Ajith kumar: புதிய அணியுடன் அஜித்.. ஆசிய லீ மான்ஸ் தொடரில் பங்கேற்பு
Ajith Kumars Car Racing: தென்னிந்திய சினிமாவில் பிரபல நடிகர் மற்றும் கார் ரேஸராக இருந்து வருபவர் அஜித் குமார். இவர் பல்வேறு கார் ரேஸ் போட்டிகளில் பங்கேற்று, பல வெற்றிக்கோப்பைகளை வென்றுள்ளார். இந்நிலையில் புதிய அணியுடன் அஜித் குமார், ஆசிய லீ மான்ஸ் போட்டியில் பங்கேற்கவுள்ளதாக அறிவித்துள்ளார்.
தமிழ் சினிமாவில் பிரபல நடிகர்களில் ஒருவராக இருந்து வருபவர் அஜித் குமார் (Ajith Kumar). இவரின் முன்னணி நடிப்பில் இதுவரை 63 படங்கள் வெளியாகியிருக்கிறது. அந்த வரிசையில் இவரின் நடிப்பில் இறுதியாக வெளியான படம் குட் பேட் அக்லி (Good Bad Ugly). இந்த படமானது கடந்த 2025 ஏப்ரல் மாதத்தில் வெளியாகி, நல்ல வசூல் செய்திருந்தது. இந்த படத்தின் ஷூட்டிங்கை தொடர்ந்து, கார் ரேஸ் (Car race) பயிற்சியில் அஜித் குமார் தீவிரமாக இறங்கினார். இதுவரை பல்வேறு நாடுகளில் நடைபெற்ற 24H கார் ரேஸ் தொடரில் இந்தியாவின் சார்பாக, தனது அணியுடன் அஜித் குமார் பங்கேற்றுள்ளார். இதுவரை பங்கேற்ற போட்டிகளில் கிட்டத்தட்ட 4 கோப்பைகளை வென்றுள்ளார்.
வெளிநாடுகளில் நடைபெற்ற போட்டிகளில் மொத்தம் 4 போட்டிகளில், மூன்று போட்டியில் 3வது இடத்தையும் மற்றும் 2 இடத்தில் ஒரு போட்டியில் 2வது இடம் என மொத்தம் 4 வெற்றிக்கோப்பைகளை இந்தியாவின் சார்பாக அஜித் குமார் வென்றுள்ளார். இந்நிலையில், 24H கார் ரேஸ் தொடர் அடுத்தாக, ஏசியன் லீ மான்ஸ் சீரிஸ் போட்டியில் (Asian Le Mans Series) தனது புதிய அணியுடன் பங்கேற்கவுள்ளதாக அறிவித்துள்ளார் அஜித்.
இதையும் படிங்க : மீண்டும் அம்மனாக நயன்தாரா.. மூக்குத்தி அம்மன் 2 போஸ்டர் ரிலீஸ்!
ஆசிய லீ மான்ஸ் போட்டியில் பங்கேற்பது தொடர்பாக வெளியான அறிவிப்பு பதிவு :
A defining moment for the season ahead ✨ The grand reveal of our new drivers’ uniform, setting the tone for an exciting journey in the Asian Le Mans Series.
Narain Karthikeyan, Ajith Kumar and Aditya Patel pushing limits at the test sessions#AKRacing #AsianLeMans #motorsports pic.twitter.com/sXYL0C7QSR
— Ajithkumar Racing (@Akracingoffl) October 1, 2025
இந்த போட்டியில் நடிகர் அஜித் குமார், பிரபல கார் ரேஸரான நரேன் கார்த்தி மற்றும் ஆதித்யா படேல் உடன் இணைந்து பங்கேற்கவுள்ளார். இந்தியாவின் சார்பாக இந்த ஏசியன் லீ மான்ஸ் சீரிஸ் போட்டியில் இவர்களுடன் கலந்துகொள்வதாக அஜித் குமார் அறிவித்துள்ளார்.
இதையும் படிங்க : மோகன்லால் – மம்முட்டி இணைந்து நடிக்கும் படத்தின் டீசர் ரிலீஸ் எப்போது? அப்டேட் இதோ
தனது புதிய ரேஸ் உடை மற்றும் இந்தியா சினிமாவை பெருமைப்படுத்தும் விதத்தில் புதிய லோகோ இருக்கும் உடையணிந்தபடி இருக்கும் புகைப்படத்தை அஜித் குமார் தனது ரேஸ் தொடர்பாக எக்ஸ் கணக்கில் பதிவிட்டுள்ளார். இது தற்போது அவரின் ரசிகர்கள் மத்தியில் பெரும் அவரவேற்பை பெற்றுள்ளது. மேலும் அவர்களை பெருமை படுத்தியது என்றே கூறலாம்.
அஜித் குமரன் புதிய படத்தில் அப்டேட் :
அஜித் குமாரின் AK64 படத்தை இயக்குநர் ஆதிக் ரவிச்சந்திரன்தான் இயக்கவுள்ளார். இவரின் இயக்கத்தில் இப்படத்தில் அஜித் குமாருடன், ஸ்ரீலீலா, ஸ்வாசிகா, அஞ்சலி உட்பட பல்வேறு நடிகர்கள் நடிப்பதாக கூறப்படுகிறது.
மேலும் இப்படத்தை ரோமியோ பிக்ச்சர்ஸ் தயாரிக்கவுள்ள நிலையில், அனிருத் இசையமைக்கவுள்ளாராம். இந்த படத்தின் ஷூட்டிங் வரும் 2025 நவம்பர் மாதத்தில் தொடங்கவுள்ள நிலையில், இந்த 2025 அக்டோபர் இறுதிக்குள் அதிகாரப்பூர்வ அறிவிப்புகள் வெளியாகும் என எதிர்பார்க்கப்படுகிறது.
