ICC Ranking: ஐசிசி டெஸ்ட் பேட்ஸ்மேன் தரவரிசை.. டாப் 10க்குள் முன்னேறிய ரிஷப் பண்ட்!
Rishabh Pant ICC Ranking: ரிஷப் பண்ட் டெஸ்ட் போட்டிகளில் இந்திய அணிக்காகத் தொடர்ந்து சிறப்பாக விளையாடி வருகிறார். இலங்கை தொடரின் முதல் டெஸ்ட் போட்டியில், ரிஷப் பண்ட் முறையே 39 மற்றும் 66 ரன்கள் எடுத்தார். இலங்கை அணிக்கு எதிரான 2வது டெஸ்ட் போட்டியின் முதல் இன்னிங்ஸிலும் ரிஷப் பண்ட் சிறப்பாக விளையாடி, 6 பவுண்டரிகள் மற்றும் 2 சிக்ஸர்களின் உதவியுடன் 63 ரன்கள் எடுத்தார்.
இந்திய அணியின் (Indian Cricket Team) நட்சத்திர விக்கெட் கீப்பர் பேட்ஸ்மேன் ரிஷப் பண்ட் (Rishab Pant), ஐசிசி டெஸ்ட் தரவரிசையில் குறிப்பிடத்தக்க முன்னேற்றம் கண்டுள்ளார். இன்று அதாவது 2026 ஆகஸ்ட் 26ம் தேதி சர்வதேச கிரிக்கெட் கவுன்சில் (ICC), ஜஸ்பிரித் பும்ராவைப் பின்னுக்குத் தள்ளி நம்பர் ஒன் டெஸ்ட் பந்துவீச்சாளராக இடம்பிடித்த மிட்செல் ஸ்டார்க்கை மையமாகக் கொண்ட சமீபத்திய தரவரிசையை வெளியிட்டது. இதற்கிடையில், ரிஷப் பண்ட்டும் தரவரிசையில் குறிப்பிடத்தக்க முன்னேற்றம் கண்டு, டாப் 10 பட்டியலில் அடியெடுத்து வைத்துள்ளார். ஐசிசி பேட்ஸ்மேன்கள் தரவரிசையில் அவரை விட உயர்ந்த இடத்தில் எந்த இந்திய பேட்ஸ்மேனும் இல்லை.
ALSO READ: தோள்பட்டையில் பெரிய கட்டுடன் ரிஷப் பண்ட்.. வெளியான புகைப்படம்.. அதிர்ச்சியில் ரசிகர்கள்!
டாப் 10க்குள் இடம்:
இந்திய அணியின் விக்கெட் கீப்பர்-பேட்ஸ்மேனான ரிஷப் பண்ட், 6 இடங்கள் முன்னேறி 711 மதிப்பீட்டுடன் 7வது இடத்தைப் பிடித்தார். இந்தியாவின் டெஸ்ட் கேப்டன் சுப்மன் கில்லும் 711 மதிப்பீட்டுடன் ஏழாவது இடத்தில் உள்ளார். தரவரிசையின் முதல் 10 இடங்களில் உள்ள இரண்டு இந்திய வீரர்கள் ரிஷப் பண்ட் மற்றும் இந்திய கேப்டன் சுப்மன் கில் மட்டுமே. முதல் 5 இடங்களில் இந்திய பேட்ஸ்மேன்கள் யாரும் இல்லை. இங்கிலாந்தின் ஹாரி புரூக் 874 மதிப்பீட்டுடன் முதலிடத்தில் உள்ளார்.
ரிஷப் பண்ட் டெஸ்ட் போட்டிகளில் இந்திய அணிக்காகத் தொடர்ந்து சிறப்பாக விளையாடி வருகிறார். இலங்கை தொடரின் முதல் டெஸ்ட் போட்டியில், ரிஷப் பண்ட் முறையே 39 மற்றும் 66 ரன்கள் எடுத்தார். இலங்கை அணிக்கு எதிரான 2வது டெஸ்ட் போட்டியின் முதல் இன்னிங்ஸிலும் ரிஷப் பண்ட் சிறப்பாக விளையாடி, 6 பவுண்டரிகள் மற்றும் 2 சிக்ஸர்களின் உதவியுடன் 63 ரன்கள் எடுத்தார். இதற்கு முன்பு, ஆப்கானிஸ்தானுக்கு எதிரான ஒரே டெஸ்ட் இன்னிங்ஸில் பந்து 81 ரன்கள் எடுத்திருந்தார். இதேபோல், ரிஷப் பண்ட் டெஸ்ட் போட்டிகளில் தொடர்ந்து ரன்களைக் குவித்து வருகிறார்.
ALSO READ: 5ம் நாளில் இந்தியாவின் வெற்றிக்கு மழை வில்லனா..? கொழும்பு வானிலை எப்படி..?
ரிஷப் பண்ட்டின் டெஸ்ட் கிரிக்கெட் வாழ்க்கை:
இந்திய அணிக்காக ரிஷப் பண்ட் தற்போது டெஸ்ட் வடிவத்தில் 52 போட்டிகளில் விளையாடியுள்ளார். 90 இன்னிங்ஸ்களில் பேட்டிங் செய்து, ரிஷப் பண்ட் 43.82 சராசரியில் 3725 ரன்கள் எடுத்துள்ளார். இந்தக் காலகட்டத்தில், பண்ட் எட்டு சதங்கள் மற்றும் 21 அரை சதங்களை அடித்துள்ளார். அவரது அதிகபட்ச ஸ்கோர் 159 ஆகும். ரிஷப் பண்ட் கடந்த ஆகஸ்ட் 2018-ல் தனது டெஸ்ட் அறிமுகத்தை மேற்கொண்டார். தற்போது 50 டெஸ்ட் போட்டிகள் என்ற மைல்கல்லைக் கடந்துள்ளார். டெஸ்ட் போட்டிகளில் ரிஷப் பண்ட் இந்தியாவின் முதன்மை விக்கெட் கீப்பராகப் பணியாற்றுகிறார்.
