IPL 2026: பிளே ஆஃப்க்கு ஒரு படி! மும்பையை வீழ்த்தி தகுதி பெறுமா ராஜஸ்தான்?
MI vs RR Match Preview: ராஜஸ்தான் ராயல்ஸ் அணி 14 புள்ளிகளுடன் தங்களது கடைசி லீக் போட்டியில் களமிறங்குகிறது. வருகின்ற 2026 மே 24ம் தேதி மும்பை இந்தியன்ஸுக்கு எதிரான போட்டியில் வெற்றி பெற்றால், ராஜஸ்தான் அணி நேரடி பிளேஆஃப் இடத்தை உறுதி செய்யும். ராயல்ஸ் அணியைப் பொறுத்தவரை, மும்பை இந்தியன்ஸுக்கு எதிரான போட்டி கட்டாயம் வெல்ல வேண்டிய போட்டியாக மாறியுள்ளது.
ஐபிஎல் 2026 சீசனில் (IPL 2026) 69-வது போட்டியில், மும்பை இந்தியன்ஸ் அணி, ராஜஸ்தான் ராயல்ஸ் அணியை இன்று அதாவது 2026 மே 24ம் தேதி ‘சூப்பர் சண்டே’ அன்று புகழ்பெற்ற வான்கடே ஸ்டேடியத்தில் எதிர்கொள்கிறது. ராஜஸ்தான் ராயல்ஸ் அணி 14 புள்ளிகளுடன் தங்களது கடைசி லீக் போட்டியில் களமிறங்குகிறது. வருகின்ற 2026 மே 24ம் தேதி மும்பை இந்தியன்ஸுக்கு எதிரான போட்டியில் வெற்றி பெற்றால், ராஜஸ்தான் அணி நேரடி பிளேஆஃப் இடத்தை உறுதி செய்யும். ராயல்ஸ் அணியைப் பொறுத்தவரை, மும்பை இந்தியன்ஸுக்கு (Mumbai Indians) எதிரான போட்டி கட்டாயம் வெல்ல வேண்டிய போட்டியாக மாறியுள்ளது. கொல்கத்தா நைட் ரைடர்ஸ் அணி, டெல்லி கேப்பிட்டல்ஸ் அணியை வீழ்த்தி 15 புள்ளிகளை எட்டினால், ஒரு தோல்வி ராஜஸ்தான் அணியை சிக்கலில் ஆழ்த்தக்கூடும். அதாவது, ராஜஸ்தானின் முழு ஐபிஎல் 2026 சீசனும் இந்த கடைசி லீக் போட்டியைச் சார்ந்தே உள்ளது.
ALSO READ: ஐபிஎல் 2026ன் குவாலிஃபையர் 1 எப்போது, எங்கு நடைபெறுகிறது..? முழு விவரம் இதோ!
மும்பை இந்தியன்ஸ் அணிக்கு இது ஒரு மறக்க முடியாத சீசனாக அமைந்துள்ளது. தொடர்ச்சியான ஏமாற்றமளிக்கும் ஆட்டங்களால், ஐந்து முறை சாம்பியன் பட்டம் வென்ற மும்பை அணியால் புள்ளிப் பட்டியலில் 9வது இடத்திற்கு மேல் முன்னேற முடியவில்லை. ஹர்திக் பாண்டியா தலைமையிலான மும்பை இந்தியன்ஸ் அணி, கொல்கத்தா நைட் ரைடர்ஸ் அணியிடம் 4 விக்கெட் வித்தியாசத்தில் தோல்வியடைந்த நிலையில் இந்தப் போட்டியில் களமிறங்குகிறது.
மும்பை வான்கடே ஸ்டேடியம் பிட்ச் ரிப்போர்ட்:
வான்கடே பிட்ச் இந்தியாவின் சிறந்த பேட்டிங் ஆடுகளங்களில் ஒன்றாகக் கருதப்படுகிறது. பெரும்பாலான நேரங்களில் பேட்ஸ்மேன்கள் ஆதிக்கம் செலுத்தினாலும், பந்துவீச்சாளர்களும் சில நேரங்களில் உதவி செய்யும். இந்த ஸ்டேடியம் அரபிக்கடலுக்கு மிக அருகில் இருப்பதால், காற்று மைதானத்தினுள் வீசுகிறது. இதனால், வேகப்பந்துவீச்சாளர்களால் ஆரம்பத்திலேயே பந்தை ஸ்விங் செய்ய முடிகிறது. 2026 ஐபிஎல் சீசனில் வான்கடே மைதானத்தில் முதல் இன்னிங்ஸின் சராசரி ஸ்கோர் 222 ஆக இருந்தது. மேலும், சன்ரைசர்ஸ் ஹைதராபாத் அணி 244 ரன்கள் என்ற இலக்கை வெற்றிகரமாகத் துரத்திப் பிடித்தது.
ALSO READ: ஸ்பின் ஆக்ஷனில் வேகப்பந்து..? க்ருனால் பாண்ட்யா பந்துக்கு காவ்யா மாறன் கொடுத்த ரியாக்ஷன்!
கணிக்கப்பட்ட இரு அணிகளின் விவரம்:
மும்பை இந்தியன்ஸ்:
ரியான் ரிக்கல்டன் (விக்கெட் கீப்பர்), ரோகித் சர்மா, நமன் தீர், சூர்யகுமார் யாதவ், திலக் வர்மா, ஹர்திக் பாண்டியா (கேப்டன்), வில் ஜாக்ஸ், கார்பின் போஷ், தீபக் சாஹர், ஜஸ்பிரிட் பும்ரா, ரகு ஷர்மா
இம்பாக்ட் வீரர்: ஏ.எம். கசன்ஃபர்
ராஜஸ்தான் ராயல்ஸ்:
யஷஸ்வி ஜெய்ஸ்வால் (கேப்டன்), லுவான்-ட்ரே பிரிட்டோரியஸ், துருவ் ஜூரல் (விக்கெட் கீப்பர்), டொனோவன் ஃபெரீரா, ஷுபம் துபே, ரவீந்திர ஜடேஜா, தசுன் ஷனகா, ஜோஃப்ரா ஆர்ச்சர், சந்தீப் சர்மா, பிரிஜேஷ் சர்மா, யாஷ் ராஜ் புஞ்சா
இம்பாக்ட் வீரர்: வைபவ் சூர்யவன்ஷி
