IPL 2026: பல அணிகளுக்கு தலைவிதியை தீர்மானிக்கும் மும்பை.. 4வது அணியாக பிளே ஆஃப் செல்லப்போகும் அணி எது?
IPL Playoff Scenario 2026: பஞ்சாப் கிங்ஸ் மற்றும் கொல்கத்தா நைட் ரைடர்ஸ் அணிகளால் இன்னும் 15 புள்ளிகளை எட்ட முடியும். 13 போட்டிகளுக்குப் பிறகு பஞ்சாப் அணி 13 புள்ளிகளைப் பெற்றுள்ளது. பஞ்சாப் அணி தனது கடைசிப் போட்டி லக்னோ சூப்பர் ஜெயண்ட்ஸ் அணிக்கு எதிராக உள்ளது. கொல்கத்தா அணிக்கு இன்னும் 2 போட்டிகள் மீதமுள்ளன.
ஐபிஎல் 2026 பிளேஆஃப் சுற்றில் 3 அணிகள் தங்களது இடங்களை உறுதி செய்துள்ளன. லீக் சுற்றில் இன்னும் 6 போட்டிகளே மீதமுள்ள நிலையில், 5 அணிகள் 4வது இடத்திற்காக போட்டியிடுகின்றன. அதில், சில அணிகளுக்கு வாய்ப்புகள் அதிகமாகவும், மற்றவற்றுக்குக் குறைவாகவும் உள்ளன. ராஜஸ்தான் ராயல்ஸ் அணியைத் தவிர மற்ற அனைத்து அணிகளும், மற்ற அணிகளின் போட்டி முடிவுகளைச் சார்ந்தே இருக்கின்றன. ஏற்கெனவே பிளேஆஃப் சுற்றிலிருந்து வெளியேற்றப்பட்ட மும்பை இந்தியன்ஸ் அணியின் மீதுதான் அனைத்து அணிகளின் பார்வையும் உள்ளது. ஐபிஎல் 2026 சீசனில் (IPL 2026) 64வது போட்டியில், ராஜஸ்தான் ராயல்ஸ் அணி (Rajastan Royals) நேற்று அதாவது 2026 மே 19ம் தேதி லக்னோ சூப்பர் ஜெயண்ட்ஸ் அணியை 7 விக்கெட் வித்தியாசத்தில் வீழ்த்தியது.
இந்த சீசனில் இதுவரை மிகவும் அபாயகரமான பேட்ஸ்மேனாகத் தன்னை நிரூபித்துள்ள வைபவ் சூர்யவன்ஷி, எல்.எஸ்.ஜி அணிக்கு எதிராக 10 சிக்ஸர்கள் மற்றும் 7 பவுண்டரிகள் உட்பட அதிரடியாக 93 ரன்கள் குவித்துள்ளார். ராஜஸ்தான் ராயல்ஸ் அணி இன்னும் பிளேஆஃப் சுற்றுக்குத் தகுதி பெறவில்லை என்றாலும், தங்களது கடைசிப் போட்டியில் கட்டாயம் வெற்றி பெற வேண்டும். ஒவ்வொரு அணிக்குமான சமன்பாட்டைத் தெரிந்துகொள்ளுங்கள்.
ALSO READ: தோனி அடுத்த ஆண்டு விளையாடுவாரா..? சுரேஷ் ரெய்னா கொடுத்த சூப்பர் அப்டேட்!
ராஜஸ்தான் ராயல்ஸ்
பிளேஆஃப் போட்டியில் உள்ள 5 அணிகளில், ராஜஸ்தான் ராயல்ஸ் அணி மட்டுமே தற்போது மற்ற போட்டிகளின் முடிவுகளைச் சார்ந்திருக்கவில்லை. ராஜஸ்தான் தங்களது போட்டியில் வெற்றி பெற்றால் மட்டும் போதும், அது அவர்களுக்கு 16 புள்ளிகளைப் பெற்றுத்தரும். இருப்பினும், ராஜஸ்தான் தனது கடைசிப் போட்டியில் தோற்றால், 14 புள்ளிகள் மட்டுமே எஞ்சியிருக்கும். மேலும், ராஜஸ்தான் இடம் மற்ற போட்டிகளின் அடிப்படையில் தீர்மானிக்கப்படும்.
