ரியல் லைஃப் ஸ்டோரிதான் இந்தப் படம்… அமீர்கானின் தங்கல் படத்தை எந்த ஓடிடியில் பார்க்கலாம்?
Dangal Movie OTT Update: பாலிவுட் சினிமாவில் முன்னணி நடிகராக வலம் வருபவர் நடிகர் அமீர் கான். இவரது நடிப்பில் பாலிவுட் சினிமாவில் வெளியாகும் படங்கள் தொடர்ந்து இந்தி சினிமாவில் மட்டும் இன்றி பான் இந்திய அளவில் ரசிகர்களிடையே நல்ல வரவேற்பைப் பெற்று வருகின்றது.
இந்தி சினிமாவில் சூப்பர் ஸ்டாராக வலம் வருபவர் நடிகர் அமீர் கான். இவரது நடிப்பில் வெளியாகும் படங்கள் தொடர்ந்து ரசிகர்களிடையே விமர்சன ரீதியாகவும் வசூல் ரீதியாகவும் நல்ல வரவேற்பைப் பெற்றது. மேலும் நடிகர் அமீர் கான் ஒரு படத்தில் நடிக்கிறார் என்றால் அந்தப் படத்தில் நடிப்பதற்கு முன்பு பல பயிற்சிகளை மேற்கொள்ளுவார். அதன்படி அந்த கதைக்கு தேவையான பல பயிற்சிகளை செய்து தனது கதாப்பாத்திரத்திற்கு சிறப்பு செய்வார் நடிகர் அமீர் கான். ஒரு படத்திற்காக அமீர் கான் மெனக்கெடும் விசயம் ரசிகர்களை எப்போது ஆச்சரியப்படுத்தும் என்பது குறிப்பிடத்தக்கது. அதன்படி நடிகர் அமீர் கான் நடிப்பில் கடந்த 21-ம் தேதி டிசம்பர் மாதம் 2016-ம் ஆண்டு திரையரங்குகளில் வெளியான படம் தங்கல். இந்தப் படம் திரையரங்குகளில் வெளியாகி ரசிகர்களிடையே நல்ல வரவேற்பைப் பெற்றது போல வசூல் ரீதியாக மாபெரும் வரவேற்பைப் பெற்றது குறிப்பிடத்தக்கது.
இந்தப் படத்தை இயக்குநர் நிதேஷ் திவாரி இயக்கி இருந்த நிலையில் நிதேஷ் திவாரி
பியூஷ் குப்தா, ஷ்ரேயாஸ் ஜெயின் மற்றும் நிகில் மெஹ்ரோத்ரா ஆகியோர் இந்தப் படத்திற்கு கதை எழுதியது குறிப்பிடத்தக்கது. மேலும் இந்தப் படத்தில் நடிகர் அமீர் கான் உடன் இணைந்து நடிகர்கள் சாக்ஷி தன்வார், பாத்திமா சனா ஷேக், ஜைரா வாசிம், சன்யா மல்ஹோத்ரா, சுஹானி பட்நாகர், அபர்சக்தி குரானா, ரித்விக் சாஹோர், அனன்யா சர்மா, லக்ஷிதா கோயல், கிரிஷ் குல்கர்னி, விவான் படேனா, ஷிஷிர் சர்மா, மீனு பிரஜாபதி, பத்ருல் இஸ்லாம், கர்ம்வீர் சௌத்ரி, அனுராக் அரோரா என பலர் இந்தப் படத்தில் முன்னணி வேடத்தில் நடித்துள்ளனர்.
அமீர் கானின் தங்கல் படத்தின் கதை என்ன?
குஸ்தி வீரராக இருக்கும் அமீர் கானுக்கு தொடர்ந்து பெண் குழந்தைகளே பிறக்கின்றனர். பெண் குழந்தைகள் மீது வெறுப்பு இல்லை என்றாலும் ஆண் குழந்தை தான் தனது குஸ்தி விளையாட்டை கற்றுக்கொண்டு இந்தியாவிற்காக தங்கம் வெல்வார் என்று நினைத்துக் கொண்டு இருக்கிறார். ஆண் குழந்தைக்கு முயற்சி செய்து செய்து தொடர்ந்து 4 பெண் குழந்தைகளைக் பெற்றுக் கொள்கிறார் அமீர் கான்.
Also Read… துல்கர் சல்மானிடம் ஒரு காதல் கதை சொன்னேன்… ஆனால் – சுதா கொங்கரா ஓபன் டாக்
இப்படி இருக்கும் சூழலில் தனது முதல் இரண்டு மகள்கள் தங்களை கிண்டல் செய்தன் பையன்களை அடித்து வெளுத்து வாங்குகின்றனர். இதனைப் பார்த்த அமீர் கான் தனது மகள்களுக்கு குஸ்தி விளையாட்டை சொல்லிக் கொடுக்கிறார். இந்த குஸ்தியில் அமீர்கானின் மகள்கள் எப்படி சாதித்தார்கள் என்பதே படத்தின் கதை. இந்தப் படம் தற்போது நெட்பிளிக்ஸ் ஓடிடியில் காணக் கிடைக்கின்றது.
Also Read… ஜன நாயகன் சென்சார் பிரச்சனை… தளபதி விஜய்க்கு ஆதரவாக களமிறங்கிய கோலிவுட் சினிமா
