Recurring Deposit : மாதம் ரூ.2,800 முதலீடு செய்வதன் மூலம் வட்டியாக மட்டும் ரூ.31,824 கிடைக்கும்!

பொதுமக்கள் சேமிப்பதற்கு அரசு அஞ்சலகங்கள் மூலம் பல வகையான சேமிப்பு திட்டங்களை (Saving Schemes) செயல்படுத்தி வருகிறது. நிலையான வைப்பு நிதி திட்டம், தொடர் வைப்பு நிதி திட்டம், மாத வருமான திட்டம், பொது வருங்கால வைப்பு நிதி உள்ளிட்ட திட்டங்களை செயல்படுத்தி வருகிறது. இந்த திட்டங்கள் மிகவும் சிறப்பானவையாக கருதப்படுகின்றன. காரணம் இந்த திட்டங்களுக்கு பிற திட்டங்களை விடவும் அதிக வட்டி வழங்கப்படுகிறது. இதன் காரணமாக அதிக லாபம் பெற் முடியும் என்பதால் பெரும்பாலான நபர்கள் அஞ்சலக சேமிப்பு திட்டங்களில் முதலீடு செய்து வருகின்றனர்.

அதிக பலன்களை தரும் தொடர் வைப்பு நிதி திட்டம்

அஞ்சலக சேமிப்பு திட்டங்களில் உள்ள சிறப்பு திட்டம் தான் தொடர் வைப்பு நிதி (RD – Recurring Deposit) திட்டம். இந்த திட்டம் நிலையான வைப்பு நிதி திட்டத்தை விட பல சிறப்பு அம்சங்களை கொண்டுள்ளது. அதாவது நிலையான வைப்பு நிதி திட்டத்தில் முதலீடு செய்ய வேண்டும் என்றால் திட்டத்தின் முடிவில் மொத்த தொகையையும் செலுத்த வேண்டும். நீங்கள் எத்தனை ஆண்டுகளுக்கு முதலீடு செய்கிறீர்களோ அத்தனை ஆண்டுகளுக்கு வட்டி வழங்கப்படும். ஆனால் தொடர் வைப்பு நிதி திட்டம் அப்படி இல்லை. ஏதேனும் ஒரு திட்டத்தை தேர்வு செய்து அதில் மாதம் மாதம்  முதலீடு செய்ய வாய்ப்பு வழங்கப்படுகிறது. இந்த நிலையில், தொடர் வைப்பு நிதி திட்டத்தில் மாதம் ரூ.2,800 முதலீடு செய்து ரூ.31,824 வட்டியாக பெறுவது எப்படி என்பது குறித்து விரிவாக பார்க்கலாம்.

மாதம் ரூ.2,800 முதலீடு செய்வதன் மூலம் வட்டியாக மட்டும் ரூ.31,824 பெறலாம்

அஞ்சலக தொடர் வைப்பு நிதி திட்டத்திற்கு 6.7 சதவீதம் வட்டி வழங்கப்படுகிறது. இந்த திட்டத்தில் குறைந்தது ரூ.100 முதல் முதலீடு செய்ய அனுமதி வழங்கப்படுகிறது. இந்த திட்டத்தின் மொத்த காலம் 5 ஆண்டுகள் ஆகும். இந்த நிலையில், இந்த திட்டத்தில் நீங்கள் மாதம் ரூ.2,800 முதலீடு செய்கிறீர்கள் என்று வைத்துக்கொள்வோம். அதன்படி, 5 ஆண்டுகளுக்கு மொத்தம் ரூ.1,68,000 முதலீடு செய்திருப்பீர்கள். 5 ஆண்டுகளுக்கு 6.7 சதவீதம் வட்டி என்ற அடிப்படையில் மொத்தமாக ரூ.31,824 வட்டியாக கிடைக்கும். இந்த நிலையில், நீங்கள் முதலீடு செய்த தொகை ரூ.1,68,000 மற்றும் அதற்கான வட்டி ரூ.31,824 ஆகியவை சேர்த்து மொத்தமாக ரூ.1,99,824 கிடைக்கும் என்பது குறிப்பிடத்தக்கது.

Disclaimer : இந்தக்கட்டுரை திட்டம் தொடர்பான முதற்கட்ட தகவல் மட்டுமே. முதலீட்டின் லாப நஷ்டங்களுக்கு TamilTV9 பொறுப்பேற்காது.