TV9 Tamil News Photo Gallery > Will Tvk leader Vijay win in Perambur assembly constituency in Chennai district photo gallery

பெரம்பூர் தொகுதியில் களமிறங்கும் விஜய்… கை கொடுக்குமா? காலை வாருமா? கள நிலவரம் கூறுவதென்ன!

Gowtham Kannan

Updated On:

20 Mar 2026 21:49 PM

IST

Tvk Leader Vijay: தமிழக வெற்றிக் கழகத்தின் தலைவர் விஜய் சென்னை மாவட்டத்தில் உள்ள பெரம்பூர் சட்டமன்ற தொகுதியில் போட்டியிட உள்ளதாக தகவல்கள் வெளியாகி உள்ளன. அவ்வாறு போட்டியிட்டால் அந்த தொகுதியில் வெற்றி வாய்ப்பு எந்த அளவுக்கு இருக்கும் என்பதை இந்தப் பதிவில் பார்க்கலாம்.

தமிழகம் மற்றும் புதுச்சேரி ஆகிய மாநிலங்களுக்கான சட்டமன்ற தேர்தல் தேதி அறிவிக்கப்பட்டுள்ளது. இதற்காக, இரு மாநிலங்களை சேர்ந்த அரசியல் கட்சிகளும் தேர்தல் பணிகளை தீவிரமாக முன்னெடுத்து வருகின்றன. அந்த வகையில், தமிழக வெற்றிக் கழகம் இரு மாநிலங்களிலும் விருப்ப மனுக்களை விநியோகம் செய்து, வேட்பாளர்களை நேர்காணல் செய்து வருகிறது. இதில், தமிழகத்தில் முதல் கட்டமாக 60 தொகுதிகளுக்கான வேட்பாளர்களை தேர்வு செய்ததாக தகவல் வெளியாகி உள்ளது. அதன்படி, தமிழக வெற்றிக் கழகத்தின் தலைவர் விஜய் சென்னை பெரம்பூர் தொகுதியில் போட்டியிட உள்ளார்.

2 / 5

கட்சியின் பொதுச் செயலாளர் என். ஆனந்த் டி. நகர் தொகுதியிலும், தேர்தல் பிரிவு மேலாண்மை பொதுச் செயலாளர் ஆதவ் அர்ஜுனா விருகம்பாக்கம் தொகுதியிலும் என முதல் கட்ட தலைவர்கள் சென்னையை மையமாக வைத்து களமிறங்க உள்ளதாக கூறப்படுகிறது. இந்த நிலையில், தவெக தலைவர் விஜய் பெரம்பூர் தொகுயில் போட்டியிடுவது கிட்டத்தட்ட உறுதியாகிவிட்டதாக கூறப்படுகிறது. அவ்வாறு, விஜய் போட்டியிடும் பட்சத்தில் அவருக்கு பெரம்பூர் தொகுதியில் வெற்றி வாய்ப்பு எப்படி உள்ளது.

3 / 5

எதன் அடிப்படையில் அவர் இந்த தொகுதியை தேர்வு செய்து உள்ளார் என்பதை இந்த பதிவில் பார்க்கலாம். தமிழகம் முழுவதும் தமிழக வெற்றிக் கழகத்தின் உறுப்பினர் சேர்க்கை மேற்கொள்ளப்பட்டு வருகிறது. அதில், சென்னை மாவட்டத்தில் உள்ள பெரம்பூர் சட்டமன்ற தொகுதியில் அதிக அளவிலான உறுப்பினர் சேர்க்கை நடைபெற்று உள்ளது. இதில், பெண்கள் மற்றும் இளைஞர்களின் உறுப்பினர் சேர்க்கை அதிகளவு தன் தமிழக வெற்றி கழகத்திற்கு கிடைத்துள்ளது. அதன் அடிப்படையில், விஜய்க்கு வெற்றி வாய்ப்பு இருப்பதாக கூறப்படுகிறது.

4 / 5

மேலும், சிறப்பு வாக்காளர் பட்டியல் திருத்த பணிகளுக்குப் பிறகு பெரம்பூர் சட்டமன்றத் தொகுதியில் 2,22792 வாக்காளர்கள் உள்ளனர். இதில், ஆண் வாக்காளர்கள் 1,7,995 பேரும், பெண் வாக்காளர்கள் 1,14,726 பேரும், 3- ஆம் பாலினத்தவர்கள் 71 பேரும் உள்ளனர். அதன் அடிப்படையில், பெரம்பூர் சட்டமன்ற தொகுதியில் பெண்கள் வாக்குகள் அதிகளவு உள்ளது. அதன் அடிப்படையிலும், தமிழக வெற்றிக் கழக தலைவர் விஜய் இந்த தொகுதியில் களமிறங்கினால் வெற்றி அடைந்து விடலாம் என திட்டமிடப்பட்டுள்ளதாக கூறப்படுகிறது.

5 / 5

மேலும், கடந்த 2021 சட்டமன்ற தேர்தலில் திமுக சார்பில் ஆர். டி. சேகரும், அதிமுக சார்பில் கூட்டணி வேட்பாளராக என். ஆர். தனபாலும் போட்டியிட்டனர். இந்த தேர்தலில் திமுக வேட்பாளர் ஆர்.டி. சேகர் 1,05,267 வாக்குகள் பெற்று வெற்றி பெற்றார். எனவே, இதைவிட தவெக தலைவர் விஜய்க்கு உறுப்பினர் சேர்க்கை அடிப்படையிலும், பெண்கள் மற்றும் இளைஞர்கள் மத்தியில் உள்ள வரவேற்பின் அடிப்படையிலும் வெற்றி வாய்ப்பு எளிதாக கிடைக்கும் என்று அக்கட்சியினர் கருதி வருகின்றனர். இருந்தாலும், பெரம்பூர் சட்டமன்ற தொகுதி விஜய்க்கு கை கொடுக்குமா அல்லது காலை வாருமா என்பதை பொறுத்திருந்து தான் பார்க்க வேண்டும்.

Assembly Elections Thalapathy Vijay TVK Party தமிழ்நாடு சட்டமன்ற தேர்தல்