பஞ்சாப் – கொல்கத்தா சமன்பாடு என்ன..?
பஞ்சாப் கிங்ஸ் மற்றும் கொல்கத்தா நைட் ரைடர்ஸ் அணிகளால் இன்னும் 15 புள்ளிகளை எட்ட முடியும். 13 போட்டிகளுக்குப் பிறகு பஞ்சாப் அணி 13 புள்ளிகளைப் பெற்றுள்ளது. பஞ்சாப் அணி தனது கடைசிப் போட்டி லக்னோ சூப்பர் ஜெயண்ட்ஸ் அணிக்கு எதிராக உள்ளது. கொல்கத்தா அணிக்கு இன்னும் 2 போட்டிகள் மீதமுள்ளன. மேலும் இன்று மும்பை இந்தியன்ஸ் அணிக்கு எதிராக கொல்கத்தா நைட் ரைடர்ஸ் அணி மோதுகிறது. பஞ்சாப் மற்றும் கொல்கத்தா அணிகள் 15 புள்ளிகளை எட்ட வேண்டும். மேலும், மும்பை இந்தியன்ஸ் அணி ராஜஸ்தான் ராயல்ஸ் அணியைத் தோற்கடிக்க வேண்டும். இரு அணிகளும் 15 புள்ளிகளை எட்டினால், பிளேஆஃப்களுக்கான 4வது அணி நிகர ரன் ரேட்டின் அடிப்படையில் தீர்மானிக்கப்படும்.
சிஎஸ்கே பிளேஆஃப்களுக்கு எப்படி தகுதி பெறும்?
சென்னை சூப்பர் கிங்ஸ் பிளேஆஃப்களுக்குத் தகுதி பெறுவது கடினம். ஆனால் சாத்தியமற்றது அல்ல. ராஜஸ்தான் ராயல்ஸின் (+0.083) நிகர ரன் ரேட்டிற்கு இணையாகத் தங்களது நிகர ரன் ரேட்டை (-0.016) மேம்படுத்த, சென்னை குஜராத் டைட்டன்ஸை ஒரு குறிப்பிடத்தக்க வித்தியாசத்தில் தோற்கடிக்க வேண்டும். மேலும், கொல்கத்தா நைட் ரைடர்ஸ் குறைந்தபட்சம் ஒரு போட்டியிலாவது தோற்க வேண்டும். அத்துடன், பஞ்சாப் மற்றும் ராஜஸ்தான் அணிகள் தங்களது இறுதிப் போட்டிகளிலும் தோற்க வேண்டும்.
டெல்லி அணிக்கு வாய்ப்புள்ளதா..?
டெல்லி கேப்பிட்டல்ஸ் அணிக்கு இன்னும் பிளே ஆஃப் செல்வதற்கான வாய்ப்புகள் உள்ளது. டெல்லி கேபிட்டல்ஸ் தனது கடைசி ஆட்டத்தில் கொல்கத்தா நைட் ரைடர்ஸை வீழ்த்த வேண்டும். பஞ்சாப் மற்றும் சென்னை தங்களது கடைசி ஆட்டங்களில் தோற்கின்றன. டெல்லி, கொல்கத்தா அணிக்கு எதிராக ஒரு பெரிய வெற்றியைப் பதிவு செய்ய வேண்டும். இதன்மூலம், ராஜஸ்தான் மற்றும் டெல்லி தலா 14 புள்ளிகளைப் பெறும். மேலும் நிகர ரன் ரேட்டும் முதல் நான்கு இடங்களுக்கு யார் வருவார்கள் என்பதைத் தீர்மானிக்கும். ராஜஸ்தானின் நிகர ரன் ரேட் (+0.083), டெல்லியின் ரன் ரேட்டை (-0.871) விட மிகவும் சிறப்பாக உள்ளது.
ALSO READ: வைபவ் சூர்யவன்ஷியின் ’A’ கொண்டாட்டம்.. இந்த சிறப்பு எழுத்துக்குள் இவ்வளவு ரகசியமா?
ஐபிஎல் 2026 பிளேஆஃப் உறுதி செய்துள்ள அணிகள்:
- ராயல் சேலஞ்சர்ஸ் பெங்களூரு (RCB)
- குஜராத் டைட்டன்ஸ் (GT)
- சன்ரைசர்ஸ் ஹைதராபாத் (SRH)
