IND vs SL: டெஸ்ட் போட்டியில் 100 சிக்ஸர்கள்.. முதல் இந்தியர் என்ற சாதனையை படைத்த ரிஷப் பண்ட்!
Rishabh Pant 100 Sixes in Test: ரிஷப் பண்ட், டெஸ்ட் கிரிக்கெட்டில் 100 சிக்ஸர்களை அடித்த முதல் இந்தியர் என்ற சாதனையை படைத்தது மட்டுமல்லாமல், டெஸ்ட் கிரிக்கெட்டில் இந்த மைல்கல்லை எட்டிய அதிவேக பேட்ஸ்மேன் என்ற பெருமையையும் பெற்றார். பண்ட் இந்தச் சாதனையை 4,918 பந்துகளில் நிகழ்த்தினார்.
இந்திய கிரிக்கெட் அணியின் (Indian Cricket Team) விக்கெட் கீப்பர்-பேட்ஸ்மேனான ரிஷப் பண்ட், இலங்கைக்கு (IND vs SL) எதிரான முதல் டெஸ்ட் போட்டியில் வரலாறு படைத்தார். காலி டெஸ்ட் போட்டியில் 2 சிக்ஸர்களை அடித்ததன் மூலம், டெஸ்ட் போட்டிகளில் 100 சிக்ஸர்களை அடித்த முதல் இந்திய பேட்ஸ்மேன் என்ற பெருமையை பண்ட் படைத்தார். மேலும், அதிவேகமாக 100 சிக்ஸர்களை அடித்ததற்கான உலக சாதனையையும் தற்போது ரிஷப் பண்டிடம் உள்ளது. டெஸ்ட் கிரிக்கெட்டில் இதுவரை 4 வீரர்கள் மட்டுமே 100 சிக்ஸர்களை அடித்துள்ளனர். அதன்படி, ரிஷப் பண்ட்க்கு முன்பு, பிரண்டன் மெக்கல்லம், ஆடம் கில்கிறிஸ்ட் மற்றும் பென் ஸ்டோக்ஸ் ஆகியோர் மட்டுமே இந்தச் சாதனையை நிகழ்த்தியிருந்தனர்.
ALSO READ: இலங்கை அணிக்கு 372 ரன்கள் இலக்கு! வெற்றியை பதிவு செய்யுமா இந்திய அணி?
100 சிக்ஸர்களை அடித்த முதல் இந்தியர்:
இந்தியா தனது முதல் டெஸ்ட் போட்டியை 1932-ல் விளையாடியது. 94 ஆண்டுகளில், இந்த வடிவத்தில் எந்தவொரு இந்திய பேட்ஸ்மேனும் 100 சிக்ஸர்களை அடித்ததில்லை. ரிஷப் பண்ட் அவ்வாறு செய்த முதல் இந்தியர் ஆனார். வீரேந்தர் சேவாக் 91 சிக்ஸர்களையும், ரோஹித் சர்மா 88 சிக்ஸர்களையும், ரவீந்திர ஜடேஜா தனது டெஸ்ட் வாழ்க்கையில் 82 சிக்ஸர்களையும் அடித்திருந்தனர். ஆனால் ரிஷப் பண்ட் அனைவரையும் விஞ்சி ஒரு வரலாற்றுச் சாதனையை நிகழ்த்தியுள்ளார்.
டெஸ்ட் போட்டிகளில் இந்தியாவுக்காக அதிக சிக்ஸர்கள்
- 100 சிக்ஸர்கள் – ரிஷப் பண்ட்
- 91 சிக்ஸர்கள் – விரேந்தர் சேவாக்
- 88 சிக்ஸர்கள் – ரோஹித் சர்மா
- 82 சிக்ஸர்கள் – ரவீந்திர ஜடேஜா
அதிவேக 100 சிக்ஸர்களுக்கான உலக சாதனை
ரிஷப் பண்ட், டெஸ்ட் கிரிக்கெட்டில் 100 சிக்ஸர்களை அடித்த முதல் இந்தியர் என்ற சாதனையை படைத்தது மட்டுமல்லாமல், டெஸ்ட் கிரிக்கெட்டில் இந்த மைல்கல்லை எட்டிய அதிவேக பேட்ஸ்மேன் என்ற பெருமையையும் பெற்றார். பண்ட் இந்தச் சாதனையை 4,918 பந்துகளில் நிகழ்த்தினார். அதேசமயம் ஆஸ்திரேலியாவின் ஆடம் கில்கிறிஸ்ட் இந்த மைல்கல்லை எட்ட 6,578 பந்துகளை எடுத்துக்கொண்டார்.
100 சிக்ஸர்களை அதிவேகமாக அடித்தவர்கள் பட்டியலில் பென் ஸ்டோக்ஸ் 3வது இடத்தில் உள்ளார். இந்த மைல்கல்லை எட்ட ஸ்டோக்ஸ் 9,042 பந்துகளை எடுத்துக்கொண்டார். பிரண்டன் மெக்கல்லம் 9,756 பந்துகளில் 100 சிக்ஸர்களை எட்டினார்.
- 4918 பந்துகள் – ரிஷப் பண்ட்
- 578 பந்துகள் – ஆடம் கில்கிறிஸ்ட்
- 9042 பந்துகள் – பென் ஸ்டோக்ஸ்
- 9756 பந்துகள் – பிரெண்டன் மெக்கல்லம்
ALSO READ: 2021 முதல் டெஸ்ட் போட்டியில் அதிக நோ- பால்.. மோசமான சாதனை பட்டியலில் ஜடேஜா முதலிடம்!
ரிஷப் பண்ட்டின் டெஸ்ட் வாழ்க்கை:
ரிஷப் பண்ட் இதுவரை 51 டெஸ்ட் போட்டிகளில் மட்டுமே விளையாடியுள்ளார், இவற்றில் 100 டெஸ்ட் சிக்ஸர்களை அடித்த முதல் இந்தியர் என்பது உட்பட பல வரலாற்றுச் சாதனைகளைப் படைத்துள்ளார். 8 டெஸ்ட் சதங்களை அடித்துள்ள ரிஷப் பண்ட், ஒரு இந்திய விக்கெட் கீப்பர்-பேட்ஸ்மேன் அடித்த அதிக சதங்கள் என்ற சாதனையை ஏற்கனவே தன்வசம் வைத்துள்ளார். 6 சதங்களுடன் எம்.எஸ். தோனி இந்தப் பட்டியலில் இரண்டாம் இடத்தில் உள்ளார். ரிஷப் பண்ட் இதுவரை 51 டெஸ்ட் போட்டிகளில் 3662 ரன்கள் எடுத்துள்ளார். அவர் 8 சதங்களையும் 20 அரை சதங்களையும் அடித்துள்ளார். அவரது டெஸ்ட் சராசரியும் சிறப்பாக உள்ளது.
