Gold Price: தலைகீழாக குறைந்த தங்கம் விலை.. ஒரு சவரனுக்கு இவ்வளவா?.. இன்றைய விலை நிலவரம்!!

சென்னை, மார்ச் 19: இந்த ஆண்டின் தொடக்கத்தில் உச்சத்தில் இருந்த தங்கம் விலை, கடந்த சில நாட்களாக யாரும் எதிர்பாராத அளவுக்கு சரிவை சந்தித்து வருகிறது. அந்தவகையில், இந்த வாரம் முழுவதும் படிப்படியாக தங்கத்தின் விலை குறைந்து வருகிறது. அவ்வாறு இன்றைய தினமும் தமிழகத்தில் தங்கம் விலை குறைந்துள்ளது. போர் உச்சத்தில் இருக்கும் நிலையில், தங்கம் விலை மேலும் உயரக்கூடும் என அஞ்சப்பட்ட நிலையில், திடீர் திருப்பமாக நாளுக்கு விலை தலைகீழாக குறைந்து வருகிறது. இதன் காரணமாக முதலீட்டாளர்களும், நடுத்தர மக்களும் அளவில்லா மகிழ்ச்சியடைந்துள்ளனர். அதோடு, தங்கத்தின் விலை மேலும் குறைய வேண்டும் என்பதே அவர்களின் விருப்பமாக உள்ளது.

இதையும் படிங்க: பெண்களுக்கு அதிக லாபம் தரும் அசத்தல் திட்டங்கள்.. கட்டாயம் தெரிந்துக்கொள்ளுங்கள்!

இன்றைய தங்கம், வெள்ளி விலை நிலவரம்:

அதன்படி, சென்னையில் இன்று 22 கிராம் ஆபரணத் தங்கத்தின் விலை கிராமுக்கு 270 ரூபாய் குறைந்து ஒரு கிராம் 14,300 ரூபாய்க்கும், சவரனுக்கு 2,160 ரூபாய் குறைந்து ஒரு சவரன் 1,14,400 ரூபாய்க்கும் விற்பனை செய்யப்படுகிறது. தங்கத்தை தொடர்ந்து வெள்ளியின் விலையும் சரிவை சந்தித்து வருகிறது. அந்தவகையில், வெள்ளி விலை கிராமுக்கு 10 ரூபாய் குறைந்து ஒரு கிராம் 265 ரூபாய்க்கும், ஒரு கிலோ 2.65 லட்சத்திற்கும் விற்பனையாகிறது.

தொடர் சரிவில் தங்கம் விலை:

கடந்த 12ம் தேதியில் இருந்து தங்கம் விலை தொடர்ந்து குறைந்து வருவதை பார்க்க முடிகிறது. அப்படி கடந்த 7 நாட்களில் மட்டும் தங்கம் கிராமுக்கு 800 ரூபாய்க்கு மேல் குறைந்துள்ளது. அதோடு சவரனுக்கு 5,600 ரூபாய் வரை குறைந்துள்ளது. வரும் நாட்களில் தொடர் சரிவை சந்திக்கும் பட்சத்தில் நகைக்கடைகளில் அதிகளவில் மக்கள் கூட்டம் காணப்படும் என எதிர்பார்க்கப்படுகிறது. ஏனெனில், சமீப நாட்களில் இவ்வளவு சரிவை சந்தித்தது இல்லை.

கடந்த ஒரு வாரத்தில் தங்கம் விலை: