IPL 2026: ஹர்திக் பாண்ட்யாவுக்கு தூண்டில் போடும் கேகேஆர்.. விட்டுகொடுக்குமா எம்ஐ?
Hardik Pandya Trade: கொல்கத்தா நைட் ரைடர்ஸ், ஹர்திக் பாண்ட்யாவுக்காக ஒரு வீரரை ட்ரேடு செய்யுமா அல்லது மும்பை இந்தியன்ஸுடன் பணப் பரிமாற்றம் செய்யுமா என்பது இன்னும் தெளிவாகத் தெரியவில்லை. வீரர்களை ட்ரேடு செய்வதற்கு கொல்கத்தா நைட் ரைடர்ஸிடம் அதிக வாய்ப்புகள் இல்லை என்பது குறிப்பிடத்தக்கது.
ஐபிஎல் 2027-ல் (IPL 2027) ஹர்திக் பாண்ட்யா எந்த அணிக்காக விளையாட போகிறார் என்பதே, தற்போதைய மிகப்பெரிய கேள்வியாக உள்ளது. சமீபகாலமாக, ஹர்திக் பாண்ட்யா மும்பை இந்தியன்ஸ் அணியை விட்டு வெளியேறக்கூடும் என்று கூறப்பட்டாலும், ஹர்திக் போன்ற ஒரு வீரரின் தேவை எந்த அணிக்கு அதிகமாக உள்ளதுதான் முக்கியம். சமீப காலம் வரை, சென்னை சூப்பர் கிங்ஸ் அணி (Chennai Super Kings) ஹர்திக் பாண்ட்யா ட்ரேட் போட்டியில் முன்னணியில் இருந்தது. ஆனால், தற்போது நிலைமை தலைகீழாக மாறியுள்ளது. ஏனெனில் கொல்கத்தா நைட் ரைடர்ஸ் அணியும் ஹர்திக் பாண்ட்யா மீது ஆர்வம் காட்டியுள்ளது.
ALSO READ: தோனி குறித்து இப்படி ஒரு சீக்ரெட்..? உண்மையை உடைத்த ரஹானே!
கேகேஆர் அணியில் இணைவாரா ஹர்திக் பாண்ட்யா..?
ரெவ்ஸ்போர்ட்ஸ் தகவலின்படி, கொல்கத்தா நைட் ரைடர்ஸ் அணி ஹர்திக் பாண்ட்யாவுக்கு வாய்ப்பளித்துள்ளது. மேலும், கேகேஆர் அணி கேப்டன் பொறுப்பையும் ஹர்திக்கிடம் ஒப்படைக்கக்கூடும் என்றும் கூறப்படுகிறது. கடந்த 2 ஆண்டுகளாக அஜிங்க்யா ரஹானேவின் தலைமையில் கொல்கத்தாவின் செயல்பாடு ஏமாற்றமளிப்பதாக இருந்துள்ளது என்பது குறிப்பிடத்தக்கது. எனவே, கேப்டன்சி, பந்துவீச்சு மற்றும் மிடில்-ஆர்டர் பேட்டிங் ஆகிய மூன்றையும் கையாளும் திறன் கொண்ட ஹர்திக் பாண்ட்யா, கேகேஆர் அணிக்கு ஒரு முழுமையான தேர்வாக இருப்பார்.
கொல்கத்தா நைட் ரைடர்ஸ், ஹர்திக் பாண்ட்யாவுக்காக ஒரு வீரரை ட்ரேடு செய்யுமா அல்லது மும்பை இந்தியன்ஸுடன் பணப் பரிமாற்றம் செய்யுமா என்பது இன்னும் தெளிவாகத் தெரியவில்லை. வீரர்களை ட்ரேடு செய்வதற்கு கொல்கத்தா நைட் ரைடர்ஸிடம் அதிக வாய்ப்புகள் இல்லை என்பது குறிப்பிடத்தக்கது. அஜிங்க்யா ரஹானே அனைத்து விதமான கிரிக்கெட்டில் இருந்து ஓய்வு பெற்றதால், கொல்கத்தா அணிக்கு தற்போது அனுபவம் வாய்ந்த கேப்டன் தேவைப்படுகிறது.
25 கோடியுடன் கேப்டன்சி!
கொல்கத்தா நைட் ரைடர்ஸ் அணிக்கு ஒரு கேப்டன் மிகவும் தேவைப்படுகிறார். இருப்பினும், ஒரு வேகப்பந்து வீச்சு ஆல்-ரவுண்டரைச் சேர்ப்பது, ஆஸ்திரேலிய கிரிக்கெட் வீரர் கேமரூன் கிரீனின் வெளியேற்றத்தை உறுதி செய்யும். ஒரே அணியில் இரண்டு வேகப்பந்து வீச்சு ஆல்-ரவுண்டர்கள் இருப்பது, ஒட்டுமொத்த ஆடும் லெவன் கூட்டணியையும் சீர்குலைக்கக்கூடும். கிரீனும் ஹர்திக்கும் இடமாற்றம் செய்யப்பட வாய்ப்புள்ளது. மேலும், ஐபிஎல் 2026 ஏலத்தில் கேமரூன் கிரீன் பெற்ற அதே தொகைக்கு (25.2 கோடி ரூபாய்) கேகேஆர் அணி ஹர்திக்கை ஒப்பந்தம் செய்யலாம். இருப்பினும், மும்பை இந்தியன்ஸ் அணி கேமரூன் கிரீனுடன் மட்டும் திருப்தி அடையுமா என்று சொல்வது கடினம்.
ALSO READ: ரஹானே ஓய்வு.. கேகேஆர் அணியின் அடுத்த கேப்டன் யார்..? டிரேடில் தேட வாய்ப்பு!
சிஎஸ்கே ஒப்பந்தத்தை பற்றி என்ன நினைக்கிறீர்கள்?
சில நாட்களுக்கு முன்பு, சென்னை சூப்பர் கிங்ஸ் மற்றும் மும்பை இந்தியன்ஸ் அணிகளுக்கு இடையே ஒரு ஒப்பந்தம் இறுதி செய்யப்படவிருப்பதாக செய்திகள் வெளியாகின. ஆரம்பத்தில், ஹர்திக் பாண்ட்யாவிற்கு மாற்றாக ஆயுஷ் மத்ரே மற்றும் சிவம் துபே ஆகியோரின் பெயர்கள் முன்மொழியப்பட்டன. ஆனால் சிஎஸ்கே அணி, சிவம் துபே மற்றும் டிவால்ட் பிரெவிஸ் ஆகியோரை ஒரு மாற்று ஒப்பந்தமாக முன்வைத்ததாகத் தெரிவிக்கப்பட்டது.
ஹர்திக் பாண்ட்யா தனது ஐபிஎல் வாழ்க்கையில் இதுவரை 162 போட்டிகளில் 2955 ரன்கள் எடுத்தும், 82 விக்கெட்டுகளைக் கைப்பற்றியும் உள்ளார். ஹர்திக் பாண்ட்யா ஐபிஎல்-லில் மும்பை இந்தியன்ஸ் மற்றும் குஜராத் டைட்டன்ஸ் ஆகிய 2 அணிகளுக்காக மட்டுமே விளையாடியுள்ளார்
