விஜய் பட விவகாரம்! திமுக-விற்கும் என்ன சம்பந்தம்? அமைச்சர் கே.என்.நேரு கேள்வி!

'ஜன நாயகன்' திரைப்படத்தின் தணிக்கைப் பிரச்சினை குறித்து, தமிழக அமைச்சர் கே.என். நேரு கூறுகையில், "மத்திய திரைப்படத் தணிக்கை வாரியம் மத்திய அரசின் கீழ் செயல்படுகிறது. இதற்கும் திமுக-விற்கும் என்ன சம்பந்தம்? தணிக்கைச் சான்றிதழ் தணிக்கை வாரியத்தால் வழங்கப்படுகிறது, அதைத் திரைப்படத் தயாரிப்பாளர்கள் பெறுகிறார்கள். ஜெயலலிதா ஆட்சியின் போதும் இது போன்ற சம்பவங்கள் நடந்திருக்கின்றன. இந்த விஷயத்தில் எங்களுக்கு எந்தப் பங்கும் இல்லை. காங்கிரஸ் கட்சிக்கும், நடிகர் விஜய்க்கும், இந்த பிரச்சினைக்கும் என்ன தொடர்பு என்று எனக்குப் புரியவில்லை. அவர்கள் ஏன் குரல் எழுப்புகிறார்கள்?" என்றார்.