IPL 2026: கடைசி வாய்ப்பு.. பிளே ஆஃப் செல்லுமா சென்னை..? குஜராத்துடன் இன்று மோதல்..!
GT vs CSK Head to Head: ஐபிஎல் வரலாற்றில் குஜராத் டைட்டன்ஸ் அணியும், சென்னை சூப்பர் கிங்ஸ் அணியும் 9 போட்டிகளில் நேருக்கு நேர் மோதியுள்ளன. இதில், குஜராத் அதிகபட்சமாக 5 போட்டிகளிலும், சென்னை அணி 4 போட்டிகளிலும் வெற்றி பெற்றுள்ளது.
ஐபிஎல் 2026 சீசனின் (IPL 2026) 66வது போட்டியில் இன்று அதாவது 2026 மே 21ம் தேதி குஜராத் டைட்டன்ஸ் அணி, சென்னை சூப்பர் கிங்ஸ் (Chennai Super Kings) அணியை அகமதாபாத்தில் உள்ள நரேந்திர மோடி ஸ்டேடியத்தில் எதிர்கொள்கிறது. பிளேஆஃப் சுற்றுக்குத் தகுதி பெற்றுள்ள குஜராத் டைட்டன்ஸ் அணி, தற்போது 13 போட்டிகளில் 16 புள்ளிகளுடன் புள்ளி அட்டவணையில் 2வது இடத்தில் உள்ளது. அடுத்த சுற்றுக்கான குஜராத்தின் இடம் ஏற்கெனவே உறுதியாகிவிட்ட போதிலும், குஜராத் அணி தங்களது முதல் இரண்டு இடங்களையும், அதனுடன் வரும் மதிப்புமிக்க சொந்த மைதான சாதகத்தையும் தக்கவைத்துக் கொள்ள ஆர்வமாக இருக்கும்.
ALSO READ: பல அணிகளுக்கு தலைவிதியை தீர்மானிக்கும் மும்பை.. 4வது அணியாக பிளே ஆஃப் செல்லப்போகும் அணி எது?
மறுபுறம், சென்னை சூப்பர் கிங்ஸ் அணிக்கு ஒரு வெற்றி மிகவும் அவசியமாகத் தேவைப்படுகிறது. கடந்த 2026 மே 18ம் தேதி சன்ரைசர்ஸ் ஹைதராபாத்திடம் ஐந்து விக்கெட் வித்தியாசத்தில் அடைந்த தோல்வி, சென்னையை ஒரு கடினமான நிலைக்குத் தள்ளியுள்ளது. மேலும், சென்னை கணிதரீதியாக இன்னும் பிளேஆஃப் போட்டியில் இருந்தாலும், மற்ற அணிகளின் நிலைமையை சார்ந்திருக்க வேண்டும்.
இரு அணிகளும் இதுவரை நேருக்கு நேர்:
ஐபிஎல் வரலாற்றில் குஜராத் டைட்டன்ஸ் அணியும், சென்னை சூப்பர் கிங்ஸ் அணியும் 9 போட்டிகளில் நேருக்கு நேர் மோதியுள்ளன. இதில், குஜராத் அதிகபட்சமாக 5 போட்டிகளிலும், சென்னை அணி 4 போட்டிகளிலும் வெற்றி பெற்றுள்ளது.
நரேந்திர மோடி ஸ்டேடியம் பிட்ச் அறிக்கை
நரேந்திர மோடி மைதானத்தில் நடைபெற்ற கடைசி ஐபிஎல் 2026 போட்டி மே 12, 2026 அன்று நடந்தது. அதில் குஜராத் டைட்டன்ஸ் அணி, சன்ரைசர்ஸ் ஹைதராபாத் அணியை 82 ரன்கள் வித்தியாசத்தில் தோற்கடித்தது. முந்தைய போட்டியில் அதிக ரன்கள் எடுக்கப்படாவிட்டாலும், நரேந்திர மோடி மைதானம் பேட்டிங்கிற்கு ஒரு சொர்க்கமாகவே கருதப்படுகிறது. இங்கு பேட்ஸ்மேன்களே ஆதிக்கம் செலுத்துகின்றனர்.
கணிக்கப்பட்ட இரு அணிகளின் விவரம்:
குஜராத் டைட்டன்ஸ் பிளேயிங் லெவன்:
சாய் சுதர்ஷன், சுப்மன் கில் (கேப்டன்), நிஷாந்த் சிந்து, ஜோஸ் பட்லர் (விக்கெட் கீப்பர்), வாஷிங்டன் சுந்தர், ஜேசன் ஹோல்டர், சாய் கிஷோர், ரஷித் கான், அர்ஷத் கான், ககிசோ ரபாடா, முகமது சிராஜ்
இம்பாக்ட் வீரர் : பிரசித் கிருஷ்ணா
ALSO READ: தோனி அடுத்த ஆண்டு விளையாடுவாரா..? சுரேஷ் ரெய்னா கொடுத்த சூப்பர் அப்டேட்!
சென்னை சூப்பர் கிங்ஸ் ப்ளேயிங் லெவன் :
சஞ்சு சாம்சன் (விக்கெட் கீப்பர்), ருதுராஜ் கெய்க்வாட் (கேப்டன்), உர்வில் பட்டேல் (வி.கே.), கார்த்திக் ஷர்மா, டெவால்ட் ப்ரூவிஸ், சிவம் துபே, பிரசாந்த் வீர், அக்கேல் ஹொசைன், ஸ்பென்சர் ஜான்சன், நூர் அகமது, அன்ஷுல் காம்போஜ்
இம்பாக்ட் வீரர் : முகேஷ் சௌத்ரி
