அரசியல்வாதி போல் செயல்படும் ஆளுநர்.. தவெக அருண்ராஜ் பேச்சு!

தமிழக வெற்றிக் கழக நிர்வாகி கே.ஜி. அருண்ராஜ் செய்தியாளர்கள் சந்திப்பின்போது, “தமிழக ஆளுநர் ஆர்.என். ரவி அரசியலமைப்புச் சட்டத்தை கடுமையாகப் பின்பற்ற வேண்டும். ஒரு அரசியல்வாதியைப் போல செயல்படக்கூடாது. அதிகரித்து வரும் எதிர்ப்புகளுக்கு மத்தியில், பொதுமக்களின் கவனத்தைத் திசைதிருப்பும் ஒரு திட்டமிட்ட நகர்வாக திமுக இதை பயன்படுத்தக்கூடும். தமிழக சட்டமன்றத்தில் இருந்து மீண்டும் மீண்டும் வெளிநடப்பு செய்வது ஆளுநர் ரவி தவறு.

2026 சட்டமன்றத் தேர்தலுக்கான தேர்தல் அறிக்கையைத் தயாரிப்பதற்காக எங்கள் தலைவர் 12 பேர் கொண்ட ஒரு குழுவை அமைத்துள்ளார். இந்தக் குழுவிற்கான முதல் கலந்தாய்வுக் கூட்டம் இன்று நடைபெற்றது. இந்தக் கூட்டத்தில் பல்வேறு முடிவுகள் எடுக்கப்பட்டுள்ளன. மாநிலத்தின் அனைத்து மாவட்டங்களுக்கும் சென்று மக்களையும், சம்பந்தப்பட்ட தரப்பினரையும் சந்தித்து, அவர்களின் எதிர்பார்ப்புகளைக் கேட்டறிய நாங்கள் முடிவு செய்துள்ளோம்.” என்று தெரிவித்துள்ளார்.