முடி உதிர்தலுக்கான காரணம் என்ன ? உங்களுக்கு இந்த அறிகுறிகள் இருக்கிறதா? கவனமாக இருங்கள்
Hair loss concerns : இன்றைய காலக்கட்டத்தில் வெப்பநிலை உயர்வு, மன அழுத்தம், மற்றும் வாழ்க்கை முறை மாற்றங்கள் காரணமாக முடி உதிர்தல் என்பது பொதுவான பிரச்னையாகியுள்ளது. சுகாதார நிபுணர்கள் கூறுவதன்படி, தினமும் 50 முடிகள் வரை உதிர்வது இயல்பானதாக இருந்தாலும், சில சமயங்களில் இது அதிகரிக்கலாம். முடி உதிர்வதற்கு காரணம் என்ன ? தவிர்ப்பது எப்படி என்பது குறித்து இந்த கட்டுரையில் பார்க்கலாம்.
சமீக காலமாக அதிகரிக்கும் வெப்ப நிலை, மன அழுத்தம் (Stress) போன்ற காரணங்களால் முடி உதிர்தல் (Hair Fall) அதிகமாகி வருகிறது. முடி உதிர்தல் இயல்பானதாக மாறி வருகிறது. ஒரு நாளைக்கு 50 முடிகள் வரை உதிர்ந்து விடும் என்று சுகாதார நிபுணர்கள் கூறுகின்றனர். இளம் வயதில் முடி உதிர்தலை பலருக்கு தீவிர பிரச்னையாக மாறி வருகிறது. இதற்குப் பின்னால் பல காரணங்கள் உள்ளன, அவற்றில் ஊட்டச்சத்துக்கள் இல்லாமை, தண்ணீர் குடிப்பது குறைவு, வைட்டமின் (Vitamin) குறைபாடு மற்றும் வாழ்க்கை முறை ஆகியவை அடங்கும். ஆனால் முடி உதிர்தல் அதிகமாக இருந்தால், அதனை கவனத்தில் கொள்வது அவசியம். வேறு ஏதேனும் அசாதாரண காரணத்தால் முடி உதிர்கிறதா என்பதைக் கண்டறிய உதவும் சில அறிகுறிகளைப் பார்ப்போம்.
உங்கள் தலைமுடியை சீப்பால் சீவும்போது, கழுவும்போது அல்லது கைகளால் முடியை துடைக்கும்போது அதிக அளவு முடி உதிர்வதை நீங்கள் கவனித்தால், அவற்றில் கவனம் செலுத்துவது முக்கியம். சில வாரங்கள் அல்லது நாட்களுக்குள் முடி உதிர்தல் கணிசமாக அதிகரித்தால், தேவையான பராமரிப்பை வழங்க வேண்டிய நேரம் இது என்பதற்கான அறிகுறியாகும். இந்த நிலை டெலோஜென் எஃப்லூவியம் என்று அழைக்கப்படுகிறது. இதற்குப் பின்னால் மன அழுத்தம், நோய், பிரசவத்திற்கு பிறகு ஏற்படும் ஹார்மோன் மாற்றங்கள் மற்றும் விரைவான எடை இழப்பு உள்ளிட்ட பல காரணங்கள் உள்ளன.
முடி உதிர்வதற்கான காரணம் என்ன?
முடி உதிர்தலுக்குப் பிறகு உங்கள் உச்சந்தலையின் தோற்றம் மாறி உங்களுக்கு தாழ்வு மனப்பான்மையை ஏற்படுத்தக் கூடும். இது ஆண்ட்ரோஜெனெடிக் அலோபீசியாவிற்கும் வழிவகுக்கும். இது அரிய வகை பிரச்னையாக பார்க்கப்படுகிறது. இதன் மூலம் நமது தலை முடியின் வேர் வரை பாதித்து அது உதிர்வதற்கு காரணமாகிறது.
முடி உதிர்தல் எப்போதும் ஒரே மாதிரியாக இருக்காது. உங்கள் தலைமுடி வேர்களில் இருந்து உதிர்வதற்குப் பதிலாக பாதியாக உடைந்தால், அது உங்கள் தலைமுடி பலவீனமாக இருப்பதற்கான அறிகுறியாகும். அதிகப்படியான ஸ்டைலிங், ப்ளீச்சிங், வண்ணம் தீட்டுதல் அல்லது வெப்பம் ஆகிய காரணங்கள் முடி உடைவதற்கான காரணங்கள். ஊட்டச்சத்து குறைபாடு மற்றும் புரதக் குறைபாடு முடியின் நுனிகளை பலவீனப்படுத்தும். உங்கள் தலைமுடியின் முனைகள் பிளவுபட்டு, கரடுமுரடான அமைப்பை நீங்கள் கவனித்தால், உங்கள் தலைமுடிக்கு ஆழமான கண்டிஷனிங் மற்றும் புரதம் நிறைந்த ஷாம்புகள் தேவை.
உங்கள் முடியின் ஆரோக்கியம் உங்கள் உடலின் ஆரோக்கியத்துடன் நேரடியாக தொடர்புடையது. அரிப்பு, சிவத்தல், வீக்கம் அல்லது தொற்றுகள், பொடுகு, மற்றும் தோல் அழற்சி ஆகியவை அசாதாரண முடி உதிர்தலை ஏற்படுத்தும். உங்கள் உச்சந்தலையில் தொடர்ந்து அசௌகரியத்தை அனுபவித்தாலோ அல்லது முடி உதிர்தலுடன் தோல் உரிந்து போனாலோ, ஒரு தோல் மருத்துவரைப் பார்க்கவும்.
