Pakistan Cricket Team: 3 ஆண்டுகளில் 6 பயிற்சியாளர்கள் மாற்றம்.. பரிதவிக்கும் பாகிஸ்தான் அணி!
Pakistan Head Coach: கிராண்ட் பிராட்பர்ன் மார்ச் 2023 முதல் நவம்பர் 2023 வரை டெஸ்ட் பயிற்சியாளராக இருந்தார். அதன்பிறகு, அந்த பொறுப்பு முகமது ஹபீஸிடம் ஒப்படைக்கப்பட்டது. ஆனாலும், அவரது பதவிக்காலமும் நீண்ட காலம் நீடிக்கவில்லை. முகமது ஹபீஸ் பிப்ரவரி 2024-ல் இந்தப் பதவியிலிருந்து விலக வேண்டியிருந்தது. ஜேசன் கில்லெஸ்பி ஏப்ரல் 2024 முதல் டிசம்பர் 2024 வரை அப்பதவியை வகித்தார்.
பாகிஸ்தான் கிரிக்கெட்டிலும், கிரிக்கெட் வாரியத்திலும் அடிக்கடி மாற்றங்கள் நிகழ்கின்றன. இவ்வளவு மாற்றங்கள் செய்த போதிலும், கடந்த சில ஆண்டுகளாக பாகிஸ்தான் கிரிக்கெட்டில் எந்த முன்னேற்றமும் ஏற்படவில்லை. இதன் காரணமாக, நாளுக்கு நாள் தரம் குறைந்து வருகிறது. இங்கிலாந்துக்கு எதிரான முதல் இரண்டு (IND vs ENG) டெஸ்ட் போட்டிகளிலும் பாகிஸ்தான் அணி (Pakistan Cricket Team) படுதோல்வி அடைந்தது. இதன் காரணமாக, மூன்றாவது போட்டிக்கு முன்பே பாகிஸ்தான் அணியில் பயிற்சியாளர் உள்பட பல பெரிய மாற்றங்கள் நிகழ்ந்தன. இங்கிலாந்து அணிக்கு எதிரான முதல் 2 டெஸ்ட் போட்டிகளில் விளையாடிய அணியில் பாதி பேர் திருப்பி அனுப்பப்பட்டு, புதிய வீரர்களுக்கு வாய்ப்பு வழங்கப்பட்டுள்ளது. அதுமட்டுமின்றி, பயிற்சியாளர் குழுவிலும் மாற்றம் செய்யப்பட்டுள்ளது.
ALSO READ: பீல்டிங் பயிற்சியாளர் தேவை.. லிங்க்ட்இனில் போஸ்ட் போட்ட பாகிஸ்தான் கிரிக்கெட் வாரியம்!
பயிற்சியாளர் பதவியிலிருந்து சர்பராஸ் அகமது நீக்கப்பட்டு, ஒருநாள் மற்றும் டி20 அணிகளின் பயிற்சியாளராக இருக்கும் மைக் ஹெசனுக்கு அப்பொறுப்பு வழங்கப்பட்டுள்ளது. இந்தநிலையில், கடந்த 3 ஆண்டுகளில் டெஸ்ட் பயிற்சியாளர் குழுவில் இது ஆறாவது மாற்றமாகும். மேலும் 5 ஆண்டுகளில் அனைத்து வடிவங்களிலும் பயிற்சியாளர் முழுவில் இது பதினொன்றாவது மாற்றமாக அமையும்.
பயிற்சியாளர் குழுவில் இதுவரை இத்தனை மாற்றங்கள்?
கடந்த 5 அல்லது 6 ஆண்டுகளில் பாகிஸ்தான் கிரிக்கெட்டின் தரம் கடுமையாகச் சரிந்துள்ளது. டெஸ்ட் கிரிக்கெட்டில் அது மேலும் மோசமடைந்துள்ளது. வங்கதேசம் போன்ற ஒரு பலவீனமான அணி, 2 டெஸ்ட் தொடர்களில் பாகிஸ்தானை முழுமையாக வீழ்த்தியது. அவற்றில் ஒன்று பாகிஸ்தானில் நடைபெற்ற தொடராகும். ஆஸ்திரேலியா, தென்னாப்பிரிக்கா மற்றும் இங்கிலாந்து போன்ற நாடுகளில் பாகிஸ்தான் தொடர்ந்து தோல்வியை சந்தித்தது. இதன் காரணமாக, பயிற்சியாளர் குழுவில் அடிக்கடி மாற்றங்கள் செய்யப்படுகின்றன. இத்தனை மாற்றங்கள் செய்யப்பட்ட போதிலும், எந்தப் பலனும் காணப்படவில்லை. எனவே, கடந்த 5 அல்லது 6 ஆண்டுகளாக இந்த நிலை தொடர்கிறது. 2023-ஆம் ஆண்டு முதல் பாகிஸ்தான் தனது பயிற்சியாளரை 6 முறை மாற்றியுள்ளது.
கிராண்ட் பிராட்பர்ன் மார்ச் 2023 முதல் நவம்பர் 2023 வரை டெஸ்ட் பயிற்சியாளராக இருந்தார். அதன்பிறகு, அந்த பொறுப்பு முகமது ஹபீஸிடம் ஒப்படைக்கப்பட்டது. ஆனாலும், அவரது பதவிக்காலமும் நீண்ட காலம் நீடிக்கவில்லை. முகமது ஹபீஸ் பிப்ரவரி 2024-ல் இந்தப் பதவியிலிருந்து விலக வேண்டியிருந்தது. ஜேசன் கில்லெஸ்பி ஏப்ரல் 2024 முதல் டிசம்பர் 2024 வரை அப்பதவியை வகித்தார். அதுவும், பாகிஸ்தான் அணிக்கு சிறந்த முடிவை கொடுக்கவில்லை. அசார் மஹ்மூத் ஜனவரி 2025 முதல் டிசம்பர் 2025 வரை பொறுப்பேற்றிருந்தார். பின்னர் அவரிடமிருந்து, இந்தப் பொறுப்பு சர்பராஸ் அகமதுவிடம் சென்றது. சர்பராஸ் அகமது ஏப்ரல் 2026 முதல் ஆகஸ்ட் 2026 வரை அப்பதவியை வகித்தார். இப்போது, செப்டம்பர் 2026-ஐப் பார்க்கும்போது, மைக் ஹெசனின் பதவிக்காலம் தொடங்கியுள்ளது. இந்தநிலையில், மைக் ஹெசன் எவ்வளவு காலம் இந்தப் பொறுப்பில் இருப்பார் என்று கூற இயலாது.
ALSO READ: இந்திய அணிக்கு என்ன சிக்கல்? ஆராயும் கில்.. பிசிசிஐயிடம் கோரிக்கை!
கடந்த 5 ஆண்டுகளில், பாகிஸ்தான் அனைத்து வடிவங்களிலும் மொத்தம் 11 முறை பயிற்சியாளர்களை மாற்றியுள்ளது. இது 2021-ல் தொடங்கியது. மற்ற எந்தப் பயிற்சியாளரையும் விட அவரது பதவிக்காலம் நீண்டதாக இருந்தது. அதன்பிறகு, சக்லைன் முஷ்டாக் இரண்டு ஆண்டுகளுக்கு அனைத்து வடிவங்களுக்கும் பயிற்சியாளராக இருந்தார். பின்னர் முகமது ஹபீஸ், கேரி கிர்ஸ்டன் மற்றும் ஆகிப் ஜாவேத் ஆகியோரும் பொறுப்பேற்றனர்.
