Fan Boy சம்பவம் – ‘ஜெயிலர் 2’ பார்க்க முழு திரையரங்கையும் முன்பதிவு செய்த சஞ்சு சாம்சன்!
Sanju Samson Watches Jailer 2 : சூப்பர் ஸ்டார் ரஜினிகாந்த்தின் மிகப்பெரிய ரசிகரான ஜெயிலர் 2 படம் பார்ப்பதற்காக சஞ்சு சாம்சன் முழு தியேட்டரையும் புக் செய்துள்ளார். குடும்பத்தினர் மற்றும் நண்பர்களுடன் தமிழ் தெரிந்த இந்திய அணியின் தமிழ் தெரிந்த உதவியாளர்கலையும் ஜெயிலர் 2 படம் பார்க்க அழைப்பு விடுத்துள்ளார்.
சூப்பர் ஸ்டார் ரஜினிகாந்த்தின் ஜெயிலர் 2 (Jailer 2) படம் பார்ப்பதற்காக சஞ்சு சாம்சன் முழு தியேட்டரையும் புக் செய்துள்ளார். இதற்காக முழு திரையரங்கையும் முன்பதிவு செய்த அவர் தனது மனைவி மற்றும் நண்பர்களுடன் இணைந்து, பெரிய திரையில் இந்தப் படத்தைப் பார்க்கப்போவதாக அவர் குறிப்பிட்டுள்ளார்.
‘ஜெயிலர் 2’ பார்க்க முழு திரையரங்கையும் முன்பதிவு செய்த சஞ்சு சாம்சன்!
இந்திய கிரிக்கெட் வீரர் சஞ்சு சாம்சன், சூப்பர் ஸ்டார் ரஜினிகாந்த்தின் மிகப்பெரிய ரசிகர் என்பதை பல பேட்டிகளில் தெரிவித்திருக்கிறார். இந்த நிலையில் ரஜினிகாந்தின் சமீபத்திய திரைப்படமான ‘ஜெயிலர் 2 படம் பார்ப்பதற்காக, அவர் ஒரு முழு திரையரங்கையுமே முன்பதிவு செய்துள்ளார். தனது மனைவி மற்றும் நண்பர்களுடன் இணைந்து இந்தப் படத்தைக் கண்டு ரசிக்க சஞ்சு திட்டமிட்டுள்ளார். மேலும், இந்திய அணியின் உதவி பணியாளர்களில் தமிழ் தெரிந்தவர்களும் சஞ்சு சாம்சனுடன் இணைந்து கலந்துகொள்ளவிருப்பதாக அவர் தெரிவித்தார்.
இதையும் படிக்க : India vs WI 5th T20: 6 பந்துகளில் 24 ரன்கள்.. யுவராஜ் சிங்கின் சாதனை முறியடித்த நமன் தீர்!
ரஜினிகாந்தின் திரைப்படங்களின் தீவிர ரசிகரான சஞ்சு, எப்போதும் அவற்றை திரையரங்கிற்கே சென்று பார்ப்பதை வழக்கமாகக் கொண்டவர். இருப்பினும், டெல்லியில் நடைபெற்ற ஒரு நிகழ்ச்சியில் கலந்துகொள்ள வேண்டியிருந்ததால், ‘ஜெயிலர் 2’ வெளியான நாளில் அவரால் படத்தைப் பார்க்க முடியவில்லை. அதன்பிறகு, படத்தைப் பார்ப்பதற்கான வாய்ப்பை அவர் ஏற்படுத்திக்கொண்டார். முழு திரையரங்கையும் முன்பதிவு செய்ய முடிந்ததில் மகிழ்ச்சி தெரிவித்த சஞ்சு, தனது மனைவி மற்றும் நண்பர்களும் தன்னுடன் வருவார்கள் என்று கூறினார். பெரிய திரையில் ரஜினிகாந்தைக் காண்பதில் தான் மிகுந்த உற்சாகத்துடன் இருப்பதாகவும் அவர் பகிர்ந்துகொண்டார்.
இந்திய அணியின் பணியாளர்களுக்கும் அழைப்பு
தனது நண்பர்களுடன், இந்திய அணியின் ஆதரவுப் பணியாளர்களில் தமிழ் தெரிந்தவர்களையும் இந்தத் திரையிடலுக்கு சஞ்சு அழைத்துள்ளார். இதனால், சஞ்சு மட்டும் படத்தைப் பார்ப்பதாகத் தொடங்கிய இந்தத் திட்டம், இப்போது நெருங்கிய நண்பர்கள் மற்றும் சக பணியாளர்கள் ஒன்றுகூடும் நிகழ்வாக மாறியுள்ளது. ரஜினிகாந்தின் திரைப்படங்கள் மீது தனக்குள்ள விருப்பத்தை சஞ்சு ஏற்கனவே பலமுறை வெளிப்படுத்தியுள்ளார். ரஜினிகாந்தின் தனித்துவமான பாணி மற்றும் திரையில் அவரது பிரம்மாண்டமான தோற்றத்தை ரசிக்கும் சஞ்சு, சூப்பர் ஸ்டாரின் புதிய படங்கள் வெளியாவதற்காக எப்போதும் ஆவலுடன் காத்திருப்பதாகக் கூறுவதுண்டு.
ரஜினிகாந்த் மீதான சஞ்சுவின் இந்த ஈர்ப்பு ஒன்றும் புதிய விஷயமல்ல. ஏற்கனவே, ‘ஜெயிலர்’ திரைப்படத்தின் முதல் பாகம் வெளியான சமயத்தில், அவர் சூப்பர் ஸ்டாரைச் நேரில் சந்தித்திருந்தார். தற்போது, திரைப்பட அரங்கில் இப்படத்தின் இரண்டாம் பாகத்தைக் காண்பதற்காக அவர் செய்துள்ள பிரத்யேக ஏற்பாடுகள், மீண்டும் அனைவரது கவனத்தையும் ஈர்த்துள்ளன.
இதையும படிக்க : IND vs WI: 7.4 ஓவர்களில் 118 ரன்கள்.. போட்டிக்கு எண்ட் கார்டு போட்ட மழை.. சமனில் முடிந்த தொடர்!
ரஜினிகாந்தின் திரைப்படங்கள் அனைத்து வயதுப் பிரிவினரிடையேயும் பெரும் வரவேற்பைப் பெறுகின்றன. அவரது தனித்துவமான நடிப்பு பாணி, புகழ்பெற்ற வசனங்கள் மற்றும் விறுவிறுப்பான சண்டைக் காட்சிகள் என, அவரது ஒவ்வொரு திரைப்பட வெளியீடும் ரசிகர்களுக்கு ஒரு கொண்டாட்டமாக அமைகிறது. சஞ்சுவின் இந்தச் செயல், அந்தத் திரைப்படத்தின் மீதும், சூப்பர் ஸ்டார் ரஜினிகாந்தின் மீதும் அவர் கொண்டுள்ள ஆழ்ந்த ஈடுபாட்டை மேலும் வெளிச்சம் போட்டுக் காட்டுகிறது.
