TV9 Tamil News Photo Gallery > Electric Motorcycle Up To 500Km Range In Single Charge In India

ஒருமுறை சார்ஜ் செய்தால் 500 கி.மீ வரை பயணிக்கலாம் – இந்தியாவின் 5 சிறந்த எலக்ட்ரிக் பைக்குகள் இதோ

Updated On:

28 Mar 2026 21:11 PM

IST

EV Motorcycle Update: இன்றைய காலகட்டத்தில், மின்சார வாகனங்களுக்கான தேவை மிக வேகமாக அதிகரித்து வருகிறது. இந்திய மார்கெட்டில், ஒரே முறை முழுமையாக சார்ஜ் செய்தால் 500 கிலோமீட்டர் வரை பயணிக்கும் திறன் கொண்ட, 5 சிறந்த எலக்ட்ரிக் பைக்குகள் பற்றி இப்போது விரிவாகப் பார்ப்போம்.

Ola Roadster X+ மின்சார பைக், 4.5 kWh மற்றும் 9.1 kWh என இரண்டு பேட்டரி பேக் ஆப்சன்களுடன் வருகிறது. இது 11 kW திறன் கொண்ட என்ஜினைக் கொண்டுள்ளது; இதன் மூலம் வெறும் 2.7 வினாடிகளில் 0விலிருந்து மணிக்கு 40 கி.மீ வேகத்தை எட்டிவிட முடியும். இதன் அதிகபட்ச வேகம் மணிக்கு 125 கி.மீ ஆகும். இதில் உள்ள பெரிய பேட்டரி பேக்கின் உதவியுடன், இது ஒருமுறை சார்ஜ் செய்தால் 501 கிலோமீட்டர் வரையிலான பயணத் தூரத்தை வழங்குகிறது. இதன் எக்ஸ் ஷோரூம் விலை ரூ1,09,999 என்று கூறப்படுகிறது.

2 / 5

பெங்களூரைத் தளமாகக் கொண்ட Ultraviolette நிறுவனத்தின் F77 Mach 2 பைக், Standard மற்றும் Recon என 2 வகைகளில் கிடைக்கிறது. இது 27 kW திறன் கொண்ட என்ஜினைக் கொண்டுள்ளது Recon வகையில் 30 kW மோட்டார் உள்ளது. இவற்றின் பேட்டரித் திறன்கள் முறையே சுமார் 7.1 kWh மற்றும் 10.3 kWh ஆகும். Standard வகை பைக் 211 கி.மீ பயணத் தூரத்தை வழங்குகிறது. அதே சமயம் Recon வகை பைக் 323 கி.மீ வரையிலான பயணத் தூரத்தை வழங்குகிறது. இதன் எக்ஸ் ஷோரூம் விலை ரூ.2,99,000 ஆகும்.

3 / 5

Komaki Ranger எலக்ட்ரிக் க்ரூஸர் பைக்குகளின் எக்ஸ் ஷோரூம் விலை 1.40 லட்சமாகும். இதில் 3.6 kWh திறன் கொண்ட பேட்டரி பொருத்தப்பட்டுள்ளது. இது ஒரே முறை முழுமையாக சார்ஜ் செய்தால் 250 கி.மீ வரையிலான பயணத் தூரத்தை வழங்குகிறது. இதன் அதிகபட்ச வேகம் மணிக்கு 88 கி.மீ ஆகும். 0% முதல் 90% வரை சார்ஜ் ஆக இதற்குச் சுமார் 4 மணிநேரம் தேவைப்படுகிறது. இந்த பைக்கில் எல்இடி பல்புகள், இரண்டு ஸ்டோரேஜ் பேக்குகள், க்ரூஸ் கண்ட்ரோல் வசதி, டெலஸ்கோபிக் ஷாக் அப்சார்பர்கள் மற்றும் ஆன்போர்டு நேவிகேஷன் போன்ற சிறப்பம்சங்கள் இடம்பெற்றுள்ளன.

4 / 5

சென்னையைத் தளமாகக் கொண்ட Raptee நிறுவனத்தின் HV எல்க்ட்ரிக் பைக், T30 அதிவேக சார்ஜிங் வசதியுடன் வருகிறது. இது முழுமையாக சார்ஜ் செய்தால் 200 கி.மீ பயணத் தூரத்தை வழங்குகிறது. டிசி அதிவேக சார்ஜிங் முறையைப் பயன்படுத்தி, இதை வெறும் 30 நிமிடங்களிலேயே முழுமையாக சார்ஜ் செய்துவிட முடியும். ஏசி சார்ஜிங் முறையைப் பயன்படுத்தும்போது, 80 சதவிகிதம் சார்ஜ் ஆக இதற்கு 1 மணிநேரம் தேவைப்படுகிறது. இதன் எக்ஸ்ஷோரூம் விலை ரூ.2.39 லட்சம் ஆகும். மேலும், இது 8 ஆண்டுகளுக்கான பேட்டரி உத்தரவாதத்துடனும் வருகிறது.

5 / 5

Revolt RV BlazeX ஸ்மார்ட் எலக்ட்ரிக் பைக் ஒரு முறை சார்ஜ் செய்தால் 150 கி.மீ வரையிலான பயணத் தொலைவை வழங்குகிறது. இது 4 kW மோட்டாரைக் கொண்டுள்ளதுடன், மணிக்கு 85 கி.மீ என்ற வேகத்தை எட்டும் திறனையும் பெற்றுள்ளது. இதில் கழற்றி மாற்றக்கூடிய 3.24 kWh பேட்டரி இடம்பெற்றுள்ளது; அதிவேக சார்ஜிங் வசதியைப் பயன்படுத்தி, 80 நிமிடங்களில் இதன் பேட்டரியை 80 சதவிகிதம் வரை சார்ஜ் செய்துகொள்ள முடியும். இதன் எக்ஸ்-ஷோரூம் விலை ரூ.1,14,990 ஆகும்; மேலும், இது 3 ஆண்டுகள் அல்லது 45,000 கி.மீ வரையிலான உத்தரவாதத்துடன் வழங்கப்படுகிறது.

Automobile