்றனர். பல இடங்களில் ரசிகர்கள் சார்பில் கேக் வெட்டி கொண்டாட்டம் நடைபெற்றது